സോവിയറ്റ് നാട്

സോവിയറ്റ് നാട് മദ്രാസിൽ നിന്നും (ഇന്നത്തെ ചെന്നൈ ) മലയാളത്തിൽ പ്രസിദ്ധീകരിച്ചു വന്ന സോവിയറ്റ് മാസിക ആയിരുന്നു. അന്നത്തെ നൂതനവും ആകർഷകവുമായ അച്ചടി സങ്കേതങ്ങൾ ഉപയോഗിച്ച് ചെന്നൈ സോവിയറ്റ് കോൺസുലേറ്റ് ആയിരുന്നു പ്രസിദ്ധീകരിച്ചത്. പ്രഗൽഭരായ പവനൻ, ഇഗ്നേഷ്യസ് കാക്കനാടൻ ഉൾപ്പെടെയുള്ള പത്രപ്രവർത്തകർ ഇതിൽ പ്രവർത്തിച്ചു. സോവിയറ്റു വാർത്തകളും ലേഖനങ്ങളും ചിത്രങ്ങളോടെ പ്രസിദ്ധീകരിച്ചിരുന്ന ഈ മാസിക കേരളത്തിൽ പ്രഭാത് ബുക്കു ഹൗസ് വഴി വിതരണം ചെയ്തുവന്നു. സോവിയറ്റ് യൂണിയന്റെ തകർച്ചയോടെ ഇതിന്റെ പ്രസിദ്ധീകരണം നിലച്ചു.