ബർക്കിറ്റ്സ് ലിംഫോമ

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Burkitt's lymphoma എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search
ബർക്കിറ്റ് ലിംഫോമ
Burkitt lymphoma, touch prep, Wright stain.jpg
ബർക്കിറ്റ് ലിംഫോമ റൈറ്റ് വർണ്ണങ്ങളിൽ
വർഗീകരണവും ബാഹ്യ ഉറവിടങ്ങളും
സ്പെഷ്യാലിറ്റിഹീമറ്റോളജി
ICD-10C83.7
ICD-9-CM200.2
ICD-OM9687/3
OMIM113970
DiseasesDB1784
MedlinePlus001308
eMedicinemed/256
Patient UKബർക്കിറ്റ്സ് ലിംഫോമ
MeSHD002051
ബർക്കിറ്റ് ലിംഫോമ ഉള്ള കുട്ടിയുടെ വായിലുള്ള മുഴ

ലസികാവ്യൂഹത്തിലുണ്ടാവുന്ന (പ്രത്യേകിച്ചും ബി-ലിംഫോസൈറ്റുകളിലുണ്ടാവുന്ന) ഒരുതരം ഹോജ്കിനേതര അർബുദമാണ് ബർക്കിറ്റ് ലിംഫോമ. 1956-ൽ ആഫ്രിക്കയിൽ ജോലി ചെയ്തുകൊണ്ടിരിക്കെ ഡെന്നിസ് പാഴ്സൺ ബർക്കിറ്റ് എന്ന സർജനാണ് ഈ രോഗം ആദ്യമായി നിരീക്ഷിച്ചത്.[1][2]

വർഗ്ഗീകരണം[തിരുത്തുക]

  • എൻഡമിക് വകഭേദം : ഭൂമധ്യരേഖയ്ക്കടുത്തുള്ള ആഫ്രിക്കൻ ഭൂഖണ്ഡത്തിൽ കൂടുതലായും കാണപ്പെടുന്ന വകഭേദമാണിത്. താടിയെല്ലിനെയും, അണ്ഡാശയത്തെയും, വൃക്കകളെയും, വൻകുടലിനെയും, സ്തനങ്ങളെയും ബാധിക്കുന്നു. ആഫ്രിക്കയിലെ കുട്ടികളിൽ ഏറ്റവും കൂടുതലായി കാണപ്പെടുന്ന അർബുദവും ബർക്കിറ്റ് ലിംഫോമയാണ്.
  • സ്പൊറാഡിക് വകഭേദം : ആഫ്രിക്കേതര വകഭേദം എന്നും ഇതിനെ വിളിക്കുന്നു. ചെറു-വൻ കുടലുകൾ സന്ധിക്കുന്ന സ്ഥലത്താണ് ഇത് കൂടുതലായും കാണപ്പെടുന്നത്.
  • പ്രതിരോധ ന്യൂനത മൂലമുള്ള ബർക്കിറ്റ് ലിംഫോമ : എച്ച്.ഐ.വി അണുബാധിതരിലും, അവയവമാറ്റ ശസ്ത്രക്രിയ കഴിഞ്ഞ് പ്രതിരോധശമനി മരുന്നുകൾ കഴിക്കുന്നവരിലുമാണ് ഇത് കൂടുതലായും കണ്ടുവരുന്നത്.[3]

ശരീരനിദാനശാസ്ത്രത്തിൽ രക്തകോശങ്ങളുടെ ആകാരം മാത്രം പഠനവിധേയമാക്കി ബർക്കിറ്റ് ലിംഫോമയുടെ വകഭേദങ്ങൾ തിരിച്ചറിയാൻ പറ്റില്ല.

മൈക്രോസ്കോപ്പി[തിരുത്തുക]

ബർക്കിറ്റ് ലിംഫോമ, ഇയോസിൻ-ഹെമറ്റോക്സിലിൻ വർണ്ണങ്ങൾ, സൂക്ഷ്മദർശിനിയിലൂടെ

ഒരുപോലെയിരിക്കുന്ന ശരാശരി വലിപ്പമുള്ള ലിംഫോസൈറ്റുകളാണ് സൂക്ഷ്മദർശിനിയിലൂടെ ദൃശ്യമാവുക. 'നക്ഷത്രപൂരിതമായ ആകാശം' എന്നാണ് ഈ സൂക്ഷ്മദർശിനി ദൃശ്യത്തെ വിശേഷിപ്പിക്കുന്നത്.[4] ഈ ലിംഫോസൈറ്റുകൾക്ക് ക്ഷാരാഭിമുഖ്യമുള്ള കോശദ്രവ്യം ഉണ്ടാകും. 'ചെറിയ മുറിയാത്ത കോശങ്ങൾ' എന്നാണ് ബർക്കിറ്റ് ലിംഫോമയിലെ ലിംഫോസൈറ്റുകളെ വിശേഷിപ്പിക്കുന്നത്. ബി-കോശ വ്യതിരക്ത മാർക്കറുകളായ CD20, CD22, CD19 എന്നിവ ഇവയിലുണ്ട്. വളരെ വേഗമേറിയതാണ് ലിംഫോമ കോശങ്ങളുടെ വിഭജനം.

ചികിത്സ[തിരുത്തുക]

റിറ്റുക്സിമാബ് എന്ന മരുന്നാണ് നൽകിവരുന്നത്. കീമോതെറപ്പിയും, ഇമ്മ്യൂണോതെറപ്പിയും ചെയ്തുവരുന്നു. മുഴകൾ നീക്കം ചെയ്യാനായി ശസ്ത്രക്രിയകളും വേണ്ടിവന്നേക്കാം.

അവലംബം[തിരുത്തുക]

  1. synd/2511 at Who Named It?
  2. Burkitt D (1958). "A sarcoma involving the jaws in African children". The British journal of surgery. 46 (197): 218–23. doi:10.1002/bjs.18004619704. PMID 13628987.
  3. Bellan C, Lazzi S, De Falco G, Nyongo A, Giordano A, Leoncini L (2003). "Burkitt's lymphoma: new insights into molecular pathogenesis". J. Clin. Pathol. 56 (3): 188–92. doi:10.1136/jcp.56.3.188. PMC 1769902. PMID 12610094. Unknown parameter |month= ignored (help)CS1 maint: multiple names: authors list (link)
  4. Fujita S, Buziba N, Kumatori A, Senba M, Yamaguchi A, Toriyama K (2004). "Early stage of Epstein-Barr virus lytic infection leading to the "starry sky" pattern formation in endemic Burkitt lymphoma". Arch. Pathol. Lab. Med. 128 (5): 549–52. doi:10.1043/1543-2165(2004)128<549:ESOEVL>2.0.CO;2. PMID 15086279. Unknown parameter |month= ignored (help)CS1 maint: multiple names: authors list (link)
"https://ml.wikipedia.org/w/index.php?title=ബർക്കിറ്റ്സ്_ലിംഫോമ&oldid=1934346" എന്ന താളിൽനിന്ന് ശേഖരിച്ചത്