കാരോൾ കരമേര
കാരോൾ കരമേര | |
|---|---|
 Karemera in 2015 | |
| ജനനം | 1975 (വയസ്സ് 48–49) |
| ദേശീയത | റുവാണ്ടൻ |
| തൊഴിൽ | നടി, നർത്തകി, സാക്സോഫോണിസ്റ്റ്, നാടകകൃത്ത് |
ഒരു റുവാണ്ടൻ നടിയും, നർത്തകിയും, സാക്സോഫോണിസ്റ്റും നാടകകൃത്തുമാണ് കാരോൾ ഉമുലിംഗ കരമേര (ജനനം: 1975).
ജീവചരിത്രം[തിരുത്തുക]
ഒരു റുവാണ്ടൻ പ്രവാസിയുടെ മകളായ കരമേര 1975-ൽ ബ്രസ്സൽസിലാണ് ജനിച്ചത്.[1] കുട്ടിക്കാലത്ത്, കരേമര ഗണിതശാസ്ത്രത്തിൽ മികവ് പുലർത്തുകയും ഒരു ബേക്കറി തുറക്കാൻ സ്വപ്നം കാണുകയും ചെയ്തു.[2] കരമേര ബ്രസൽസിലെ നാഷണൽ കൺസർവേറ്ററി ഓഫ് തിയറ്റർ ആന്റ് ഡാൻസിൽ ചേർന്ന് പഠനം നടത്തി. ഒരു പത്രപ്രവർത്തകനായ അവരുടെ പിതാവ് റുവാണ്ടൻ വംശഹത്യയുടെ ഫലമായി 1994-ൽ ബെൽജിയത്തിലേക്ക് മടങ്ങി.[3] 1996 ലാണ് കരമേര ആദ്യമായി മോട്ടോർ സൈക്കിളിൽ റുവാണ്ടയിലെത്തിയത്.[1] ചലച്ചിത്ര ജീവിതം ആരംഭിക്കുന്നതിനുമുമ്പ് യൂറിപ്പിഡിസിന്റെ ദി ട്രോജൻ വുമൻ, കേ ആഡ്‌സ്ഹെഡിന്റെ ദ ഗോസ്റ്റ് വുമൺ, അനത്തേമ തുടങ്ങി നിരവധി നാടകങ്ങളിൽ അവർ അഭിനയിച്ചു.[2] 2000 നും 2004 നും ഇടയിൽ റുവാണ്ട 94 ൽ കരമേര പ്രധാന കഥാപാത്രത്തെ അവതരിപ്പിച്ചു. അവരുടെ അമ്മാവൻ ജീൻ-മാരി മുയാംഗോ ഷോയ്ക്ക് സംഗീതം രചിച്ചു.[3]
2005-ൽ കരോൾ റുവാണ്ടൻ വംശഹത്യയെക്കുറിച്ച് ചിത്രീകരിച്ച റൗൾ പെക്ക് നിർമ്മിച്ച സംടൈംസ് ഇൻ ഏപ്രിൽ എന്ന ചിത്രത്തിൽ ജീൻ എന്ന കഥാപാത്രത്തെ അഭിനയിച്ചു.[4]അതേ വർഷം തന്നെ അവർ കിഗാലിയിൽ സ്ഥിരതാമസമാക്കാൻ തീരുമാനിച്ചു.[1]അവിടേക്ക് താമസം മാറിയപ്പോൾ, കരമേര ഒരു പൊതു ചരിത്രം സൃഷ്ടിക്കുന്നതിനായി ബാറുകളിലും റുവാണ്ടൻ നഗരങ്ങളിലെ തെരുവുകളിലും സംവേദനാത്മക നാടകങ്ങൾ അവതരിപ്പിക്കുന്നത് ഉൾപ്പെടെയുള്ള സാംസ്കാരിക പദ്ധതികളിൽ ഏർപ്പെട്ടു. സിസിലിയ കങ്കോണ്ടയ്‌ക്കൊപ്പം, 1994-ന് മുമ്പുള്ള റുവാണ്ടയെക്കുറിച്ചുള്ള ഓർമ്മകൾ പങ്കാളികൾക്ക് പറയാൻ കഴിയുന്ന "സൗണ്ട് കത്തീഡ്രൽ" എന്ന ഓർമ്മകളുടെ റെക്കോർഡിംഗുകൾ അവർ നിർമ്മിച്ചു.[5] അതുവരെ തിയേറ്റർ ഇല്ലായിരുന്ന തലസ്ഥാനത്ത് സംസ്കാരത്തെ പിന്തുണയ്ക്കുന്നതിനായി 2006-ൽ കരേമരയും മറ്റ് ഏഴ് സ്ത്രീകളും കിഗാലിയിൽ ഇഷിയോ ആർട്സ് സെന്റർ സ്ഥാപിച്ചു.[1]
2007-ൽ പുറത്തിറങ്ങിയ ജുജു ഫാക്ടറിയിൽ കരമേര ബിയാട്രീസ് എന്ന കഥാപാത്രത്തെ അഭിനയിച്ചു. ഇറ്റലിയിലെ ഫെസ്റ്റിവൽ സിനിമ ആഫ്രിക്കാനോയിൽ മികച്ച നടിക്കുള്ള അവാർഡ് അവർക്ക് ലഭിച്ചു.[6]ബ്രസ്സൽസ്, കിഗാലി, സെവ്രാൻ എന്നിവിടങ്ങളിലെ സ്ത്രീകളുടെ അനുഭവങ്ങളെക്കുറിച്ച് "ചെസ് എൽ ഹബിറ്റന്റ്" ("Chez l’habitant") എന്ന നാടകം അവർ എഴുതി.[1]
കരമേര ആർട്ടീരിയൽ നെറ്റ്‌വർക്കിന്റെ ഡെപ്യൂട്ടി സെക്രട്ടറി ജനറലായും റുവാണ്ടയിലെ ആർട്ടീരിയൽ നെറ്റ്‌വർക്ക് കൺട്രി പ്രതിനിധിയായും സേവനമനുഷ്ഠിച്ചിട്ടുണ്ട്.[7]ദി മഹാഭാരത നാടകത്തെ ആസ്പദമാക്കി നിർമ്മിച്ച 2016-ലെ പീറ്റർ ബ്രൂക്കിന്റെ നാടകം ബാറ്റിൽഫീൽഡിൽ അവർ അഭിനയിച്ചു.[8]2018-ൽ, റുവാണ്ടയിലെ തീയറ്ററിലെ തന്റെ പ്രവർത്തനങ്ങളെ മാനിച്ചുകൊണ്ട് ലെസ് ജേണീസ് തീട്രെൽസ് ഡി കാർത്തേജിൽ അവർക്ക് ഒരു അവാർഡ് ലഭിച്ചു.[9]
ഫിലിമോഗ്രാഫി[തിരുത്തുക]
- 2005: സംടൈംസ് ഇൻ ഏപ്രിൽ - ജീൻ
- 2006: സൗണ്ട്സ് ഓഫ് സാൻഡ് - മൗന
- 2007: ജുജു ഫാക്ടറി - ബിയാട്രീസ്
- 2008: ബ്ലാക്ക് - പമേല
അവലംബം[തിരുത്തുക]
- ↑ 1.0 1.1 1.2 1.3 1.4 Charon, Aurélie (12 October 2018). "Carole Karemera, j'irai le dire chez vous". Libération (in French). Archived from the original on 2020-10-14. Retrieved 2 October 2020.
{{cite news}}: CS1 maint: unrecognized language (link) - ↑ 2.0 2.1 "Who are the stars of Rwanda's Hillywood?". The New Times. 11 July 2014. Retrieved 2 October 2020.
- ↑ 3.0 3.1 Bédarida, Catherine (21 April 2004). "Carole Karemera incarne la douleur des résistants tutsis". Le Monde (in French). Retrieved 2 October 2020.
{{cite news}}: CS1 maint: unrecognized language (link) - ↑ Lacey, Marc (17 February 2004). "Rwanda Revisits Its Nightmare; Filmmaker, in HBO Project, Uses Survivors and Actual Sites to Recount 1994 War". New York Times. Retrieved 2 October 2020.
- ↑ Kodjo-Grandvaux, Séverine (15 December 2016). "Carole Karemera veut reconstruire le Rwanda grâce au théâtre de rue". Le Monde (in ഫ്രഞ്ച്). Retrieved 2 October 2020.
- ↑ Mahnke, Hans-Christian. "Review of "Juju Factory"". Africavenir. Archived from the original on 2020-10-14. Retrieved 2 October 2020.
- ↑ "Carole Karemara". Arterial Network. Archived from the original on 2020-10-14. Retrieved 2 October 2020.
- ↑ Kantengwa, Sharon (21 April 2016). "You can use art to speak to the world - Carole Karemera". The New Times. Retrieved 2 October 2020.
- ↑ Mazimpaka, Magnus (8 December 2018). "Rwandan Actress Carole Karemera Receives Great Award In Tunisia". Taarifa. Archived from the original on 2020-10-14. Retrieved 2 October 2020.