ഹംഗ്പൻ ദാദ

ഹവിൽദാർ ഹംഗ്പൻ ദാദ അശോകചക്ര
Born	(1979-10-02)2 ഒക്ടോബർ 1979 ബോർദുരിയ, അരുണാചൽ പ്രദേശ്, ഇന്ത്യ
Died	27 മേയ് 2016(2016-05-27) (പ്രായം 36) നൗഗാം,കുപ്വാര ജമ്മു-കാശ്മീർ, ഇന്ത്യ
Allegiance	ഇന്ത്യ
Service / branch	ഇന്ത്യൻ കരസേന
Years of service	1997–2016
Rank	ഹവിൽദാർ
Service number	13622536N
Unit	ആസ്സാം റെജിമെന്റ്
Awards	Ashok Chakra

സമാധാനകാലത്തെ എറ്റവും പരമോന്നത സൈനിക പദവിയായ അശോകചക്ര ( മരണാനന്തരം) ലഭിച്ച ഇന്ത്യൻ കരസേനയിലെ ആസ്സാം റെജിമെന്റിലെ ധീരനായ സൈനികനായിരുന്നു ഹംഗ്പൻ ദാദ.

മുൻകാലജീവിതം

1979 ഒക്ടോബർ 2 ന് അരുണാചൽ പ്രദേശ് സംസ്ഥാനത്തെ തിരാപ്പ് ജില്ലയിലെ ബോർദുരിയാ എന്ന ഗ്രാമത്തിൽ ജനിച്ചു. ബാല്യകാലത്ത് ഒഴുക്കിൽ പെട്ട തന്റെ സുഹൃത്തായ സോംഹാങ് ലാമ്രയെ രക്ഷിച്ച് പ്രശംസനേടിയ ഒരു വ്യക്തിയായിരുന്നു ദാദ.

സൈനികസേവനം

1997 ഒക്ടോബർ 28 ന് പാരച്യൂട്ട് റെജിമെറ്റിന്റെ 3 ആം ബറ്റാലിയനിൽ ദാദാ ചേർന്നു. 2005 ൽ ആസ്സാം റെജിമെൻറിൽ കേന്ദ്രത്തിലേക്ക് സ്ഥലംമാറ്റവും സ്ഥാനകയറ്റവും ലഭിച്ചു. ശേഷം 2008 ജനുവരി 24 ന് അസം റെജിമെന്റിന്റെ നാലാമത്തെ ബറ്റാലിയനിൽ ചേർന്നു. തുടർന്ന് കശ്മീർ, ജമ്മു കശ്മീരിലെ ഓപ്പറേഷനുകളിൽ രാഷ്ട്രീയ റൈഫിൾസ് ബറ്റാലിയനിലേക്ക് മാറ്റണമെന്ന് അദ്ദേഹം ആവശ്യപ്പെട്ടു. 2016 മെയ് മാസത്തിൽ അദ്ദേഹം 35 രാഷ്ട്രീയ റൈഫിൾസിൽ നിയമിതനായി ചെയ്യപ്പെട്ടു. കുപ്വാരയിലെ സാബു പോസ്റ്റിലൂടെയുള്ള നുഴഞ്ഞു കയറ്റം തടയുമ്പോൾ രക്തസാക്ഷിത്വം വരിച്ചു.

ഹംഗ്പൻ ദാദയുടെ ഭാര്യ 2017 ജനുവരി 26 ന് രാഷ്ട്രപതി പ്രണബ് മുഖർജിയിൽ നിന്നും അശോക് ചക്ര സ്വീകരിക്കുന്നു.

സ്വകാര്യ ജീവിതം

ദാദ വിവാഹിതനായിരുന്നു. ഭാര്യയുടെ പേര് ചാസെൻ ലൊവാങ്ങ്. അവർക്ക് രണ്ട് മക്കളും ഉണ്ട്

സ്മാരകം

ആസാം റെജിമെന്റൽ സെന്റർ (ARC) അദ്ദേഹത്തിന്റെ സേവനത്തെ ഓർമ്മിപ്പിച്ചുകൊണ്ട്, അദ്ദേഹത്തിന്റെ സ്മാരകം ദാദയുടെ ഭാര്യ ഉദ്ഘാടനം ചെയ്തു. വാർഷിക ഫുട്ബോൾ, വോളിബോൾ ടൂർണമെന്റുകളെ അരുണാചൽപ്രദേശിലെ അന്നത്തെ മുഖ്യമന്ത്രിയായിരുന്ന പെമ ഖണ്ഡു, ഹംഗ്പൻ ദാദ മെമ്മോറിയൽ ട്രോഫിപുനർനാമകരണം ചെയ്തു.