ഹർബല്ലഭ് സംഗീതസമ്മേളനം

Harballabh Sangeet Sammelan ഹർബല്ലഭ് സംഗീതസമ്മേളനം
Hariballav.jpg
സ്ഥലം	ജലന്ധർ, ഇന്ത്യ
നടന്ന വർഷങ്ങൾ	1875-മുതൽ ഇങ്ങോട്ട്
സ്ഥാപിച്ചത്	ബാബ ഹർവല്ലഭ്
തീയ്യതി(കൾ)	ഡിസംബർ 27 മുതൽ 30 വരെ

ഹിന്ദുസ്ഥാനി ക്ലാസിക്കൽ സംഗീതത്തിന്റെ ലോകത്തിലെ ഏറ്റവും പഴക്കമേറിയ സംഗീതോത്സവമാണ് ഹർബല്ലഭ് സംഗീത സമ്മേളനം. ഇത് എല്ലാ വർഷവും സന്യാസിയും ഹിന്ദുസ്ഥാനി ക്ലാസിക്കൽ സംഗീതത്തിന്റെ വക്താവുമായിരുന്ന ബാബ ഹർബല്ലഭിന്റെ സമാധിയിൽ ആഘോഷിക്കപ്പെടുന്നു. 1875-ൽ ജലന്ധറിലെ സിദ്ധ് പീഠ്-ശ്രീ ദേവി തലാബിലാണ് ആദ്യ സമ്മേളനം നടന്നത്. അതിനുശേഷം എല്ലാ വർഷവും ഇത് നടത്തപ്പെടുന്നു.

ചരിത്രം

കഴിഞ്ഞ 131 വർഷത്തിനിടയിൽ മികവിൽ നിന്ന് മികവിലേക്ക് വളർന്ന സംഗീതസമ്മേളനം രാജ്യത്തിനകത്തും പുറത്തും നിന്നുള്ള പ്രേക്ഷകരെയും കലാകാരന്മാരെയും ആകർഷിക്കുന്നു. ഈ ഉത്സവം ദേശീയ ഉത്സവങ്ങളിൽ ഒന്നായി കേന്ദ്ര ടൂറിസം വകുപ്പ് പ്രഖ്യാപിച്ചു. കഴിഞ്ഞ 130 വർഷത്തിനിടയിൽ ഇന്ത്യയിൽ നിന്നും പാകിസ്ഥാനിൽ നിന്നുമുള്ള ഹിന്ദുസ്ഥാനി ക്ലാസിക്കൽ സംഗീതത്തിലെ എല്ലാ പ്രമുഖ കലാകാരന്മാരും ഹർബല്ലഭ് സംഗീത സമ്മേളനത്തിൽ വന്ന് അവതരിപ്പിച്ചിട്ടുണ്ട്. രാഷ്ട്രപിതാവ് മഹാത്മാഗാന്ധി വിഷ്ണു ദിഗംബർ പലൂസ്‌കറിനൊപ്പം 1919-ൽ ബാബ ഹർബല്ലഭ് സംഗീത സമ്മേളനം സന്ദർശിച്ചു. കേന്ദ്രമന്ത്രിമാരും ഗവർണർമാരും സംസ്ഥാന മുഖ്യമന്ത്രിമാരും സംസ്ഥാന മന്ത്രിമാരും മറ്റ് വിഐപികളും ഈ സംഗീതോത്സവത്തിൽ ആദരവ് അർപ്പിക്കാൻ സന്ദർശിക്കുന്നു. എല്ലാ വർഷവും ഇന്ത്യയുടെ വിവിധ ഭാഗങ്ങളിൽ നിന്നും വിദേശത്തു നിന്നുമുള്ള ആയിരക്കണക്കിന് സംഗീതപ്രേമികളെ ഈ ഉത്സവം ആകർഷിക്കുന്നു. ഈ എണ്ണം വർഷം തോറും വർദ്ധിച്ചുകൊണ്ടിരിക്കുകയാണ്.

1956-ൽ സ്വാമി ഹരിബല്ലഭിന്റെ ബാനറിൽ ഒരു സംഗീത അക്കാദമി നിർമ്മിച്ചു.

ഉത്സവം

ശാസ്ത്രീയ സംഗീതത്തിന്റെ വികാസത്തിനായി കൂടുതൽ കൂടുതൽ ആളുകളെ ആകർഷിക്കുകയും പ്രോത്സാഹിപ്പിക്കുകയും ചെയ്യുക എന്നതായിരുന്നു ഫെസ്റ്റിവലിന്റെ പ്രധാന ലക്ഷ്യം. സംഗീതം പിന്തുടരുന്നവർക്ക് ശരിയായ സിലബസും ഉണ്ട്, നദിയുടെ തീരത്ത് ദേവീ തലാബ് എന്ന പേരിൽ ഒരു ആരാധനാലയമുണ്ട്. സമീപത്തുള്ള ക്ഷേത്രത്തിൽ ഒരു ശിവലിംഗമുണ്ട്, അവിടെ ആൾക്കാർ ശിവന്റെ അതിമനോഹരമായ ലിംഗത്തെ ആരാധിക്കുന്നു. മേള നടക്കുന്ന ദിവസം സൗജന്യ ഭക്ഷണവും താമസസൗകര്യവുമുണ്ട്.

വേദി

ഡിസംബർ 27 മുതൽ 30 വരെ വിശുദ്ധ ഹർബല്ലഭിന്റെ സമാധിക്ക് സമീപമുള്ള ദേവി തലാബ് മന്ദിറിലാണ് ഇത് നടക്കുന്നത്. ഈ സമയത്ത് ഇന്ത്യയുടെ വിവിധ ഭാഗങ്ങളിൽ നിന്നുള്ള പ്രശസ്തരായ സംഗീതജ്ഞർ ഇന്ത്യൻ ശാസ്ത്രീയ സംഗീതം ആഘോഷിക്കാൻ ജലന്ധറിൽ ഒത്തുകൂടുന്നു.

ഇതും കാണുക

• ഇന്ത്യൻ ശാസ്ത്രീയ സംഗീതോത്സവങ്ങളുടെ പട്ടിക

പുറത്തേക്കുള്ള കണ്ണികൾ

• ഹർബല്ലഭ് സംഗീതസമ്മേളനം എന്ന വിഷയവുമായി ബന്ധമുള്ള കൂടുതൽ പ്രമാണങ്ങൾ (വിക്കിമീഡിയ കോമൺസിൽ)
• www.harballabh.org