ഹരേകള ഹജബ്ബ

ഇംഗ്ലീഷ് വിലാസം

https://ml.wikipedia.org/wiki/Harekala_Hajabba

ഹരേകള ഹജബ്ബ
ജനനം	(1952-10-17) 17 ഒക്ടോബർ 1952 Daregudde, Near Mangalore, Karnataka, India
ദേശീയത	Indian
അറിയപ്പെടുന്നത്	Social Work
Honours	Padma Shri

പ്രമാണം:Harekala Hajabba.png

രാഷ്ട്രപതി റാം നാഥ് കോവിന്ദ് പത്മശ്രീ സമ്മാനിക്കുന്നു.

മാംഗളൂരുവിലെ ഓറഞ്ച് വിൽപ്പനക്കാരനായ ഹരേകള ഹജബ്ബ ഒരു സമൂഹ്യ സന്നദ്ധ പ്രവർത്തകനാണ്. തന്റെ ചെറിയ വരുമാനത്തിൽ നിന്ന് മിച്ചംവെച്ച് ഒരു വിദ്യാഭ്യാസ സ്ഥാപനം തന്നെ തുടങ്ങിയതിലൂടെ ഹജബ്ബ മാധ്യമങ്ങളിലും പൊതുരംഗത്തും പ്രസിദ്ധനായി മാറി. സി.എൻ.എൻ ഐബി.എൻ നൽകുന്ന റിയൽ ഹീറോ എന്ന ബഹുമതിക്ക് അദ്ദേഹം തിരുഞ്ഞെടുക്കപ്പെട്ടു. 2012 നവ്ംബറിൽ ബി.ബി.സി ന്യൂസ് ഹജബ്ബയെകുറിച്ച് 'അൺ ലെറ്റേഡ് ഫ്രൂട്ട് സെല്ലർ' എന്ന തലക്കെട്ടിൽ ഒരു ലേഖനം പ്രസിദ്ധീകരിക്കുകയുണ്ടായി . മാംഗളൂർ സർവകലാശാല അടുത്തിടെ അവരുടെ പാഠ്യപദ്ധതിയിൽ ഹജബ്ബയെ കുറിച്ച് ഒരു പാഠം ഉൾപ്പെടുത്തിയിട്ടുണ്ട്. 2020-ൽ, അദ്ദേഹത്തിന്റെ മുൻകൈയ്ക്കും നേട്ടത്തിനും ഇന്ത്യയിലെ നാലാമത്തെ ഉയർന്ന സിവിലിയൻ ബഹുമതിയായ പത്മശ്രീ നൽകി ആദരിച്ചു.

വളരെ ചെറിയ സാമ്പത്തിക ശേഷിയുള്ള കുടുംബമായതിനാൽ, ഹജബ്ബ ചെറുപ്രായത്തിൽ തന്നെ പഠനം ഉപേക്ഷിച്ച് ഓറഞ്ച് വിൽപ്പനയിലേർപ്പെട്ടു. തന്റെ സമ്പാദ്യത്തിന്റെ ഒരു ഭാഗം അദ്ദേഹം സൂക്ഷിച്ചുവെച്ച് ഗ്രാമത്തിൽ ഒരു ചെറിയ സ്കൂൾ തുടങ്ങാൻ അദ്ദേഹത്തിന് കഴിഞ്ഞു. സർക്കാർ പിന്തുണയും സ്വകാര്യ വ്യക്തികളുടെ സംഭാവനയും കൊണ്ട് വളർന്ന വിദ്യാലയം ഇന്ന് ഹജബ്ബ സ്കൂൾ എന്നാണ് അറിയപ്പെടുന്നത്. താരതമ്യേന പരിമിതമായ സാഹചര്യങ്ങൾക്കിടയിലും, ജന്മഗ്രാമത്തിലെ വിദ്യാഭ്യാസത്തിന്റെ ലക്ഷ്യത്തിനായി അദ്ദേഹം നൽകിയ അസാധാരണമായ സംഭാവനകൾക്ക് അദ്ദേഹം പ്രശസ്തനാണ്. തന്റെ ഗ്രാമത്തിൽ ഒരു പ്രീ-യൂണിവേഴ്സിറ്റി കോളേജ് നിർമ്മിക്കുക എന്നതാണ് ഹജബ്ബയുടെ അടുത്ത സ്വപ്നം.