അന്ന ജക്ലാർഡ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Anne Jaclard എന്ന താളിൽ നിന്നും തിരിച്ചുവിട്ടതു പ്രകാരം)
Anne Jaclard

പാരീസ് കമ്മ്യൂണിലും ഒന്നാം ഇന്റർനാഷണിലും പങ്കെടുത്ത അന്ന ജക്ലാർഡ് (Anna Vasilyevna Korvin-Krukovskaya) (1843–1887), ഒരു റഷ്യൻ സോഷ്യലിസ്റ്റും ഫെമിനിസ്റ്റ് വിപ്ലവകാരിയും ആയിരുന്നു. കാൾ മാർക്സിന്റെ സുഹൃത്തുമായിരുന്ന അവർ ഫിയോദോർ ദസ്തയേവ്സ്കിയെ ഒരിക്കൽ പരിചയപ്പെടുകയും അവരുടെ രണ്ട് കഥകൾ അദ്ദേഹത്തിൻറെ ജേണലിൽ പ്രസിദ്ധീകരിക്കുകയും ചെയ്തു. ഗണിതശാസ്ത്രജ്ഞയും സോഷ്യലിസ്റ്റും ആയ സോഫിയ കൊവലേവ്സ്കയ (1850-1891) അവരുടെ സഹോദരി ആയിരുന്നു.[1]

മുൻകാലജീവിതം[തിരുത്തുക]

അന്ന വസില്യവ്ന കോർവിൻ-ക്രൂക്വാവ്സയ ബഹുമാനമുള്ള ഒരു സമ്പന്ന സൈനിക കുടുംബത്തിൽ നിന്നാണ് വന്നത്. പിതാവ് ജനറൽ വാസിലി കോർവിൻ-ക്രുക്കോവ്സ്കി ആയിരുന്നു. അന്നയും ഭാവി ഗണിതശാസ്ത്രജ്ഞയായ സഹോദരി സോഫിയ കൊവാലേശ്സ്കയയും, പുരോഗമന ചിന്താഗതിയുള്ള ഒരു കുടുംബത്തിൽ വളർന്നു. ചെറുപ്പക്കാരികളായ അവർ പ്രസിദ്ധമായ ഭൌതികവാദ സാഹിത്യങ്ങൾ, ലുഡ്വിഗ് ബുഷ്നർ, കാൾ വോഗ്റ്റ് തുടങ്ങിയവരുടെ പുസ്തകങ്ങൾ, നിക്കോളയ് ചെർണേശെസ്സ്കി, പീറ്റർ ലാവ്രോവ് തുടങ്ങിയ സാമൂഹിക വിമർശകർ, നിഹിലിസ്റ്റ്, നാരദ്നിക്സ്, തുടങ്ങിയവരുടെ ലേഖനങ്ങൾ എന്നിവ വായിക്കുമായിരുന്നു.

1860-കളിൽ അന്നത്തെ പ്രശസ്ത എഴുത്തുകാരനായ ഫിയോർഡർ ദസ്തയേവ്സ്കിയുമായി അന്ന പരിചയപ്പെടുകയും 1864-ൽ സാഹിത്യ സംബന്ധിയായ ജേണലായ ദി എപ്പോക്ക് എന്ന പുസ്തകത്തിൽ അവരുടെ രണ്ട് കഥകൾ പ്രസിദ്ധീകരിക്കുകയും ചെയ്തു. ദസ്തയേവ്സ്കി അവരുടെ കഴിവുകളെ ആദരിക്കുകയും എഴുതുന്നതിൽ അവരെ പ്രോത്സാഹിപ്പിക്കുകയും ചെയ്തിരുന്നു. എന്നാൽ ഇവർ രണ്ടുപേരും രാഷ്ട്രീയമായി യോജിച്ചിരുന്നില്ല. 1860-ൽ മതപരമായും യാഥാസ്ഥിതികമായും ദസ്തയേവ്സ്കിക്ക് വിപ്ലവ സോഷ്യലിസ്റ്റ് ആശയങ്ങളോടൊപ്പം ചെയ്തു. അനുഭാവമുണ്ടായിരുന്നുവെങ്കിലും അദ്ദേഹത്തിൻറെ വർധിച്ചുവന്ന പെട്രാസ്ഹേസ്കി സർക്കിളിലെ പങ്കാളിത്തത്തിൻറെ പേരിൽ സൈബീരിയയിലേക്ക് നാടുകടത്തപ്പെടുകയും ചെയ്തു .അദ്ദേഹത്തിൻറെ നിർദ്ദേശങ്ങൾ അവർ തള്ളിക്കളയുകയാണുണ്ടായത്. പക്ഷേ, അവരുടെ ജീവിതകാലം മുഴുവൻ അവർ സൗഹൃദപരമായ നിലയിലായിരുന്നു. ദ ഐഡിയറ്റ് ഓൺ അന്ന യിലെ അഗ്ലയ എപ്പാൻഞ്ചിന എന്ന കഥാപാത്രത്തിലൂടെ ദസ്തയേവ്സ്കി ഈ വസ്തുത മനസ്സിലാക്കിത്തരുന്നു. [2]

1866-ൽ അന്ന കോർവിൻ-ക്രുക്വാവ്സ്കായ അമ്മയോടും സഹോദരിയോടും ചേർന്ന് സ്വിറ്റ്സർലൻഡിലെ ജനീവയിലേക്ക് പോയി. അവിടെ റഷ്യയിൽ നിന്നും മറ്റുഭാഗങ്ങളിൽ നിന്നുമുള്ള പ്രവാസികളുമായി അവർ ബന്ധപ്പെട്ടു.1869-ൽ അവരുടെ ഇളയ സഹോദരി സോഫിയയോടൊപ്പം കൂടെ നിൽക്കുന്നതിനും നിരീക്ഷിക്കുകയും ചെയ്യുക എന്ന ലക്ഷ്യത്തോടെ റഷ്യ വിട്ടു. റഷ്യൻ യുവ റാഡിക്കലുമായി നാമമാത്രമായ വിവാഹം നടത്തിയ വ്ളാഡിമിർ ഓൺഫ്രീവിച്ച് കോവലെവ്സ്കിയും അവരുടെ ഭർത്താവിൻറെയും സംരക്ഷണത്തിലെത്തി. പക്ഷേ, വാസ്തവത്തിൽ, അന്ന പാരീസിലേക്ക് പോകുകയും അവിടെ പാരിസ് കമ്യൂണിലെ മോൺമർട്രേ സംഘത്തിലെ നാഷണൽ ഗാർഡും ബ്ലാൻക്വിസ്റ്റ് നേതാവും ആയ വിക്ടർ ജക്ലാർഡിനെ കണ്ടുമുട്ടുകയും ചെയ്തു.

പാരീസ് കമ്മ്യൂൺ[തിരുത്തുക]

1870-ൽ നെപ്പോളിയൻ മൂന്നാമന്റെ വീഴ്ചയെത്തുടർന്ന് ജക്ലാർഡ് ഫ്രാൻസിലേയ്ക്ക് തിരിച്ചെത്തിയപ്പോൾ ഇരുവരും ഒരു സാധാരണ നിയമ ബന്ധത്തിൽ പ്രവേശിച്ചു. അവരുടെ ഭർത്താവിനോടൊപ്പം, 1871-ലെ പാരിസ് കമ്യൂണിൽ അവർ സജീവമായി പങ്കെടുത്തു. അവർ കോമറ്റി ഡി വിജിലൻസ് ഡി മോണ്ടിമാർടെയറിൽ (the Montmartre Committee of Vigilance) തെരഞ്ഞെടുക്കുകയും പെൺകുട്ടികളുടെ വിദ്യാഭ്യാസത്തെ നിയന്ത്രിക്കുന്ന സമിതിയിലും പാരീസിലെ മുടങ്ങിക്കിടന്ന നഗരത്തിന്റെ ഭക്ഷണ വിതരണത്തിൽ അവർ സജീവമാകുകയും ലാ സോഷ്യലിൻറെ പത്രത്തിന്റെ സഹസ്ഥാപകയും അതിൽ എഴുതുകയും ചെയ്തിരുന്നു. അവർ ഇന്റർനാഷനിലെ റഷ്യൻ വിഭാഗത്തിന്റെ പ്രതിനിധികളിലൊരാളായി പ്രവർത്തിച്ചു. സ്ത്രീകളുടെ അവകാശങ്ങളെ സംബന്ധിച്ച ഒരു സമിതിയിൽ അവർ പങ്കെടുക്കുകയും ചെയ്തു. മുതലാളിത്തത്തിനു നേരെയുള്ള പോരാട്ടത്തിൽ മാത്രമേ പൊതുവെ സ്ത്രീകളുടെ അവകാശത്തിനു വേണ്ടിയുള്ള സമരം വിജയിക്കുകയുള്ളൂ എന്ന് അവർക്ക് ബോധ്യപ്പെട്ടു. അന്ന ജാക്ലാർഡ്, അന്ന് അറിയപ്പെട്ടിരുന്നതുപോലെ, ലൂയിസ് മൈക്കൽ, നതാലി ലെമെൽ, എഴുത്തുകാരൻ ആൻഡ്രെ ലിയോ, പോൾ മിങ്ക്, അവളുടെ സഹ റഷ്യൻ എലിസാവെറ്റ ദിമിട്രിവ എന്നിവരുൾപ്പെടെ കമ്യൂണിലെ മറ്റ് പ്രമുഖ ഫെമിനിസ്റ്റ് വിപ്ലവകാരികളുമായി പരസ്പരം സഹകരിച്ചു. അവർ ഒരുമിച്ച് വനിതാ യൂണിയൻ സ്ഥാപിച്ചു, അത് സ്ത്രീകൾക്ക് തുല്യവേതനം, സ്ത്രീ വോട്ടവകാശം, ഗാർഹിക പീഡനത്തിനെതിരായ നടപടികൾ, പാരീസിലെ നിയമപരമായ വേശ്യാലയങ്ങൾ അടയ്ക്കൽ എന്നിവയ്ക്കായി പോരാടി.

അഡോൾഫ് തിയേഴ്സിന്റെ വെർസൈൽസ് സർക്കാർ പാരീസ് കമ്യൂണിനെ അടിച്ചമർത്തുമ്പോൾ, അന്നയും ജാക്ലാർഡും അറസ്റ്റിലായി. അദ്ദേഹത്തിന് വധശിക്ഷ വിധിച്ചു. പക്ഷേ അന്നക്ക് ഇംഗ്ലണ്ടിലേക്ക് രക്ഷപ്പെടാൻ കഴിഞ്ഞു. അവിടെ അവൾ കാൾ മാർക്സിന്റെ വീട്ടിൽ താമസിച്ചു. 1871 ഒക്ടോബറിൽ, തിയേഴ്സിനോടും സഹോദരി സോഫിയയോടും സഹോദരിയുടെ ഭർത്താവ് കോവാലെവ്സ്കിയോടും അഭ്യർത്ഥിച്ച അന്നയുടെ പിതാവിന്റെ സഹായത്തോടെ ജാക്ലാർഡിനെ അടിമത്തത്തിൽ നിന്ന് മോചിപ്പിക്കുകയും ഫ്രാൻസിൽ നിന്ന് സ്വിറ്റ്സർലൻഡിലേക്ക് കടക്കുകയും അവിടെവച്ച് അന്ന ഔദ്യോഗികമായി വിവാഹം കഴിക്കുകയും ചെയ്തു. റഷ്യൻ ഭാഷ പഠിപ്പിച്ച മാർക്‌സിന് അക്കാലത്ത് റഷ്യൻ വിപ്ലവ പ്രസ്ഥാനത്തിൽ വലിയ താല്പര്യമുണ്ടായിരുന്നു. മാർക്സ് ക്യാപിറ്റലിന്റെ വാല്യം 1 ന്റെ വിവർത്തനം അന്ന ആരംഭിച്ചു, പക്ഷേ പൂർത്തിയായില്ല.

പിന്നീടുള്ള വർഷങ്ങൾ[തിരുത്തുക]

1874-ൽ അന്നയും ഭർത്താവും ജന്മനാടായ റഷ്യയിലേക്ക് മടങ്ങി. വിക്ടർ ഒരു ഫ്രഞ്ച് അധ്യാപകനായി ജോലി കണ്ടെത്തി, അന്ന പ്രധാനമായും ഒരു പത്രപ്രവർത്തകയായും പരിഭാഷകയായും പ്രവർത്തിച്ചു. ഡെലോ, സ്ലോവോ തുടങ്ങിയ പ്രതിപക്ഷ പ്രബന്ധങ്ങളിൽ അവർ സംഭാവന നൽകി. ജാക്ലാഡ്സ് ദസ്തയേവ്സ്കിയുമായി സൗഹൃദബന്ധം പുനരാരംഭിച്ചു. അന്നയെ പ്രണയിക്കാൻ ദസ്തയേവ്‌സ്‌കിയുടെ മുൻകാല ശ്രമങ്ങളോ ജാക്ലാർഡുകളുമായുള്ള അവരുടെ ശക്തമായ രാഷ്ട്രീയ അഭിപ്രായവ്യത്യാസമോ അവർ തമ്മിലുള്ള സൗഹാർദ്ദപരവും സ്ഥിരവുമായ ബന്ധത്തെ തടഞ്ഞില്ല. ഫ്രഞ്ച് ഭാഷയിലേക്കുള്ള വിവർത്തനങ്ങളിൽ അവൾ ഇടയ്ക്കിടെ അദ്ദേഹത്തെ സഹായിച്ചു. ഫ്രഞ്ച് അവൾക്ക് നന്നായി അറിയാമായിരുന്നു. ആൻ ജാക്ലാർഡും വിപ്ലവ സർക്കിളുകളുമായുള്ള ബന്ധം പുനരാരംഭിച്ചു. 1870 കളിൽ നരോദ്‌നിക് പ്രസ്ഥാനത്തിലെ 'ജനങ്ങളോട്' അവർക്ക് പരിചയമുണ്ടായിരുന്നു. 1879-ൽ വിപ്ലവകാരികളുമായി നരോദ്നയ വോല്ല്യ (The People's Will) എന്ന ഗ്രൂപ്പ് രൂപീകരിച്ചു. 1881-ൽ ഈ സംഘം സാർ അലക്സാണ്ടർ രണ്ടാമനെ വധിച്ചു. എന്നിരുന്നാലും, ജാക്ലാർഡ്സ് അപ്പോഴേക്കും റഷ്യ വിട്ടിരുന്നു, തുടർന്നുണ്ടായ അടിച്ചമർത്തലിൽ അവർ അകപ്പെട്ടില്ല. 1880-ൽ ഒരു പൊതുമാപ്പ് അന്നയ്ക്കും വിക്ടർ ജാക്ലാർഡിനും ഫ്രാൻസിലേക്ക് മടങ്ങാൻ പ്രാപ്തമാക്കി. അവിടെ അവർ തങ്ങളുടെ പത്രപ്രവർത്തനം പുനരാരംഭിച്ചു. അന്ന ജാക്ലാർഡ് 1887-ൽ അന്തരിച്ചു.

അവലംബം[തിരുത്തുക]

  1. "Encyclopaedia Britannica". Lexikon des gesamten Buchwesens Online. Retrieved 2019-03-08.
  2. Cp. Lantz, K., The Dostoevsky Encyclopedia. Westport, 2004, p. 220.

ഉറവിടങ്ങളും ലിങ്കുകളും[തിരുത്തുക]

"https://ml.wikipedia.org/w/index.php?title=അന്ന_ജക്ലാർഡ്&oldid=3284667" എന്ന താളിൽനിന്ന് ശേഖരിച്ചത്