സ്മൃതി ഇറാനി
സ്മൃതി ഇറാനി | |
|---|---|
 | |
| കേന്ദ്ര കാബിനറ്റ് വകുപ്പ് മന്ത്രി(ന്യൂനപക്ഷ കാര്യം, വനിതാ ശിശുക്ഷേമം, ടെക്സ്റ്റൈൽ, വിവര സാങ്കേതിക സംപ്രേക്ഷണം, മാനവ വിഭവശേഷി വകുപ്പുകൾ) | |
| ഓഫീസിൽ 2019-2024, 2014-2019 | |
| പ്രധാനമന്ത്രി | നരേന്ദ്ര മോദി |
| ലോക്സഭാംഗം | |
| ഓഫീസിൽ 2019-2024 | |
| മണ്ഡലം | അമേഠി |
| രാജ്യസഭാംഗം | |
| ഓഫീസിൽ 2017-2019, 2011-2017 | |
| മണ്ഡലം | ഗുജറാത്ത് |
| വ്യക്തിഗത വിവരങ്ങൾ | |
| ജനനം | മാർച്ച് 23, 1976 ന്യൂ ഡൽഹി, ഇന്ത്യ |
| രാഷ്ട്രീയ കക്ഷി | ഭാരതീയ ജനതാ പാർട്ടി |
| പങ്കാളി | സുബിൻ ഇറാനി |
| വസതി(s) | മുംബൈ, മഹാരാഷ്ട്ര, ഇന്ത്യ |
| അൽമ മേറ്റർ | ഹോളി ചൈൽഡ് ആക്സിലിയം സ്കൂളിൽ +2 |
| ജോലി | Politician Actress |
As of 16 ഫെബ്രുവരി, 2025 | |
2014 മുതൽ 2024 വരെ കേന്ദ്ര കാബിനറ്റ് വകുപ്പ് മന്ത്രിയായിരുന്ന ഗുജറാത്തിൽ നിന്നുള്ള മുതിർന്ന ബിജെപി നേതാവാണ് സ്മൃതി ഇറാനി.(23 മാർച്ച് 1976) 2019 മുതൽ 2024 വരെ അമേഠിയിൽ നിന്നുള്ള ലോക്സഭാംഗമായിരുന്നു. 2019-ലെ ലോക്‌സഭ തിരഞ്ഞെടുപ്പിൽ കോൺഗ്രസ് നേതാവായ രാഹുൽ ഗാന്ധിയെ പരാജയപ്പെടുത്തി അമേഠിയിൽ നിന്ന് വിജയിച്ചു.
ജീവിതരേഖ
[തിരുത്തുക]ഹോളി ചൈൽഡ് ആക്സിലിയം സ്കൂളിൽ +2 വരെ പഠിച്ചു.[1] [2] സ്റ്റാർ ടി.വിയിലെ പ്രശസ്തമായ 'ക്യോംകി സാസ് ഭി കഭി ബഹു ഥീ' എന്ന പരമ്പരയിലൂടെ ശ്രദ്ധേയയായി. സീരിയൽ രംഗത്തേക്ക് വരുന്നതിന് മുൻപ് മുംബൈയിലെ ഹോട്ടലിൽ പാത്രം കഴുകുന്ന ജോലിയിൽ ഏർപ്പെട്ടിട്ടുണ്ടെന്ന് സ്മൃതി ഇറാനി തന്നെ വെളിപ്പെടുത്തിയിട്ടുണ്ട്. [3]
രാഷ്ട്രീയ രംഗം
[തിരുത്തുക]2003-ൽ ബി.ജെ.പി.യിൽ ചേർന്നു. 2004-ലെ തിരഞ്ഞെടുപ്പിൽ ഡൽഹിയിലെ ചാന്ദ്നി ചൗക്ക് ലോക്സഭാ മണ്ഡലത്തിൽ കപിൽസിബലിനെതിരെ മത്സരിച്ച് പരാജയപ്പെട്ടു. യുവമോർച്ചയുടെ സംസ്ഥാന ഉപാധ്യക്ഷയായും ബി.ജെ.പി ദേശീയസമിതിയംഗമായും പ്രവർത്തിച്ചു. 2011-ൽ ഗുജറാത്തിൽനിന്ന് രാജ്യസഭയിലെത്തി. [4] 2014 ലെ ലോക്സഭാ തെരഞ്ഞെടുപ്പിൽ ഉത്തർപ്രദേശിലെ അമേഠി ലോക്സഭാ മണ്ഡലത്തിൽ രാഹുൽ ഗാന്ധിക്കെതിരേ മത്സരിച്ചു പരാജയപ്പെട്ടു.
വിവാദങ്ങൾ
[തിരുത്തുക]കേന്ദ്ര മാനവവിഭവശേഷി മന്ത്രിയായി സ്ഥാനമേറ്റതിനെത്തുടർന്ന് സ്മൃതി ഇറാനിയുടെ വിദ്യാഭ്യാസയോഗ്യത സംബന്ധിച്ച് വിവാദമുണ്ടായി. വിദ്യാഭ്യാസവകുപ്പ് കൈകാര്യംചെയ്യേണ്ട കാബിനറ്റ് മന്ത്രിക്ക് ബിരുദംപോലുമില്ലെന്ന് കോൺഗ്രസ് നേതാക്കൾ ആരോപിച്ചു. വിദ്യാഭ്യാസയോഗ്യത സംബന്ധിച്ച് തെറ്റായ വിവരം നൽകിയെന്നും ആരോപണമുണ്ടായി. മിനി സ്‌ക്രീൻരംഗം വിട്ടശേഷം ബി.ജെ.പിയിൽ ചേർന്ന സ്മൃതി ഇറാനി 2004-ലെ ലോക്സഭാ തിരഞ്ഞെടുപ്പിൽ ഡൽഹിയിലെ ചാന്ദ്നി ചൗക്കിൽനിന്ന് മത്സരിക്കുമ്പോൾ നൽകിയ സത്യവാങ്മൂലത്തിൽ, താൻ ഡൽഹി സർവകലാശാലയുടെ വിദൂരവിദ്യാഭ്യാസംവഴി 1996-ൽ ബി.എ പൂർത്തിയാക്കിയെന്നാണ് പറഞ്ഞിരുന്നത്. എന്നാൽ പതിനാറാം ലോക്സഭാ തിരഞ്ഞെടുപ്പിൽ അമേഠിയിൽ രാഹുൽഗാന്ധിക്കെതിരെ മത്സരിക്കുമ്പോൾ നൽകിയ സത്യവാങ്മൂലത്തിലാകട്ടെ, ഡൽഹി സർവകലാശാലയുടെ വിദൂരവിദ്യാഭ്യാസംവഴി 1994-ൽ കോമേഴ്‌സ് ബിരുദത്തിന്റെ ഒന്നാം പാർട്ട്, അഥവാ ഒന്നാംവർഷം പൂർത്തിയാക്കിയെന്നാണ് കാണിക്കുന്നതെന്ന് മാധ്യമങ്ങൾ റിപ്പോർട്ട് ചെയ്തിരുന്നു[5]
കുടുംബം
[തിരുത്തുക]ഭർത്താവ് സുബിൻ ഇറാനി. മകൻ സോഹർ.
അവലംബം
[തിരുത്തുക]- ↑ "'Class 12 pass' and education minister?". First Post. Retrieved 27 May 2014.
- ↑ "Smriti goes back to school". TOI.
- ↑ "ആർക്കൈവ് പകർപ്പ്". Archived from the original on 2015-01-07. Retrieved 2015-01-07.
- ↑ "ഇവർ കേന്ദ്രമന്ത്രിമാർ". www.mathrubhumi.com. Archived from the original on 2014-05-29. Retrieved 28 മെയ് 2014.
{{cite web}}: Check date values in:|accessdate=(help) - ↑ "സ്മൃതിയുടെ യോഗ്യത: വിവാദം കൊഴുക്കുന്നു". www.mathrubhumi.com. Archived from the original on 2014-05-28. Retrieved 29 മെയ് 2014.
{{cite web}}: Check date values in:|accessdate=(help)
പുറം കണ്ണികൾ
[തിരുത്തുക]