സ്പ്ലെൻഡിഡ് ചൈന ഫോക്ക് വില്ലേജ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Miniature Great Wall of China

പീപ്പിൾസ് റിപ്പബ്ലിക് ഓഫ് ചൈനയിലെ ഗ്വാങ്‌ഡോംഗ് പ്രവിശ്യയിലെ ഷെൻ‌ജെനിൽ സ്ഥിതിചെയ്യുന്ന രണ്ട് പ്രദേശങ്ങൾ (സ്പ്ലെൻഡിഡ് ചൈന മിനിയേച്ചർ പാർക്കും ചൈന ഫോക്ക് കൾച്ചർ വില്ലേജും) ഉൾപ്പെടുന്ന തീം പാർക്കാണ് സ്പ്ലെൻഡിഡ് ചൈന ഫോക്ക് വില്ലേജ്.(Chinese: 锦绣中华民俗村, pinyin: Jǐnxiù Zhōnghuá Mínsú Cūn) ചരിത്രം, സംസ്കാരം, കല, പുരാതന വാസ്തുവിദ്യ, ആചാരങ്ങൾ, വിവിധ ദേശീയതകളുടെ ആചാരം എന്നിവ പാർക്കിന്റെ പ്രമേയത്തിൽ പ്രതിഫലിപ്പിക്കുന്നു. ലോകത്തിലെ ഏറ്റവും വലിയ സീനറി പാർക്കുകളിൽ ഒന്നാണിത്. പ്രമുഖ ട്രാവൽ ആൻഡ് ടൂറിസ്റ്റ് കോർപ്പറേഷനായ ചൈന ട്രാവൽ സർവീസാണ് പാർക്ക് വികസിപ്പിക്കുകയും നിയന്ത്രിക്കുകയും ചെയ്യുന്നത്.

സ്ഥാനം[തിരുത്തുക]

Miniature Temple of Heaven
Miniature Summer Palace

ഷെൻ‌ഷെൻ ഉൾക്കടലിൽ ഷെൻ‌ഷെൻ സ്പെഷ്യൽ എക്കണോമിക് സോണിലെ ഓവർസീസ് ചൈനീസ് ടൗണിലെ (OCT) ഒരു ടൂറിസ്റ്റ് ഏരിയയിലാണ് സ്പ്ലെൻഡിഡ് ചൈന സ്ഥിതി ചെയ്യുന്നത്. ഷെൻ‌ഷെൻ മെട്രോയുടെ 1-ാം ലൈനിലെ ലുഹോ സ്റ്റേഷനിൽ നിന്ന് 35-40 മിനിറ്റ് ട്രെയിൻ യാത്ര അല്ലെങ്കിൽ ബസിൽ 30 മിനിറ്റ് യാത്ര (ബസ് നമ്പർ 101 അല്ലെങ്കിൽ മിനി-ബസ് 23 രണ്ട് ഉദാഹരണങ്ങളാണ്) ചെയ്യുമ്പോൾ ഇവിടെയെത്താം.

പാർക്കിനെക്കുറിച്ച്[തിരുത്തുക]

ചൈനയുടെ ഭൂപടം അനുസരിച്ച് നൂറിലധികം പ്രധാന വിനോദസഞ്ചാര കേന്ദ്രങ്ങൾ ചെറുതാക്കിയിട്ടുണ്ട്. മിക്ക ആകർഷണങ്ങളും 1:15 എന്ന തോതിൽ കുറച്ചിരിക്കുന്നു. ഇതിനെ സിനിക് സ്പോട്ട് ഏരിയ, സമഗ്ര സേവന മേഖല എന്നിങ്ങനെ തിരിച്ചിരിക്കുന്നു. 30 ഹെക്ടർ വിസ്തൃതിയുള്ള പാർക്ക് ആണിത്.

പാർക്കിന് ചുറ്റുമുള്ള സന്ദർശകരെ എത്തിക്കുന്നതിന് കാറുകളും ട്രെയിനുകളും ഉണ്ട്. ചൈനയിലെ വന്മതിൽ, വിലക്കപ്പെട്ട നഗരം, സ്വർഗ്ഗ ക്ഷേത്രം, സമ്മർ പാലസ്, ത്രീ ഗോർജസ് അണക്കെട്ട്, പൊടാല കൊട്ടാരം, കളിമൺ യോദ്ധാക്കൾ എന്നിവ ഒരു ദിവസം സന്ദർശിക്കാൻ ഇത് സഹായിക്കുന്നു.

ചൈനീസ് ചരിത്രത്തിലെ വിവിധ സംഭവങ്ങൾ (ഉദാ. ജെങ്കിസ് ഖാന്റെ നേതൃത്വത്തിലുള്ള ഒരു യുദ്ധത്തെ ചിത്രീകരിക്കുന്ന ഒരു കുതിരസവാരി ഷോ), ചൈനീസ് കൾച്ചറൽ ഷോ മുതലായ നിരവധി ഷോകളും പാർക്ക് ആതിഥേയത്വം വഹിക്കുന്നു. ചില ഷോകൾ വാരാന്ത്യങ്ങളിൽ മാത്രമാണ് നടത്തുന്നത്.

മറ്റ് വിവരങ്ങൾ[തിരുത്തുക]

പാർക്കിന്റെ പേരിലാണ് ഛിന്നഗ്രഹം 3088 ജിൻ‌സിയുഷോങ്‌വ. ചൈനീസ് ഫോക്ക് കൾച്ചർ വില്ലേജ് ഷെൻ‌ഷെനിലെ പാർക്കിനോട് ചേർന്നാണ് സ്ഥിതിചെയ്യുന്നത്.

അവലംബം[തിരുത്തുക]

പുറംകണ്ണികൾ[തിരുത്തുക]

Coordinates: 22°32′06″N 113°59′01″E / 22.53500°N 113.98361°E / 22.53500; 113.98361