ഹൈബ്രിഡ് കേർണൽ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

കമ്പ്യൂട്ടർ ഓപ്പറേറ്റിംഗ് സിസ്റ്റങ്ങളിൽ ഉപയോഗിക്കുന്ന മൈക്രോ കേർണലിന്റെയും മോണോലിത്തിക് കേർണൽ ആർക്കിടെക്ചറുകളുടെയും വശങ്ങളും നേട്ടങ്ങളും സംയോജിപ്പിക്കാൻ ശ്രമിക്കുന്ന ഒരു ഓപ്പറേറ്റിംഗ് സിസ്റ്റം കേർണൽ ആർക്കിടെക്ചറാണ് ഹൈബ്രിഡ് കേർണൽ.

അവലോകനം[തിരുത്തുക]

പരമ്പരാഗത കേർണൽ വിഭാഗങ്ങൾ മോണോലിത്തിക് കേർണലുകളും മൈക്രോ കേർണലുകളുമാണ് (നാനോ കേർണലുകളും എക്സോകേർണലുകളും മൈക്രോകർണലുകളുടെ ഉന്നത ശ്രേണിയിലുള്ള പതിപ്പുകളായി കാണപ്പെടുന്നു). ഹൈബ്രിഡ് കേർണലുകളുടെയും സാധാരണ മോണോലിത്തിക് കേർണലുകളുടെയും സമാനത കാരണം "ഹൈബ്രിഡ്" വിഭാഗം വിവാദ വിഷയമാണ്; ലളിതമായ മാർക്കറ്റിംഗ് രീതിയായതിനാൽ ലിനസ് ടോർവാൾഡ്സ് ഈ പദം നിരസിച്ചു.[1]

ഒരു ഹൈബ്രിഡ് കേർണലിന് പിന്നിലുള്ള ആശയം ഒരു മൈക്രോ കേർണലിനു സമാനമായ കേർണൽ ഘടനയാണ്, എന്നാൽ ആ ഘടന ഒരു മോണോലിത്തിക് കേർണലിന്റെ രീതിയിൽ നടപ്പിലാക്കുക എന്നതാണ്. ഒരു മൈക്രോ കേർണലിന് വിപരീതമായി, ഒരു ഹൈബ്രിഡ് കേർണലിലെ എല്ലാ (അല്ലെങ്കിൽ മിക്കവാറും എല്ലാം) ഓപ്പറേറ്റിംഗ് സിസ്റ്റം സേവനങ്ങളും ഇപ്പോഴും കേർണൽ സ്ഥലത്താണ്. ഒരു മൈക്രോ കേർണലിനെപ്പോലെ ഉപയോക്തൃ ഇടത്തിൽ സേവനങ്ങൾ ഉള്ളതിന്റെ ആനുകൂല്യങ്ങളൊന്നുമില്ല. എന്നിരുന്നാലും, ഒരു സാധാരണ മോണോലിത്തിക്ക് കേർണലിനെപ്പോലെ, സാധാരണയായി മൈക്രോകെർണലുമായി വരുന്ന കേർണലിനും യൂസർ മോഡിനും ഇടയിൽ സന്ദേശ കൈമാറ്റത്തിന് കോണ്ടക്സ് സ്വിച്ചിംഗിനുമുള്ള പെർഫോമൻസ് ഓവർഹെഡ് ഒന്നുമില്ല.

ഉദാഹരണങ്ങൾ[തിരുത്തുക]

എൻടി കേർണൽ[തിരുത്തുക]

വിൻഡോസ് എൻ‌ടി ഓപ്പറേറ്റിംഗ് സിസ്റ്റം ഫാമിലി ആർക്കിടെക്ചറിൽ രണ്ട് ലെയറുകളാണുള്ളത് (യൂസർ മോഡ്, കേർണൽ മോഡ്), ഈ രണ്ട് ലെയറുകളിലും വ്യത്യസ്ത മൊഡ്യൂളുകൾ ഉണ്ട്.

വിൻഡോസ് 10, വിൻഡോസ് സെർവർ 2019 വരെ ഉൾപ്പെടെ വിൻഡോസ് എൻടി കുടുംബത്തിലെ എല്ലാ ഓപ്പറേറ്റിംഗ് സിസ്റ്റങ്ങൾക്കും ശക്തി നൽകുന്ന വിൻഡോസ് ഫോൺ 8, വിൻഡോസ് ഫോൺ 8.1, എക്സ്ബോക്സ് വൺ എന്നിവയ്ക്ക് കരുത്ത് പകരുന്ന മൈക്രോസോഫ്റ്റ് വിൻഡോസ് എൻടി കേർണലാണ് ഹൈബ്രിഡ് കേർണലിന്റെ ഒരു പ്രധാന ഉദാഹരണം. എൻ‌ടി അധിഷ്‌ഠിത വിൻഡോസിനെ ഒരു മോണോലിത്തിക്ക് കേർണലിനെക്കാൾ ഒരു ഹൈബ്രിഡ് കേർണൽ (അല്ലെങ്കിൽ ഒരു മാക്രോകെർണൽ [2]) എന്ന് തരംതിരിക്കുന്നു, കാരണം എമുലേഷൻ സബ്സിസ്റ്റങ്ങൾ യൂസർ മോഡ് സെർവർ പ്രോസസുകളിലാണ് പ്രവർത്തിക്കുന്നത്, അല്ലാതെ ഒരു മോണോലിത്തിക്ക് കേർണലിലെന്നപോലെ കേർണൽ മോഡിൽ അല്ല,മാച്ചിന്റെ ഡിസൈൻ ലക്ഷ്യങ്ങളുമായി സാമ്യമുള്ള ധാരാളം ഡിസൈൻ ലക്ഷ്യങ്ങൾ ഉണ്ട് (പ്രത്യേകിച്ചും പൊതുവായ കേർണൽ രൂപകൽപ്പനയിൽ നിന്ന് ഒ.എസ് പേഴ്സണാലിറ്റിയെ വേർതിരിക്കുന്നത്).

അവലംബം[തിരുത്തുക]

  1. "Linus Torvalds". As to the whole "hybrid kernel" thing - it's just marketing. It's "Oh, those microkernels had good PR, how can we try to get good PR for our working kernel? Oh, I know, let's use a cool name and try to imply that it has all the PR advantages that that other system has.
  2. "MS Windows NT Kernel-mode User and GDI White Paper". Microsoft Corporation. 2007. ശേഖരിച്ചത് 2007-03-01.
"https://ml.wikipedia.org/w/index.php?title=ഹൈബ്രിഡ്_കേർണൽ&oldid=3318144" എന്ന താളിൽനിന്ന് ശേഖരിച്ചത്