2012-ലെ നെയ്യാറ്റിൻകര ഉപതെരഞ്ഞെടുപ്പ്
കേരളത്തിലെ ഒരു നിയമസഭാമണ്ഡലമായ നെയ്യാറ്റിൻകരയിൽ 2012 ജൂൺ 2-നു് ഉപതെരഞ്ഞെടുപ്പ് നടന്നു. വോട്ടെണ്ണൽ 2012 ജൂൺ 15-ന് നടന്നു. 2012 മേയ് 16 വരെയായിരുന്നു നാമനിർദ്ദേശ പത്രിക സമർപ്പിക്കുന്നതിനുള്ള അവസാന തീയതി. പത്രികയുടെ സൂക്ഷ്മ പരിശോധന 2012 മേയ് 17-നു് നടന്നു. പത്രിക പിൻവലിക്കുന്നതിനുള്ള അവസാന തീയതി 2012 മേയ് 19 ആയിരുന്നു.[1][2].
എം.എൽ.എ. ആയിരുന്ന ആർ. ശെൽവരാജ് രാജിവെച്ചതിനെത്തുടർന്നാണ് ഉപതെരഞ്ഞെടുപ്പ് വേണ്ടി വന്നത്.
2012 ജൂൺ 2-നു് നടന്ന തെരഞ്ഞെടുപ്പിൽ 80.1 % പേർ വോട്ട് രേഖപ്പെടുത്തി. ആകെയുള്ള 1,63,993 വോട്ടർമാരിൽ 1,31,056 പേർ വോട്ട് രേഖപ്പെടുത്തി.തിരുപുറം പഞ്ചായത്തിലാണ് ഏറ്റവും ഉയർന്ന പോളിങ് രേഖപ്പെടുത്തിയത് - 83.8 %. നെയ്യാറ്റിൻകര നഗരസഭ 80.3%, അതിയന്നൂർ പഞ്ചായത്ത് 80.8%, ചെങ്കൽ പഞ്ചായത്ത് 80.5%, കാരോട് പഞ്ചായത്ത് 78.3%, കുളത്തൂർ പഞ്ചായത്ത് 78.3 % എന്നിങ്ങനെയാണ് വോട്ടിങ്ങ് ശതമാനം[3].
6334 വോട്ടിന്റെ ഭൂരിപക്ഷത്തിൽ വിജയിച്ച് യു.ഡി.എഫ്. സ്ഥാനാർത്ഥി ആർ. ശെൽവരാജ് വീണ്ടും നിയമസഭയിലേക്ക് തിരഞ്ഞെടുക്കപ്പെട്ടു. എഫ്. ലോറൻസ്, ഒ. രാജഗോപാൽ എന്നിവർ യഥാക്രമം രണ്ടും മൂന്നും സ്ഥാനങ്ങളിലെത്തി. [4]
സ്ഥാനാർത്ഥികൾ
[തിരുത്തുക]നാമനിർദ്ദേശം സമർപ്പിക്കാനുള്ള അവസാന തീയതി കഴിഞ്ഞപ്പോൾ ആകെ 20 പത്രികകൾ ലഭിച്ചിരുന്നു. അവയിൽ മൂന്നെണ്ണം സൂക്ഷ്മപരിശോധനയിൽ തള്ളിപ്പോയി. രണ്ടു പേർ പത്രിക പിൻവലിച്ചു. അങ്ങനെ 15 പേരാണ് മത്സര രംഗത്തുണ്ടായിരുന്നത്[5].
| നമ്പർ | പേരു് | മുന്നണി/പാർട്ടി | ചിഹ്നം | വോട്ടുകൾ |
|---|---|---|---|---|
| 1 | ഒ. രാജഗോപാൽ | ബി.ജെ.പി. | താമര | 30507 |
| 2 | എഫ്. ലോറൻസ് | എൽ.ഡി.എഫ്. | അരിവാൾ ചുറ്റിക നക്ഷത്രം | 46194 |
| 3 | ആർ. ശെൽവരാജ് | യു.ഡി.എഫ്. | കൈപ്പത്തി | 52528 |
| 4 | ടി.ആർ. തങ്കരാജൻ | റിപ്പബ്ലിക്കൻ പാർട്ടി ഓഫ് ഇന്ത്യ | ടെലിവിഷൻ | 294 |
| 5 | ഇ.വി. ഫിലിപ്പ് | സോഷ്യലിസ്റ്റ് പാർട്ടി (ഇന്ത്യ) | മെഴുകുതിരികൾ | 88 |
| 6 | ജെയിൻ വിൽസൺ | സ്വതന്ത്രൻ | പട്ടം | 36 |
| 7 | കെ.ജി. മോഹനൻ | സ്വതന്ത്രൻ | ടേബിൾ ലാമ്പ് | 54 |
| 8 | ജെ.ആർ. ലിവിംഗ്സ്റ്റൺ റോസ് | സ്വതന്ത്രൻ | ബാറ്ററി ടോർച്ച് | 36 |
| 9 | ലൈല സുന്ദരേശൻ | സ്വതന്ത്രൻ | ക്യാമറ | 51 |
| 10 | ജെ. ലോറൻസ് | സ്വതന്ത്രൻ | ഗ്യാസ് സിലിണ്ടർ | 71 |
| 11 | ടി. ലോറൻസ് | സ്വതന്ത്രൻ | ബാറ്റ്സ്മാൻ | 68 |
| 12 | സത്യശീലൻ | സ്വതന്ത്രൻ | ടേബിൾ | 200 |
| 13 | അഡ്വ. സുനിൽ എം. കാരാണി | സ്വതന്ത്രൻ | സ്ലേറ്റ് | 350 |
| 14 | ശെൽവരാജ് | സ്വതന്ത്രൻ | ഷട്ടിൽ | 551 |
| 15 | ടി. ശെൽവരാജ് | സ്വതന്ത്രൻ | ഫ്രോക്ക് | 414 |
ഫലപ്രഖ്യാപനം
[തിരുത്തുക]2012 ജൂൺ 15-നാണ് വോട്ടെണ്ണലും ഫലപ്രഖ്യാപനവും നടന്നത്. 11 റൗണ്ടുകളിലായാണ് വോട്ടെണ്ണൽ നടന്നത്.
അവലംബം
[തിരുത്തുക]- ↑ "നെയ്യാറ്റിൻകര ഉപതെരഞ്ഞെടുപ്പ് ജൂൺ 2-നു്". Archived from the original on 2012-05-05. Retrieved 2012-05-24.
- ↑ "ആർക്കൈവ് പകർപ്പ്" (PDF). Archived from the original (PDF) on 2012-06-16. Retrieved 2012-05-24.
- ↑ "നെയ്യാറ്റിൻകരയിൽ കനത്ത പോളിങ് - 80.1 ശതമാനം". Archived from the original on 2012-06-04. Retrieved 2012-06-04.
- ↑ http://mangalam.com/index.php?page=detail&nid=583525&lang=malayalam
- ↑ "ആർക്കൈവ് പകർപ്പ്" (PDF). Archived from the original (PDF) on 2012-06-16. Retrieved 2012-06-04.
- ↑ "ആർക്കൈവ് പകർപ്പ്" (PDF). Archived from the original (PDF) on 2012-06-16. Retrieved 2012-06-04.