സ്വപ്ന സ്ഖലനം

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

ഉറക്കത്തിൽ ഉണ്ടാകുന്ന സ്വാഭാവിക രതിമൂർച്ഛയാണ് സ്വപ്ന സ്ഖലനം അല്ലെങ്കിൽ ഉറക്ക രതിമൂർച്ഛ. പുരുഷന്മാരിൽ ലൈംഗിക ഉത്തേജനം നടക്കുന്നതിനൊപ്പം ശുക്ല സ്ഖലനവും സംഭവിക്കുന്നു. സ്ടീകളിൽ യോനിയിലെ നനവ് അല്ലെങ്കിൽ രതിമൂർച്ഛ (അല്ലെങ്കിൽ രണ്ടും) നടക്കുന്നു. പലപ്പോഴും ലൈംഗികത ഉണർത്തുന്ന സ്വപ്നങ്ങളുടെ കൂടെ ആവും ഇത് സംഭവിക്കുക. നിദ്രാ സ്ഖലനം ആരംഭിക്കുന്നതും കൂടുതലായി നടക്കുന്നതും യൗവന കാലത്താണ്. ഉറക്കത്തിൽ അറിഞ്ഞോ അറിയാതെയോ ഇത് സംഭവിക്കുന്നു.

ടെസ്റ്റോസ്റ്റിറോൺ എന്ന പുരുഷ ഹോർമോൺ ഉയർന്ന തോതിൽ കാണുന്ന കാലഘട്ടമാണ് യൗവനം. എന്നാൽ പുരുഷൻ ഏകദേശം ജീവിതകാലം മുഴുവൻ പ്രത്യുൽപ്പാദന ശേഷി ഉള്ളവനായി തുടരും. അതിനാൽ പ്രായം കൂടുമ്പോഴും സംഭവിച്ചുകൂടായ്കയില്ല.

ലൈംഗികത അല്ലെങ്കിൽ സ്വയംഭോഗം എന്നിവ ആഴ്ചകളോളം ഒഴിവാക്കുന്ന ഒട്ടുമിക്ക പുരുഷന്മാരിലും ഈ പ്രതിഭാസം ഉണ്ടാവാൻ സാധ്യത ഏറെയാണ്‌. മനോനിയന്ത്രണം ബോധപൂർവം പാലിക്കാൻ ശ്രമിച്ചാലും ഇത് സംഭവിക്കാം. രണ്ട് സ്വപ്നസ്ഖലനം തമ്മിലുള്ള ഇടവേളകൾ പല ഘടകങ്ങളെ ആശ്രയിച്ചിരിക്കുന്നു. ഏതാനും ആഴ്ചകൾ മുതൽ ഏതാനും മാസങ്ങൾ വരെ നീളാനും സാധ്യതയുണ്ട്.[1]

സ്വപ്ന സ്ഖലനം ലൈംഗിക ശേഷി നിയന്ത്രിക്കാൻ കഴിയാഴികയോ ശേഷിക്കുറവോ അല്ല സൂചിപ്പിക്കുന്നത്. ആരോഗ്യമുള്ള ഒരു പ്രത്യുൽപ്പാദന വ്യവസ്ഥ ആണെന്നതിന്റെ ഒരു സൂചകമാണ് സ്വപ്ന സ്ഖലനം. സാധാരണ ഗതിയിൽ ആഴ്ചയിൽ ഒരു പ്രാവശ്യമെങ്കിലും പുരുഷനിൽ നിന്നും ശുക്ലം പുറത്ത് പോവേണ്ടതുണ്ട്. സ്വയംഭോഗം വഴിയോ ലൈംഗിക ബന്ധം വഴിയോ അതു സംഭവിക്കാം. എന്നാൽ ഇത്തരത്തിൽ സംഭവിക്കാതിരിക്കുന്ന സാഹചര്യത്തിൽ ശരീരം തന്നെ അതിനെ പുറന്തള്ളാൻ നിർബന്ധിതമാകും. ഇങ്ങനെയാണ് സ്വപ്നസ്ഖലനം സംഭവിക്കുന്നത്.

സ്ത്രീ സ്വപ്ന സ്ഖലനം പുരുഷ സ്വപ്ന സ്ഖലനത്തെക്കാൾ കൃത്യമായി തിരിച്ചറിയാൻ ബുദ്ധിമുട്ടായിരിക്കും. കാരണം സ്ഖലനം സാധാരണയായി പുരുഷ രതിമൂർച്ഛയുമായി ബന്ധപ്പെട്ടിരിക്കുന്നു, അതേസമയം യോനി ലൂബ്രിക്കേഷൻ രതിമൂർച്ഛയെ സൂചിപ്പിക്കുന്നില്ല.[2]

ആവൃത്തി[തിരുത്തുക]

നിദ്രാ സ്ഖലനം എല്ലാവർക്കും ഉണ്ടാവണം എന്നുമില്ല. 83% പുരുഷന്മാരിലും ഒരു തവണ എങ്കിലും ജീവിത കാലയളവിൽ സ്വപ്നസ്ഖലനം ഉണ്ടായിട്ടുണ്ട് എന്ന് പഠനം പ്രതിപാദിക്കുന്നു.

സാംസ്കാരിക കാഴ്ചകൾ[തിരുത്തുക]

രാത്രികാല ഉദ്‌വമനം സംബന്ധിച്ച് നിരവധി സാംസ്കാരികവും മതപരവുമായ വീക്ഷണങ്ങളുണ്ട്. ചില കാഴ്ചപ്പാടുകളുടെ പരിമിതമായ സംഗ്രഹം ചുവടെ കൊടുക്കുന്നു.

പാട്രിസ്റ്റിക് ക്രിസ്ത്യൻ[തിരുത്തുക]

സ്വയംഭോഗത്തിൽ നിന്ന് വ്യത്യസ്തമായി പുരുഷ സ്വപ്ന സ്ഖലനം ഒരു മനുഷ്യന്റെ മനസാക്ഷിയെ മലിനപ്പെടുത്തുന്നില്ലെന്ന് വിശുദ്ധ അഗസ്റ്റിൻ അഭിപ്രായപ്പെട്ടു കാരണം അവ സ്വമേധയാ ജഡിക പ്രവർത്തികളല്ല, അതിനാൽ അവയെ പാപമായി കണക്കാക്കേണ്ടതില്ല. [3]

ഇസ്ലാമിൽ[തിരുത്തുക]

ഒരു സ്വപ്ന സ്ഖലനം ( അറബിاحتلام‬ , ihtilam ) ഇസ്ലാമിൽ പാപമല്ല. മാത്രമല്ല, ഒരു വ്യക്തി നോമ്പനുഷ്ഠിക്കുന്നത് ( റമദാനിലോ മറ്റോ) സാധാരണയായി ഉദ്ദേശ്യത്തോടെ സ്ഖലനം ചെയ്തുകൊണ്ട് (സ്വയംഭോഗത്തിനിടയിലോ ലൈംഗിക ബന്ധത്തിലോ) നോമ്പ് ലംഘിച്ചതായി കണക്കാക്കപ്പെടുമ്പോൾ, രാത്രിയിൽ പുറന്തള്ളുന്നത് അത്തരമൊരു കാരണമല്ല. എന്നിരുന്നാലും, മതത്തിൽ ചില ആചാരങ്ങൾ നടത്തുന്നതിന് മുമ്പ് അവർ കുളിക്കേണ്ടതുണ്ട്.

അവലംബം[തിരുത്തുക]

  1. "പുരുഷന്മാരിലെ ലൈംഗികപ്രശ്നങ്ങൾ". ശേഖരിച്ചത് 2020-12-03.
  2. "സ്വപ്നസ്ഖലനം സംഭവിച്ചാൽ എന്ത് ചെയ്യണം". ശേഖരിച്ചത് 2020-12-03.
  3. This view is confirmed by the Protestant theologian Philip Schaff. S.23

പുറത്തേക്കുള്ള കണ്ണികൾ[തിരുത്തുക]

"https://ml.wikipedia.org/w/index.php?title=സ്വപ്ന_സ്ഖലനം&oldid=3484548" എന്ന താളിൽനിന്ന് ശേഖരിച്ചത്