അബെൽമോസ്കസ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Abelmoschus എന്ന താളിൽ നിന്നും തിരിച്ചുവിട്ടതു പ്രകാരം)

അബെൽമോസ്കസ്
Abelmoschus esculentus leaves,
flower buds and young fruit
ശാസ്ത്രീയ വർഗ്ഗീകരണം
കിങ്ഡം:
(unranked):
(unranked):
(unranked):
Order:
Family:
Subfamily:
Tribe:
Genus:
Abelmoschus

Species

See text.

അബെൽമോസ്കസ് പൂവ്, ഇടുക്കി ജില്ലയിലെ കുടയത്തൂരിൽ നിന്നും

മാൾവേസി സസ്യകുടുംബത്തിലെ ഒരു ജീനസ്സാണ് അബെൽമോസ്കസ് (Abelmoschus). ഈ ജീനസ്സിൽ ഏകദേശം 15 സ്പീഷിസുകളാണുള്ളത്. ആഫ്രിക്ക, ഏഷ്യ, ആസ്ട്രേലിയ എന്നീ ഭൂഖണ്ഡങ്ങളിൽ കാണപ്പെടുന്ന ഈ സസ്സ്യജനുസ്സിനെ അന്യമായ വർഗ്ഗമായാണ് പരിഗണിക്കുന്നത്.

ഏകവർഷികളും ബഹുവർഷികളും ഉൾപ്പെടുന്ന ഈ സസ്യജനുസ്സിലെ മിക്ക സസ്യങ്ങളും രണ്ട് മീറ്റർ വരെ വളരുന്ന ചെടികളാണ്. ഇവയുടെ ഇലകൾ ഹസ്തകപത്രങ്ങളോടുകൂടിയവയാണ്. ജാലികാസിരാവിന്യാസത്തോടു കൂടിയ ഇവയുടെ ഇലകൾക്ക് ഏകദേശം 10-40 സെന്റീമീറ്റർ നീളവും വീതിയുമുണ്ടായിരിക്കും. 4-8 സെന്റീമീറ്റർ വ്യാസമുള്ള ഇവയുടെ പൂക്കൾ പത്രകക്ഷത്തിലാണ്  വിന്യസിച്ചിരിക്കുന്നത്. ദ്വിലിംഗ സ്വഭാവത്തോടു കൂടിയ ഇവയുടെ പൂക്കൾ പ്രസമത (കൃത്യം മൂന്നായി വിഭജിക്കാവുന്ന-actinomorphy)പാലിക്കുന്നവയാണ്. വെള്ളയോ മഞ്ഞയോ നിറത്തിലുള്ള അഞ്ച് പുഷ്പദളങ്ങളാണിവയ്ക്കുള്ളത്. ചില സ്പീഷിസുകളിൽ പുഷ്പദളങ്ങളുടെ താഴ്ഭാഗത്തായി ചുവന്നതോ അല്ലെങ്കിൽ ധൂമ്രവർണ്ണത്തിലുള്ളതോ ആയ  അടയാളം കാണാറുണ്ട്. ഇവയുടെ ഫലങ്ങൾക്ക് 5-20 സെന്റീമീറ്റർ നീളവും 1-4 സെന്റീമീറ്റർ വീതിയുമുണ്ടായിരിക്കും.

അബെൽമോസ്കസ് ജനുസ്സിൽ വരുന്ന മിക്ക സസ്യങ്ങളും പല ശലഭങ്ങളുടെയും നിശാശലഭങ്ങളുടെയും ലാർവയുടെ ഭക്ഷണമാണ്.

തിരഞ്ഞെടുത്ത സ്പീഷിസുകൾ
  • Abelmoschus caillei - (syn. Hibsicus manihot var. caillei). West African okra
  • Abelmoschus esculentus - (syn. Hibiscus esculentus). Okra
  • Abelmoschus manihot - (syn. Hibiscus manihot). Aibika
  • Abelmoschus moschatus - (syn. Hibiscus abelmoschus). Musk Mallow
  • Abelmoschus ficulneus - (syn. Hibiscus ficulneus). White Wild Musk Mallow
  • Abelmoschus crinitus - (syb. Hibiscus crinitus)

ഉപയോഗങ്ങൾ[തിരുത്തുക]

അബെൽമോസ്കസ് ജനുസ്സിൽ വരുന്ന മിക്ക സസ്യങ്ങളും ഭക്ഷ്യയോഗ്യമാണ്.(ഉദാ., വെണ്ട).

അവലംബം[തിരുത്തുക]

  1. "Abelmoschus". Germplasm Resources Information Network. United States Department of Agriculture. 2007-03-12. Retrieved 2009-02-20.
"https://ml.wikipedia.org/w/index.php?title=അബെൽമോസ്കസ്&oldid=3781623" എന്ന താളിൽനിന്ന് ശേഖരിച്ചത്