ഹാൻഡിൽ ദ് ബോൾ

കണ്ണികൾ ചേർക്കുക
വിക്കിപീഡിയ, ഒരു സ്വതന്ത്ര വിജ്ഞാനകോശം.

ക്രിക്കറ്റ് കളിയിൽ ബാറ്റ്സ്മാൻ പുറത്താകുന്ന രീതികളിൽ ഒന്നാണ് ഹാൻഡിൽ ദ് ബോൾ. ബാറ്റ് പിടിക്കാത്ത കൈകൾ കൊണ്ട് ഒരു ബാറ്റ്സ്മാൻ മനഃപൂർവം പന്തിനെ സ്പർശിക്കുമ്പോൾ ഈ നിയമപ്രകാരം ഫീൽഡിങ് ടീമിന്റെ അപ്പീലിന്മേൽ അയാളെ ഔട്ടാക്കാൻ സാധിക്കും. എന്നാൽ പരുക്കുകൾ ഒഴിവാക്കാനായി ബാറ്റ്സ്മാൻ പന്തിനെ സ്പർശിച്ചാൽ ഈ നിയമപ്രകാരം അയാൾ ഔട്ടാകില്ല. സാധാരണഗതിയിൽ പന്ത് സ്റ്റമ്പിൽ കൊള്ളും എന്ന് ഭയന്ന് അത് ഒഴിവാക്കാനായാണ് ബാറ്റ്സ്മാന്മാർ പന്തിനെ കൈകൾ ഉപയോഗിച്ച് തടയുന്നത്. ക്രിക്കറ്റ് നിയമങ്ങളിലെ 33-ആം നിയമമാണ് ഹാൻഡിൽ ദ് ബോളിനെ സംബന്ധിക്കുന്നത്. ഈ നിയമപ്രകാരം വളരെ അപൂർവമായി മാത്രമേ ബാറ്റ്സ്മാന്മാർ പുറത്തായിട്ടുള്ളൂ. ക്രിക്കറ്റ് ചരിത്രത്തിൽ ഇതുവരെ ഫസ്റ്റ്-ക്ലാസ്സ് ക്രിക്കറ്റിൽ 57 തവണയും[1], ലിസ്റ്റ് എ ക്രിക്കറ്റിൽ 4 തവണയും[2], അന്താരാഷ്ട്ര ക്രിക്കറ്റിൽ 9 തവണയും മാത്രമേ ഈ നിയമപ്രകാരം ബാറ്റ്സ്മാന്മാർ പുറത്തായിട്ടുള്ളൂ. ഈ നിയമപ്രകാരം പുറത്താകുന്ന ബാറ്റ്സ്മാന്റെ വിക്കറ്റ് ബൗളർ നേടിയതായി പരിഗണിക്കില്ല.

ഈ നിയമപ്രകാരം ബാറ്റ്സ്മാൻ പുറത്താകാവുന്ന സന്ദർഭങ്ങൾ[തിരുത്തുക]

ഈ നിയമപ്രകാരം രണ്ട് സന്ദർഭങ്ങളിൽ ബാറ്റ്സ്മാൻ പുറത്താകാം;

  1. ഫീൽഡറിന്റെ അനുമതിയില്ലാതെ ബാറ്റ് പിടിക്കാത്ത ഒരു കൈ ഉപയോഗിച്ചോ, രണ്ടു കൈകളും ഉപയോഗിച്ചോ ബാറ്റ്സ്മാൻ മനഃപൂർവം പന്തിനെ സ്പർശിക്കുമ്പോൾ.
  2. ഫീൽഡറിന്റെ അനുമതിയില്ലാതെ ബാറ്റ്സ്മാൻ പന്ത് കൈകൊണ്ട് എടുത്ത് ഏതെങ്കിലും ഫീൽഡറിന് കൈമാറുമ്പോൾ.[3]

രണ്ടാമത്തെ സന്ദർഭത്തിൽ അപൂർവങ്ങളിൽ അപൂർവമായി മാത്രമേ ഈ നിയമം പ്രയോഗിക്കപ്പെട്ടിട്ടുള്ളു. ഫീൽഡിങ് ടീം പന്ത് എടുത്ത് കൊടുക്കുന്ന ബാറ്റ്സ്മാന്റെ പ്രവൃത്തി ഒരു സഹായമായി പലപ്പോഴും കാണുന്നതിനാലാണ് ഇത്.

അന്താരാഷ്ട്ര ക്രിക്കറ്റിൽ[തിരുത്തുക]

അന്താരാഷ്ട്ര ക്രിക്കറ്റിൽ ഇതുവരെ 9 ബാറ്റ്സ്മാന്മാർ ഈ നിയമപ്രകാരം പുറത്തായിട്ടുണ്ട്. അതിന്റെ പട്ടികയാണ് താഴെ കൊടുത്തിരിക്കുന്നത്;

ക്രമ നം. ബാറ്റ്സ്മാൻ ടീം എതിരാളി വേദി തീയതി ടെസ്റ്റ്/ഏകദിനം
1 റസ്സൽ എൻഡീൻ  ദക്ഷിണാഫ്രിക്ക  ഇംഗ്ലണ്ട് ന്യൂലാൻഡ്സ്, കേപ് ടൗൺ 1 ജനുവരി 1957 ടെസ്റ്റ് [4]
2 ആൻഡ്രൂ ഹിൽഡിച്ച്  ഓസ്ട്രേലിയ  പാകിസ്താൻ വാക്ക ഗ്രൗണ്ട്, പെർത്ത് 24 മാർച്ച് 1979 ടെസ്റ്റ് [5]
3 മൊഹ്സിൻ ഖാൻ  പാകിസ്താൻ  ഓസ്ട്രേലിയ നാഷനൽ സ്റ്റേഡിയം, കറാച്ചി, കറാച്ചി 22 സെപ്റ്റംബർ 1982 ടെസ്റ്റ് [6]
4 ഡെസ്മണ്ട് ഹെയ്ൻസ്  West Indies  ഇന്ത്യ വാങ്കഡെ സ്റ്റേഡിയം, മുംബൈ 24 നവംബർ 1983 ടെസ്റ്റ് [7]
5 മൊഹീന്ദർ അമർനാഥ്  ഇന്ത്യ  ഓസ്ട്രേലിയ മെൽബൺ ക്രിക്കറ്റ് ഗ്രൗണ്ട്, മെൽബൺ 9 ഫെബ്രുവരി 1986 ഏകദിനം [8]
6 ഗ്രഹാം ഗൂച്ച്  ഇംഗ്ലണ്ട്  ഓസ്ട്രേലിയ ഓൾഡ് ട്രാഫോഡ്, മാഞ്ചസ്റ്റർ 3 ജൂൺ 1993 ടെസ്റ്റ് [9]
7 ഡാരിൽ കുല്ലിനൻ  ദക്ഷിണാഫ്രിക്ക  West Indies കിങ്സ്മീഡ്, ഡർബൻ 27 ജനുവരി 1999 ഏകദിനം [10]
8 സ്റ്റീവ് വോ  ഓസ്ട്രേലിയ  ഇന്ത്യ എം.എ. ചിദംബരം സ്റ്റേഡിയം, ചെന്നൈ 18 മാർച്ച് 2001 ടെസ്റ്റ് [11]
9 മൈക്കൽ വോൺ  ഇംഗ്ലണ്ട്  ഇന്ത്യ എം. ചിന്നസ്വാമി സ്റ്റേഡിയം, ബാംഗ്ലൂർ 19 ഡിസംബർ 2001 ടെസ്റ്റ് [12]

അവലംബം[തിരുത്തുക]

  1. ↑ "Records / First-class matches / Batting records / Unusual dismissals". ESPNcricinfo. Retrieved 2 March 2012.
  2. ↑ "Records / List A matches / Batting records / Unusual dismissals". ESPNcricinfo. Retrieved 2 March 2012.
  3. ↑ "Law 33 (Handled the ball)". Marylebone Cricket Club. 2010. Archived from the original on 2009-03-12. Retrieved 2 March 2012.
  4. ↑ "2nd Test: South Africa v England at Cape Town, Jan 1–5, 1957". ESPNcricinfo. Retrieved 2 March 2012.
  5. ↑ "2nd Test: Australia v Pakistan at Perth, Mar 24–29, 1979". ESPNcricinfo. Retrieved 2 March 2012.
  6. ↑ "1st Test: Pakistan v Australia at Karachi, Sep 22–27, 1982". ESPNcricinfo. Retrieved 2 March 2012.
  7. ↑ "4th Test: India v West Indies at Mumbai, Nov 24–29, 1983". ESPNcricinfo. Retrieved 2 March 2012.
  8. ↑ "2nd Final: Australia v India at Melbourne, Feb 9, 1986". ESPNcricinfo. Retrieved 2 March 2012.
  9. ↑ "1st Test: England v Australia at Manchester, Jun 3–7, 1993". ESPNcricinfo. Retrieved 2 March 2012.
  10. ↑ "3rd ODI: South Africa v West Indies at Durban, Jan 27, 1999". ESPNcricinfo. Retrieved 2 March 2012.
  11. ↑ "3rd Test: India v Australia at Chennai, Mar 18–22, 2001". ESPNcricinfo. Retrieved 2 March 2012.
  12. ↑ "3rd Test: India v England at Bangalore, Dec 19–23, 2001". ESPNcricinfo. Retrieved 2 March 2012.


"https://ml.wikipedia.org/w/index.php?title=ഹാൻഡിൽ_ദ്_ബോൾ&oldid=3622040" എന്ന താളിൽനിന്ന് ശേഖരിച്ചത്