ഹമീദ് ചേന്ദമംഗല്ലൂർ
അബ്ദുൽ ഹമീദ് അരീപറ്റമണ്ണിൽ | |
|---|---|
 ഹമീദ് ചേന്നമംഗലൂർ മസ്കറ്റിൽ നടന്ന ഒരു മാധ്യമ സെമിനാറിൽ | |
| Pen name | ഹമീദ് ചേന്ദമംഗല്ലൂർ |
| Occupation | അദ്ധ്യാപകൻ, എഴുത്തുകാരൻ, സാംസ്കാരിക വിമർശകൻ, രാഷ്ട്രീയ നിരീക്ഷകൻ, ഇടതുപക്ഷ സഹയാത്രികൻ |
| Nationality |  ഇന്ത്യ |
| Spouse | സാബിറ കുന്നുംപുറത്ത് |
| Website | |
| http://www.chennamangalloor.com/ | |
കേരളത്തിലെ ഒരു എഴുത്തുകാരനും സാമൂഹിക വിമർശകനുമാണ് ഹമീദ് ചേന്ദമംഗല്ലൂർ.[1][2] ന്യൂനപക്ഷ-ഭൂരിപക്ഷ വർഗീയതയ്‌ക്കെതിരായും സ്വത്വരാഷ്ട്രീയചിന്തയ്‌ക്കെതിരായും ശക്തമായ നിലപാട് കൈക്കൊള്ളുന്ന പ്രമുഖ ഇടതുപക്ഷ സഹയാത്രികനാണ് ഹമീദ്.[3][4] 1984ൽ ഇ.എം.എസ്. നമ്പൂതിരിപ്പാട് ശരീഅത്തിനെതിരായ നിലപാട് എടുത്തപ്പോൾ ഹമീദ് ചേന്ദമംഗല്ലൂരും കെ.ഇ.എൻ കുഞ്ഞഹമ്മദും ചേർന്ന് ഇ.എം.എസ്സിന്റെ ആശയത്തിനനുകൂലമായി കേരളത്തിലുടനീളം നടത്തിയ പ്രഭാഷണപരമ്പര പ്രസിദ്ധമായിരുന്നു.[5]
ജീവിതരേഖ[തിരുത്തുക]
ചേന്നമംഗലൂർ അരീപറ്റമണ്ണിൽ അബ്ദുൾ സലാമിന്റെയും പെരുമണ്ണയിലെ കതീശുമ്മയുടെയും മകനായി 1948-ൽ ജനിച്ചു. അദ്ദേഹത്തിന്റെ ആദ്യകാല വിദ്യാഭ്യാസം ചേന്നമംഗലൂരി‍ലും മുക്കത്തും ആയി നടന്നു. ബി.എ., എം.എ ബിരുദങ്ങൾ നേടിയശേഷം അദ്ദേഹം സ്റ്റേറ്റ് ബാങ്ക് ഓഫ് ട്രവൻ‌കൂർ-ൽ ഒരു പ്രൊബേഷണറി ഓഫീസർ ആയി ജോലിചെയ്തു. പിന്നീ‍ട് അദ്ദേഹം ഇംഗ്ലീഷ് ഭാഷ, സാഹിത്യം എന്നിവയിൽ ഒരു അദ്ധ്യാപകനായി സേവനം അനുഷ്ഠിച്ചു. അദ്ദേഹം കോഴിക്കോട് ഗവണ്മെന്റ് ആർട്ട്സ് ആന്റ് സയൻസ് കോളെജിന്റെ ഇംഗ്ലീഷ് വിഭാഗം മേധാവിയായിരുന്നു. 2003-ൽ ജോലിയിൽ നിന്ന് വിരമിച്ചു.
എഴുത്തുകാരനും പ്രസംഗകനും[തിരുത്തുക]
ന്യൂനപക്ഷ-ഭൂരിപക്ഷ വർഗീയതയ്‌ക്കെതിരായും സ്വത്വരാഷ്ട്രീയചിന്തയ്‌ക്കെതിരായും നിരവധി ലേഖനങ്ങളും ഗ്രന്ഥങ്ങളും ഹമീദ് എഴുതിയിട്ടുണ്ട്. അദ്ദേഹം ഒരു പ്രശസ്ത പ്രസംഗകനുമാണ്.[5] മതനിരപേക്ഷ നിലപാടുകൊണ്ടും വിശേഷിച്ച് ന്യൂനപക്ഷവർഗീയതയുടെ ചരിത്രം സംബന്ധിച്ച ആഴത്തിലുള്ള പഠനം കൊണ്ടും ശ്രദ്ധേയനായ എഴുത്തുകാരനും പ്രഭാഷകനുമാണ്‌ ഹമീദ്.[6] മത സങ്കുചിതത്വത്തെ തിരസ്ക്കരിച്ച് യഥാർഥ മതനിരപേക്ഷ വാദിയായി മാറിയ വ്യക്തിയാണ് ഹമീദ് ചേന്നമംഗലൂർ എന്നു സുകുമാർ അഴീക്കോട് അഭിപ്രായപ്പെടുന്നു.[7]
കൃതികൾ[തിരുത്തുക]
- ഏകീകൃത സിവിൽകോഡ് : അകവും പുറവും (ഡി. സി. ബുക്സ്, 2014)
- വേണം വിയോജനശബ്ദം (ഒലിവ്, 2014)
- മുസ്ലിം വിയോജനവാദത്തിന്റെ വേരുകൾ (ഡി. സി. ബുക്സ്, 2012)
- അധിനിവേശത്തിന്റെ അറേബ്യൻ മുഖം (ഗ്രീൻ ബുക്സ്, 2011)
- ദൈവത്തിന്റെ രാഷ്ട്രീയം (മാതൃഭൂമി ബുക്സ്, 2011)
- ജനാധിപത്യം അസ്തമിക്കാതിരിക്കാൻ (ലിപി പബ്ലിക്കേഷൻസ്)
- മാർക്സിസം, ഇസ്ലാമിസം, മതനിരപേക്ഷത (മാതൃഭൂമി ബുക്സ്, 2009)
- ഒരു മതനിരപേക്ഷവാദിയുടെ സ്വതന്ത്ര ചിന്തകൾ (ഗ്രീൻ ബുക്സ്, 2007)
- ഭീകരതയുടെ ദൈവശാസ്ത്രം (ഡി.സി. ബുക്സ്, 2007)
- ഹമീദ് ചേന്നമംഗലൂരിന്റെ തിരഞ്ഞെടുത്ത ലേഖനങ്ങൾ (ഹരിതം ബുക്സ്, 2007)
- മതം, രാഷ്ട്രീയം, ജനാധിപത്യം (മാതൃഭൂമി ബുക്സ്, 2005)
- പർദയുടെ മനശ്ശാസ്ത്രം (Melinda, 2002)
- പീഡനത്തിന്റെ വഴികൾ
- മതേതര വിചാരം
- ന്യൂനപക്ഷ രാഷ്ട്രീയം
- വർഗ്ഗീയ മനോഭാവത്തിന്റെ വേരുകൾ
- വ്യക്തിനിയമ വിചിന്തനം
- ഭാരതവൽക്കരണത്തിന്റെ വ്യാകരണം
- ശരിഅത്ത്: മിഥ്യയും യാഥാർത്ഥ്യവും (സഹഗ്രന്ഥകർത്താവ്: കെ.ഇ.എൻ. കുഞ്ഞഹമ്മദ്)
- ഒരു ഇന്ത്യൻ മുസ്ലീമിൻറെ സ്വതന്ത്ര ചിന്തകൾ (വിവർത്തനം; ചിന്ത പബ്ലിഷേഴ്സ്, 2007, 4th ed.)
- പിശാചും അവൻറെ ചാട്ടൂളിയും (വിവർത്തനം)
പുരസ്കാരങ്ങൾ[തിരുത്തുക]
- ബെസ്റ്റ് പബ്ലിക്ക് ഒബ്സെർവർ അവാർഡ് (ഇന്ത്യൻ യൂത്ത് അസോസിയേഷൻ)[8]
- കേരള സാഹിത്യ അക്കാദമിയുടെ എൻഡോവ്‌മെന്റ് അവാർഡ് (കൃതി:ഒരു മതനിരപേക്ഷവാദിയുടെ സ്വതന്ത്ര ചിന്തകൾ, അവാർഡ്: സി.ബി.കുമാർ അവാർഡ്.), 2010 [9]
അവലംബം[തിരുത്തുക]
- ↑ "ദി ഹിന്ദു, സെപ്റ്റംബർ 29, 2008". മൂലതാളിൽ നിന്നും 2012-09-06-ന് ആർക്കൈവ് ചെയ്തത്. ശേഖരിച്ചത് 2009-06-25.
- ↑ "ദി ഹിന്ദു, ജൂലൈ 2, 2005". മൂലതാളിൽ നിന്നും 2012-09-12-ന് ആർക്കൈവ് ചെയ്തത്. ശേഖരിച്ചത് 2009-06-25.
- ↑ [ഹമീദ് ചേന്ദമംഗല്ലൂർ വീണ്ടും സി.പി.എം വേദിയിലേക്ക്, മാതൃഭൂമി ദിനപത്രം, ജൂൺ 12, 2010]
- ↑ മാതൃഭൂമി ദിനപത്രം, ജൂൺ 13, 2010
- ↑ 5.0 5.1 [ഹമീദ് ചേന്നമംഗലൂർ വീണ്ടും സി.പി.എം വേദിയിലേക്ക്, മാതൃഭൂമി ദിനപത്രം, ജൂൺ 12, 2010]
- ↑ അപ്പുക്കുട്ടൻ വള്ളിക്കുന്ന്‌, വർഗ-സ്വത്വ രാഷ്ട്രീയ പ്രതിസന്ധി, മാതൃഭൂമി ദിനപത്രം, ജൂൺ 24, 2010
- ↑ അവതാരിക, സുകുമാർ അഴീക്കോട്, ഒരു മതനിരപേക്ഷവാദിയുടെ സ്വതന്ത്രചിന്തകൾ, വെബ് ലിങ്ക് Archived 2016-03-04 at the Wayback Machine.
- ↑ മാതൃഭൂമി ബുക്സ്
- ↑ കേരള സാഹിത്യ അക്കാദമി
പുറത്തുനിന്നുള്ള കണ്ണികൾ[തിരുത്തുക]
- ഹമീദ് ചേന്നമംഗലൂരിന്റെ ബ്ലോഗ് Archived 2012-03-27 at the Wayback Machine.