ആലീസ് സ്റ്റുവർട്ട് കെർ
ആലീസ് സ്റ്റുവർട്ട് കെർ | |
|---|---|
| ജനനം | 2 ഡിസംബർ 1853 ഡെസ്ക്ഫോർഡ്, ബാൻഫ്ഷയർ, സ്കോട്ട്ലൻഡ് |
| മരണം | 20 മാർച്ച് 1943 (പ്രായം 89) |
| വിദ്യാഭ്യാസം | ബേൺ കൂടാതെ കിംഗ്സ് ആൻഡ് ക്വീൻസ് കോളേജ് ഓഫ് ഫിസിഷ്യൻസ് |
| തൊഴിൽ | ഡോക്ടർ |
| അറിയപ്പെടുന്നത് | ബ്രിട്ടീഷ് മെഡിക്കൽ അസോസിയേഷൻ രജിസ്റ്ററിൽ ഉൾപ്പെട്ട യുകെയിലെ 13-ാമത്തെ സ്ത്രീ, വനിതാ വോട്ടവകാശവാദി |
| Medical career | |
ആലീസ് സ്റ്റുവർട്ട് കെർ അല്ലെങ്കിൽ ആലീസ് ജെയ്ൻ ഷാനൻ കെർ MRCPI (ജീവിതകാലം: 2 ഡിസംബർ 1853 - 20 മാർച്ച് 1943) ഒരു സ്കോട്ടിഷ് ഫിസിഷ്യനും ആരോഗ്യവിഷയങ്ങളിലെ അദ്ധ്യാപകനും വനിതാ വോട്ടവകാശവാദിയുമായിരുന്നു. ബ്രിട്ടീഷ് മെഡിക്കൽ അസോസിയേഷന്റെ രജിസ്ട്രിയിലെ 13-ാമത്തെ വനിതയായിരുന്നു അവർ.[1]
ആദ്യകാല ജീവിതവും വിദ്യാഭ്യാസവും[തിരുത്തുക]
1853 ഡിസംബർ 2 ന് സ്കോട്ട്ലൻഡിലെ ബാൻഫ്ഷെയറിലെ ഡെസ്ക്ഫോർഡിലാണ് ആലീസ് ജെയ്ൻ ഷാനൻ കെർ ജനിച്ചത്. സൗത്ത് ഷീൽഡിന്റെ ലിബറൽ പാർട്ടി എംപിയായിരുന്ന ജെയിംസ് കൊക്രാൻ സ്റ്റീവൻസന്റെ മകൾ മാർഗരറ്റ് മില്ലർ സ്റ്റീവൻസന്റെയും (1826-1900) ഫ്രീ ചർച്ച് സഭാ ശുശ്രൂഷകനായിരുന്ന റെവറന്റ് വില്യം ടേൺബുൾ കെറിന്റെയും (1824-1885) ഒമ്പത് മക്കളിൽ മൂത്തവളായി അവർ ജനിച്ചു. 18-ആം വയസ്സിൽ, അനാട്ടമിയും ഫിസിയോളജിയും ഉൾപ്പെടെ വനിതകൾക്കുള്ള സർവ്വകലാശാലാ കോഴ്സുകൾ പഠിക്കാൻ അവൾ എഡിൻബർഗിലേക്ക് പോയി. എഡിൻബർഗിൽ വച്ച്, സർവ്വകലാശാല സ്ത്രീകൾക്ക് വൈദ്യശാസ്ത്ര ബിരുദം നൽകണമെന്ന് പ്രചാരണം നടത്തിയിരുന്ന സോഫിയ ജെക്സ്-ബ്ലേക്കുമായി അവർ കണ്ടുമുട്ടി. ജെക്സ്-ബ്ലേക്കിന്റെ അപേക്ഷ സർവ്വകലാശാല നിരസിച്ചതോടെ, അയർലണ്ടിൽനിന്ന് മെഡിക്കൽ പരിശീലനം പൂർത്തിയാക്കാൻ എഡിൻബറോ വിട്ട അവർക്ക് അവിടെ അയർലണ്ടിലെ കിംഗ് ആൻഡ് ക്വീൻസ് കോളേജ് ഓഫ് ഫിസിഷ്യൻസിൽ നിന്ന് ലൈസൻസ്ഷിപ്പ് ലഭിച്ചു.
കരിയർ[തിരുത്തുക]
വൈദ്യശാസ്ത്ര പരിശീലനം പൂർത്തിയാക്കിയ ശേഷം, അവർ എഡിൻബർഗിലേക്ക് മടങ്ങുകയും ജെക്സ്-ബ്ലേക്കുമായി ഒരു വർഷം പരിശീലനം പങ്കിടുകയും ചെയ്തു. ബ്രിട്ടനിൽ ഡോക്ടറായി രജിസ്റ്റർ ചെയ്യുന്ന 13-ാമത്തെ വനിതയായിരുന്നു അവർ.[2]
പിന്നീട് സ്വിറ്റ്സർലൻഡിലെ ബേണിൽ ഒരു വർഷത്തോളം ഉപരിപഠനം നടത്തിയ കെറിന് അവളുടെ അമ്മായിമാരായ ഫ്ലോറയും ലൂയിസ സ്റ്റീവൻസണും ധനസഹായം നൽകി.[3] ബ്രിട്ടനിലേക്ക് മടങ്ങിയ അവൾ ബർമിംഗ്ഹാമിലെ ചിൽഡ്രൻസ് ഹോസ്പിറ്റലിൽ ഹൗസ് സർജനായി ജോലി ചെയ്യുകയും അവിടെ നിന്ന് ലീഡ്സിൽ ഒരു ജനറൽ പ്രാക്ടീഷണറാകുകയും ചെയ്തു.[4] 1887-ൽ, അവൾ സ്വയംജോലി ചെയ്തുകൊണ്ട് എഡിൻബർഗിലേക്ക് മടങ്ങി, റോയൽ കോളേജ് ഓഫ് സർജൻസിലെ സംയുക്ത പരീക്ഷകളിൽ ആ വർഷം ഫൈനലിൽ വിജയിച്ച രണ്ട് വനിതകളിൽ ഒരാളായി മാറി.
1888-ൽ തന്റെ ബന്ധുവായ എഡ്വേർഡ് സ്റ്റുവർട്ട് കെറിനെ (1839-1907) വിവാഹം കഴിച്ച് അവർ ബിർക്കൻഹെഡിലേക്ക് താമസം മാറി.[5] മാർഗരറ്റ് ലൂയിസ് (ജനനം 1892), മേരി ഡൺലോപ്പ് (ജനനം 1896) എന്നീ രണ്ട് പെൺമക്കളുണ്ടായിരുന്ന അവരുടെ മകൻ ശൈശവാവസ്ഥയിൽ മരണമടഞ്ഞിരുന്നു.[6][7] പ്രദേശത്തെ ഏക വനിതാ ഡോക്ടറായ അവർ ബിർക്കൻഹെഡിലായിരുന്നു പ്രാക്ടീസ് ചെയ്തിരുന്നത്. ഈ പ്രാക്ടീസ് വിജയകരമായിരുന്നതോടൊപ്പം പോസ്റ്റ് ഓഫീസിൽ ജോലി ചെയ്യുന്ന വനിതാ ജീവനക്കാരുടെ മെഡിക്കൽ ഓഫീസർ, അസുഖമുള്ള കുട്ടികൾക്കായുള്ള വിറാൽ ഹോസ്പിറ്റലിലെ ഹോണററി മെഡിക്കൽ ഓഫീസർ എന്നീ സ്ഥാനങ്ങളോടൊപ്പം വിറാൽ ലൈയിംഗ്-ഇൻ ഹോസ്പിറ്റൽ, ബിർക്കൻഹെഡ് റെസ്ക്യൂ ഹോം, ലിവർപൂളിലെ കാലിഡോണിയൻ ഫ്രീ സ്കൂളുകൾ എന്നിവയുടെ അധിക ചുമതലകളും അവർക്കുണ്ടായിരുന്നു.[8][9] ലൈംഗികത, ജനന നിയന്ത്രണം, മാതൃത്വം എന്നീ വിഷയങ്ങളിൽ അവർ മാഞ്ചസ്റ്ററിലെ തൊഴിലാളിവർഗ സ്ത്രീകളോട് പ്രഭാഷണങ്ങളും നടത്തി. ഈ പ്രഭാഷണങ്ങൾ മദർഹുഡ്: എ ബുക്ക് ഫോർ എവരി വുമൺ എന്ന പേരിൽ 1891-ൽ പ്രസിദ്ധീകരിക്കപ്പെട്ടു.
അവലംബം[തിരുത്തുക]
- ↑ Ewan, Elizabeth; Innes, Sue; Reynolds, Siân; Pipes, Rose, eds. (2006). Ker, Alice Jane Shannan Stewart. Edinburgh: Edinburgh University Press. pp. 193–194. ISBN 9780748632930.
{{cite book}}:|work=ignored (help) - ↑ Alice Ker, Spartacus Educational, Retrieved 5 October 2017
- ↑ Elizabeth Crawford (2 September 2003). The Women's Suffrage Movement: A Reference Guide 1866–1928. Routledge. pp. 842–. ISBN 1-135-43401-8.
- ↑ "BILLINGHURST, Rosa May (1875–1953) and KER, Dr Alice (1853–1943): ( Autograph Letter Collection)". AIM25. 19 December 1970. Archived from the original on 2017-08-27. Retrieved 6 October 2017.
- ↑ "BILLINGHURST, Rosa May (1875–1953) and KER, Dr Alice (1853–1943): ( Autograph Letter Collection)". AIM25. 19 December 1970. Archived from the original on 2017-08-27. Retrieved 6 October 2017.
- ↑ Ewan, Elizabeth; Innes, Sue; Reynolds, Siân; Pipes, Rose, eds. (2006). Ker, Alice Jane Shannan Stewart. Edinburgh: Edinburgh University Press. pp. 193–194. ISBN 9780748632930.
{{cite book}}:|work=ignored (help) - ↑ Alice Stewart Ker[പ്രവർത്തിക്കാത്ത കണ്ണി], OxfordDNB, Retrieved 5 October 2017
- ↑ Ewan, Elizabeth; Innes, Sue; Reynolds, Siân; Pipes, Rose, eds. (2006). Ker, Alice Jane Shannan Stewart. Edinburgh: Edinburgh University Press. pp. 193–194. ISBN 9780748632930.
{{cite book}}:|work=ignored (help) - ↑ "BILLINGHURST, Rosa May (1875–1953) and KER, Dr Alice (1853–1943): ( Autograph Letter Collection)". AIM25. 19 December 1970. Archived from the original on 2017-08-27. Retrieved 6 October 2017.