എ ഗേൾ വിത്ത് എ വാട്ടറിംഗ് കാൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
(A Girl with a Watering Can എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search
A Girl with a Watering Can
Auguste Renoir - A Girl with a Watering Can - Google Art Project.jpg
ArtistPierre-Auguste Renoir Edit this on Wikidata
Year1876
Mediumഎണ്ണച്ചായം, കാൻവാസ്
Dimensions100 സെ.m (39 in) × 73 സെ.m (29 in)
LocationNational Gallery of Art
Accession No.1963.10.206 Edit this on Wikidata

1876-ൽ ഇമ്പ്രഷനിസ്റ്റ് കലാകാരനായ പിയറി-അഗസ്റ്റെ റെനോയിർ ചിത്രീകരിച്ച ഒരു എണ്ണച്ചായാചിത്രമാണ് എ ഗേൾ വിത്ത് എ വാട്ടറിംഗ് കാൻ. അർജറ്റ്യൂലിലെ മോനെറ്റിന്റെ പ്രശസ്തമായ ഉദ്യാനത്തിൽ ഈ ചിത്രം ചിത്രീകരിക്കപ്പെട്ടു. നീല നിറത്തിലുള്ള വസ്ത്രം ധരിച്ചു വാട്ടർകാനും പിടിച്ചു കൊണ്ട് നിൽക്കുന്ന മദമോയിസെലെ ലെക്ലീർ എന്ന കൊച്ചു പെൺകുട്ടിയെ ഈ ചിത്രത്തിലൂടെ ചിത്രീകരിച്ചിരിക്കുന്നു.

വിവരണം[തിരുത്തുക]

1876-ൽ, റിനോയർ സ്ത്രീകളുടെയും കുട്ടികളുടെയും മികവ് പുലർത്തിയ വിഷയങ്ങൾ ചിത്രങ്ങളായി വരയ്ക്കാൻ തുടങ്ങി. ഈ ചിത്രത്തിന്റെ മാതൃകയിൽ ഒരു വാട്ടർകാനും പിടിച്ചു കൊണ്ട് നിൽക്കുന്ന പെൺകുട്ടിയെ കൂടുതൽ മനോഹരമാക്കാനായി പക്വതയുള്ള ഇംപ്രഷനിസ്റ്റ് ശൈലി ഉപയോഗിച്ചിരിക്കുന്നു. റിനോയിറിന്റെ നിറങ്ങൾ വർണ്ണഫലകത്തിന്റെ ഇംപ്രഷനിസ്റ്റ് പുതുമയും തിളക്കവും പ്രതിഫലിപ്പിക്കുന്നു. അതേസമയം ഭൂപ്രകൃതികളുടെ ചിത്രീകരണം നിയന്ത്രിതവും പതിവുരീതിയുമാണ്. ബ്രഷ്സ്ട്രോക്കുകൾ പോലും അതിലോലമായ സ്പർശനങ്ങളിൽ പ്രയോഗിക്കുന്നു, പ്രത്യേകിച്ച് പെൺകുട്ടിയുടെ മുഖത്ത്. തിളക്കമാർന്ന പ്രിസ്‌മാറ്റിക് നിറങ്ങൾ കുട്ടിയെ ഊഷ്മളമായ അന്തരീക്ഷത്തിൽ വലയം ചെയ്യുകയും അവളുടെ നിഷ്കളങ്കത്വം ആകർഷിക്കുകയും ചെയ്യുന്നു.

പെൺകുട്ടിക്കായി പ്രത്യേക തിരിച്ചറിയലുകൾ നിർദ്ദേശിച്ചിട്ടുണ്ടെങ്കിലും ഒന്നും ബോധ്യപ്പെടുന്നില്ല. കൂടുതൽ സാധ്യതയുള്ളത് റിനോയർ അയൽ‌പക്കത്തെ ഒരു കുട്ടിയെ ചിത്രീകരിച്ചിരിക്കാം. അവളുടെ മനോഹരമായ സവിശേഷതകൾ അദ്ദേഹത്തെ ആകർഷിച്ചിരിക്കാം. സുന്ദരമായ ചുരുണ്ട മുടിയും, തിളങ്ങുന്ന നീലക്കണ്ണുകളും, പിങ്ക് കവിളുകളും, പുഞ്ചിരിക്കുന്ന ചുവന്ന ചുണ്ടുകളും ഉള്ള ഒരു പെൺകുട്ടി, റെനോയിറിന്റെ മറ്റ് ചിത്രങ്ങളിലുള്ള അതേ രീതിയിൽ വസ്ത്രം ധരിച്ചിരിക്കുന്നത് ചിത്രകാരന്റെ മാതൃകയിലെ പ്രിയപ്പെട്ട വ്യക്തിയാണെന്ന് സൂചിപ്പിക്കുന്നു. കലാകാരന്റെ സൃഷ്ടിയുടെ ആകർഷകത്വവും മനോഹാരിതയുടെയും ചിത്രീകരണമാണ് എ ഗേൾ വിത്ത് എ വാട്ടറിംഗ് കാൻ. [1]

ചിത്രകാരനെക്കുറിച്ച്[തിരുത്തുക]

ഇംപ്രഷനിസ്റ്റ് ശൈലി വികസിപ്പിക്കുന്നതിൽ മുൻനിരയിൽ നിന്നിരുന്ന ഒരു ഫ്രഞ്ച് കലാകാരനായിരുന്നു പിയറി-അഗസ്റ്റെ റെനോയിർ. സൗന്ദര്യത്തിന്റെയും പ്രത്യേകിച്ച് സ്‌ത്രീത്വത്തിന്റെ വിഷയാസക്തി പകരുന്ന ചിത്രങ്ങൾ എന്ന നിലയിൽ, "റൂബൻസ് മുതൽ വാട്ടീയോ വരെയുള്ളവരുടെ പാരമ്പര്യത്തിന്റെ അന്തിമ പ്രതിനിധിയായിരുന്നു റെനോയർ.[2]

Pierre Auguste Renoir, uncropped image.jpg

റെനോയിറിന്റെ ചിത്രങ്ങൾ അവയുടെ ഊർജ്ജസ്വലമായ പ്രകാശവും പൂരിത നിറവും കൊണ്ട് ശ്രദ്ധേയമാണ്. മിക്കപ്പോഴും അഗാധവും പക്ഷപാതമില്ലാത്ത രചനകളിലൂടെ ആളുകളെ കേന്ദ്രീകരിക്കുന്നു. സ്ത്രീ നഗ്നതയായിരുന്നു അദ്ദേഹത്തിന്റെ പ്രാഥമിക വിഷയം. സ്വഭാവ ഇംപ്രഷനിസ്റ്റ് ശൈലിയിൽ, റിനോയർ ഒരു രംഗത്തിന്റെ വിശദാംശങ്ങൾ സ്വതന്ത്രമായി ബ്രഷ് ചെയ്ത വർണ്ണ സ്പർശനങ്ങളിലൂടെ നിർദ്ദേശിച്ചു. അങ്ങനെ അദ്ദേഹത്തിന്റെ രൂപങ്ങൾ അവയുടെ ചുറ്റുപാടുകളുമായി പരസ്പരം മൃദുവായി സംയോജിക്കുകയും ചെയ്തിരുന്നു.

അവലംബം[തിരുത്തുക]

  1. "A Girl with a Watering Can". www.nga.gov. ശേഖരിച്ചത് 2019-07-26.
  2. Read, Herbert: The Meaning of Art, page 127. Faber, 1931.

ബാഹ്യ ലിങ്കുകൾ[തിരുത്തുക]