എ.പി. അനിൽകുമാർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
(A.P. Anil Kumar എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search
എ.പി. അനിൽകുമാർ
A.P. Anil Kumar.JPG
Constituencyവണ്ടൂർ
Personal details
Born (1965-03-15) 15 മാർച്ച് 1965 (പ്രായം 55 വയസ്സ്)
മലപ്പുറം, കേരളം
Political partyകോൺഗ്രസ്(ഐ)
Spouse(s)പ്രസീജ
Childrenഅർജുൻ,അമൽ
As of 24 ജനുവരി, 2014

കേരളത്തിൽ നിന്നുള്ള ഇന്ത്യൻ നാഷണൽ കോൺഗ്രസ് പ്രവർത്തകനായ എ.പി. അനിൽകുമാർ (ജനനം:1965 മാർച്ച് 15) കേരള നിയമസഭയിലെ വണ്ടൂർ മണ്ഡലത്തെ പ്രതിനിധീകരിക്കുന്ന എം.എൽ.എ ആണ്. തുടർച്ചയായി നാലാം തവണയാണ് (2001, 2006, 2011, 2016) ഇദ്ദേഹം ഈ മണ്ഡലത്തെ പ്രതിനിധീകരിക്കുന്നത്. വിനോദസഞ്ചാരം,സാംസ്കാരികം, പട്ടികജാതി പിന്നോക്ക ക്ഷേമ വകുപ്പുകളുടെ മന്ത്രിയായും പ്രവർത്തിച്ചിട്ടുണ്ട്.

ജീവിതരേഖ[തിരുത്തുക]

മലപ്പുറം അക്കരപ്പുരക്കൽ ബാലന്റെയും ദേവകിയുടെയും മകനായി 1965 മാർച്ച്‌ 15 -ന് ജനനം. പെരിന്തൽമണ്ണ പി.ടി.എം. കോളജിലെ വിദ്യാഭ്യാസ കാലത്ത് കെ.എസ്.യു.-വിലൂടെ വിദ്യാർത്ഥി രാഷ്ട്രീയത്തിൽ സജീവമായ എ.പി. അനിൽകുമാർ കെ.എസ്‌.യു. താലൂക്ക്‌ പ്രസിഡന്റ്‌, ജില്ലാ സെക്രട്ടറി സ്ഥാനങ്ങൾ വഹിച്ചിട്ടുണ്ട്. തുടർന്ന് യൂത്ത്‌ കോൺഗ്രസ്‌ ജില്ലാ വൈസ്‌പ്രസിഡന്റ്‌, സംസ്‌ഥാന ജനറൽ സെക്രട്ടറി പദവികളും അലങ്കരിച്ചു. ആദ്യം തൃത്താല മണ്ഡലത്തിൽ നിന്ന് നിയമസഭയിലേക്കു മത്സരിച്ചതെങ്കിലും പരാജയപ്പെട്ടു.[1] എന്നാൽ വണ്ടൂർ മണ്ഡലത്തിൽ നിന്ന് തുടർച്ചയായി വിജയിക്കുവാൻ കഴിഞ്ഞ അദ്ദേഹത്തിന് തന്റെ ആദ്യ നിയമസഭാ കാലഘട്ടത്തിൽ തന്നെ മന്ത്രിയാകുവാനും സാധിച്ചു. ഉമ്മൻചാണ്ടിയുടെ ആദ്യ മന്ത്രിസഭയിൽ സാംസ്‌കാരികവകുപ്പും പിന്നാക്ക ക്ഷേമവും കൈകാര്യം ചെയ്തത് ഇദ്ദേഹമായിരുന്നു. രണ്ടാം ഉമ്മൻചാണ്ടി മന്ത്രിസഭയിൽ വിനോദസഞ്ചാരം, പട്ടികജാതി പിന്നോക്ക ക്ഷേമ വകുപ്പുകളും കൈകാര്യം ചെയ്തു. ഇടയ്ക്ക് കാർഷിക സർവ്വകലാശാലാ സിൻഡിക്കേറ്റ് അംഗമായി പ്രവർത്തിച്ചിട്ടുള്ള അനിൽകുമാർ ഇപ്പോൾ എ.ഐ.സി.സി. അംഗവുമാണ്.[2]

കുടുംബം[തിരുത്തുക]

പ്രസീജയാണ് ഭാര്യ. അർജുൻ,അമൽ എന്നിവരാണ് മക്കൾ

അവലംബം[തിരുത്തുക]

  1. ക്രൗഡ്‌പുള്ളറല്ലെങ്കിലും കണ്ണിലുണ്ണിയായി അനിൽകുമാർ, മംഗളം, 2011 മേയ് 22
  2. എ.പി. അനിൽകുമാർ:സൗമ്യം,ദീപ്തം,മധുരം, മലയാള മനോരമ, 2011 മേയ് 22
"https://ml.wikipedia.org/w/index.php?title=എ.പി._അനിൽകുമാർ&oldid=2784884" എന്ന താളിൽനിന്ന് ശേഖരിച്ചത്