അനാപ്സിഡ
| അനാപ്സിഡ Temporal range: Carboniferous - സമീപസ്ഥം
| |
|---|---|
| |
| അനാപ്സീഡ് തലയോട് | |
ശാസ്ത്രീയ വർഗ്ഗീകരണം 
| |
| Domain: | Eukaryota |
| കിങ്ഡം: | Animalia |
| Phylum: | കോർഡേറ്റ |
| Class: | Reptilia |
| Subclass: | അനാപ്സിഡ Williston, 1917 |
| Orders | |
|
†Captorhinida | |
തലയോടിന്റെ ശംഖാസ്ഥി (temporal)[1] ഭാഗത്ത് കുഹര (vacuity)[2]ങ്ങളില്ലാത്ത ഇഴജന്തുക്കളുടെ ഉപവർഗമാണ് അനാപ്‌സീഡ. ഈ ഉപവർഗത്തിന്റെ രണ്ടു പ്രധാനവിഭാഗങ്ങളാണ് കിലോണിയയും (Chelonia)[3] കൊട്ടിലോസോറിയയും (Cotylosauria).[4] ഇന്നു കാണപ്പെടുന്ന ആമകൾ (കടലാമയും, കരയാമയും) കിലോണിയയിൽ ഉൾപ്പെടുന്നു. കൊട്ടിലോസോറിയ നാമാവശേഷമായ ഒരു വിഭാഗമാണ്. കാർബോണിഫെറസ് കല്പത്തിന്റെ അന്ത്യം മുതൽക്കുള്ള ഏറ്റവും പ്രാഥമികങ്ങളായ ഇഴജന്തുക്കളെല്ലാം കൊട്ടിലോസോറിയയിൽപ്പെടുന്നവയാണ്. ഇവയും ഇവയുടെ വളരെ അടുത്ത പിൻഗാമികളും പാലിയോസോയിക് കല്പത്തിന്റെ അവസാനഘട്ടത്തിലും മീസോസോയിക്കിന്റെ ആദ്യവും (പെർമിയൻ-ട്രയാസിക് കാലങ്ങളിൽ) സമൃദ്ധമായുണ്ടായിരുന്നു. ട്രയാസിക് (triassic) കാലഘട്ടം മുതലുള്ള പാറകളിലാണ് ആമകളുടെ ജിവാശ്മങ്ങൾ (fossils) കണ്ടുതുടങ്ങിയത്. അന്നുമുതൽ ഇന്നുവരെയും അവ ധാരാളമായി കാണപ്പെടുന്നുമുണ്ട്. അനാസ്പ്സിഡ്-ഇഴജന്തുക്കൾ മിക്കവയും ജലസാമീപ്യമുള്ള പ്രദേശങ്ങളിൽമാത്രം ജീവിച്ചിരുന്നവയാണ്. ആമകളിൽ ചിലതു മാത്രമാണ് ഇതിനൊരപവാദമായിരുന്നത്. അവയിൽ കൂടുതലും അർധജലജീവികളോ പൂർണജലജീവികളോ ആണ്.
ഇതുകൂടികാണുക[തിരുത്തുക]
അവലംബം[തിരുത്തുക]
- ↑ "Temporal bone - Anatomy". Archived from the original on 2011-06-28. Retrieved 2011-07-04.
- ↑ vacuity
- ↑ World Chelonian Trust - Turtle and Tortoise Conservation and Care
- ↑ The Cotylosauria
 | കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ അനാപ്സിഡ എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം. |