ശ്വാനമുഖൻ വവ്വാൽ
| lesser short-nosed fruit bat | |
|---|---|
.jpg)
| |
| Lesser short-nosed fruit bat moves to branch in daylight | |
| ശാസ്ത്രീയ വർഗ്ഗീകരണം | |
| കിങ്ഡം: | |
| Phylum: | |
| Class: | |
| Order: | |
| Family: | |
| Genus: | |
| Species: | C. brachyotis
|
| Binomial name | |
| Cynopterus brachyotis (Müller, 1838)
| |
| |
| Lesser short-nosed fruit bat range | |
അടുത്ത ബന്ധുവായ കുറുമൂക്കൻ വവ്വാലിനെക്കാൾ ചെറുതാണ് ഇവ. ഇവയെ ഇംഗ്ലീഷിൽ Lesser Dog faced Fruit Bat എന്ന് വിളിക്കുന്നു.( ശാസ്ത്രീയ നാമം: Cynopterus brachyotis).
രൂപവിവരണം[തിരുത്തുക]
വിളറിയ അരികുകളില്ലാത്ത ചെറിയ ചെവികളും (1.8 സെ.മീ. കൂടില്ല) വിളറിയ നിറത്തിലുള്ള വിരലുകളില്ലാത്ത ചിറകുകളുമാണ് ഇവയെ പെട്ടെന്ന് തിരിച്ചറിയാൻ സഹായിക്കുന്നത്. ഇവയുടെ മുൻ ചിറകുകൾക്ക് ഉദ്ദേശം 60.3 മി.മീ. നീളം വരും.(57.3-63.3 മി.മീ. വരെ). ഇവയുടെ ചെവികൾ തീരെ ചെറുതായിരിക്കും. ചെവിയുടെ അഗ്രങ്ങളിലെ വിളറിയ നിറം ഇവയിൽ കാണാറില്ല. മുൻചിറകിലെ വിരലുകൾ ഇരുണ്ട നിറത്തിലാണ് കാണപ്പെടുന്നത്. എന്നാൽ കുറിമൂക്കൻ വവ്വാലുകൾക്ക് ഇത് വിളറിയ നിറത്തിലായിരിക്കും. മറ്റു എല്ലാ ശാരീരിക സവിശേഷതകളും ഈ രണ്ട് വിഭാഗങ്ങൾക്കും ഒരു പോലെയാണ്.
തലയോട്ടിയുടെ പ്രത്യേകതകൾ[തിരുത്തുക]
കുറിമൂക്കൻ വവ്വാലിനെക്കാൾ തലയോട്ടിയുടെ ആകെ വലിപ്പം കുറവാണ്. തലയോട്ടിയുടെ നീളം : 27.6മി.മീ. (26.0-28.8 മി.മീ.). പുറംഘടനയിൽ ഇവ രണ്ടും ഒരു പോലെ കാണപ്പെടുന്നു.
പല്ലുകളുടെ വിന്യാസം[തിരുത്തുക]
മുകളിലെ ദന്തനിരയുടെ നീളം : 9.7 മി.മീ. (8.9-10.7 മി. മീ.). ദന്തനിരയുടെ ശരാശരി വലിപ്പം വച്ച് ഇവയെ കുറിമൂക്കൻ വവ്വാലുകളിൽ നിന്നും വേർതിരിച്ചറിയാൻ സാധിക്കില്ല.
വിതരണം[തിരുത്തുക]
തെക്കേ ഇന്ത്യ, ശ്രിലങ്ക എന്നിവിടങ്ങളിൽ നിന്ന് തുടങ്ങി മ്യാന്മർ, തായ്‌ലാൻഡ്‌, മലേഷ്യ, സുമാത്ര, ബോർണിയോ, സുലാവെസി, ഫിലിപ്പൈൻസ് എന്നിവിടം വരെ ഇവയെ കാണാം.
ഇന്ത്യയിൽ ഇവയെ രേഖപ്പെടുത്തിയിരിക്കുന്ന ചില സ്ഥലങ്ങൾ : ജോഗ് ഫാൾസ്, സിർസി, വിരാജ്പേട്ട്, ചിന്നമാനുർ, ബലപള്ളി.
സ്വഭാവം[തിരുത്തുക]
മരങ്ങളിൽ ചെറിയ കൂട്ടങ്ങൾ ആയാണ് ഇവ വിശ്രമിക്കുന്നത്. സമുദ്രനിരപ്പ് മുതൽ 1500 മീറ്റർ വരെ ഉയരത്തിൽ ഇവയെ കാണാം. പൊതുവേ കാടുകൾ, പഴതോട്ടങ്ങൾ, ഒഴിഞ്ഞ പ്രദേശങ്ങൾ എന്നിവിടങ്ങളിൽ കാണപ്പെടുന്നു. പേരയ്ക്ക ഇവയുടെ ഇഷ്ടഭക്ഷണങ്ങളിൽ ഒന്നാണ്.
പ്രജനനം[തിരുത്തുക]
6 മുതൽ 8 മാസത്തിനുള്ളിൽ പെൺ വവ്വാലുകൾ പ്രായപൂർത്തി ആകുന്നു. ആൺ വവ്വാലുകൾ 1 വർഷത്തിനുള്ളിൽ പ്രായപൂർത്തി ആവും. ഗർഭകാലം ഏകദേശം 3.5 മുതൽ 4 മാസം വരെയാണ്. ഒരു പ്രസവത്തിൽ ഒറ്റ കുഞ്ഞിനു മാത്രം ജന്മം കൊടുക്കുന്നു. 6 മുതൽ 8 മാസം വരെ മുലയൂട്ടൽ തുടരുന്നു.
ഇതും കാണുക[തിരുത്തുക]
അവലംബം[തിരുത്തുക]
- ↑ Csorba, G., Bumrungsri, S., Francis, C., Bates, P., Gumal, M., Kingston, T., Molur, S. & Srinivasulu, C. (2008). "Cynopterus brachyotis". The IUCN Red List of Threatened Species. IUCN. 2008: e.T6103A12432460. doi:10.2305/IUCN.UK.2008.RLTS.T6103A12432460.en. Retrieved 3 January 2018.
{{cite journal}}: CS1 maint: multiple names: authors list (link)
പുറത്തേക്കുള്ള കണ്ണികൾ[തിരുത്തുക]
