ബാക്ട്രിയ

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Bactria എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search
ബാക്ട്രിയയിലെ പുരാതന നഗരങ്ങൾ

ഹിന്ദുകുഷ് മലനിരകൾക്കും, അമു ദര്യ നദിക്കുമിടയിൽ കിടക്കുന്ന മദ്ധ്യേഷ്യയിലെ ചരിത്രപ്രാധാന്യമേറിയ ഒരു പുരാതനമേഖലയാണ് ബാക്ട്രിയ അഥവാ ബാക്ട്രിയാന (പുരാതന ഗ്രീക്ക്: Βακτριανή; പേർഷ്യൻ: باختر, ഹിന്ദി: बाख़्तर ബാഖ്തർ; Chinese 大夏 Dàxià). പിൽക്കാലത്ത് തുഖാറിസ്താൻ എന്ന് ഈ മേഖല അറിയപ്പെട്ടു. വിശാല ഇറാന്റെ വടക്കുകിഴക്കൻ അതിർത്തിപ്രദേശമായിരുന്ന ഈ പ്രദേശം, ഇന്ന് അഫ്ഗാനിസ്താൻ, താജികിസ്താൻ, ഉസ്ബെകിസ്താൻ എന്നീ രാജ്യങ്ങളുടെ ഭാഗമാണ്. ചെറിയൊരു ഭാഗം തുർക്മെനിസ്താനിലും ഉൾപ്പെടുന്നു. കുശാനസാമ്രാജ്യമടക്കമുള്ള പല പുരാതനസാമ്രാജ്യങ്ങളുടെ ആസ്ഥാനമായിരുന്ന ഇവിടം, സൊറോസ്ട്രിയൻ മതം, ബുദ്ധമതം എന്നി മതങ്ങളുടെ കേന്ദ്രവുമായിരുന്നു.

ബി.സി.ഇ. 128-ൽ അമു ദര്യ തീരങ്ങൾ സന്ദർശിച്ച ചൈനീസ് ദൂതനായിരുന്ന ചാങ് കിയാൻ. ബാക്ട്രിയയെ താ-ഹിയ എന്നാണ് പരാമർശിക്കുന്നത്. ഇവിടത്തെ സ്ഥിരതാമസക്കാരായ ജനങ്ങൾ ചുമരുകളുള്ള പട്ടണങ്ങളിൽ, സ്ഥിരം വീടുകളിലാണ് വസിച്ചിരുന്നത് എന്ന് രേഖപ്പെടുത്തിയിരിക്കുന്നു. താജിക്കുകളാണ് ഇവർ എന്ന് കരുതപ്പെടുന്നു.[1]

അവലംബം[തിരുത്തുക]

  1. William Kerr Fraser-Tytler (1953). "Part II - The Kingdom of Afghanistan, Chapter I - The Afghans and other races of the Hindukush". AFGHANISTAN - A study of political development in Central and Southern Asia - Second Edition. LONDON: Oxford University Press. p. 55.
"https://ml.wikipedia.org/w/index.php?title=ബാക്ട്രിയ&oldid=2371157" എന്ന താളിൽനിന്ന് ശേഖരിച്ചത്