സോണ്ടെ
സമുദ്രജലത്തിന്റെ വൈദ്യുതചാലകത, താപനില, സമുദ്രത്തിന്റെ ആഴം, ലീനവാതകങ്ങളുടെ ഗാഢത, ഹരിതകത്തിളക്കം (chlorophyll fluorescence) തുടങ്ങിയവ അളക്കാൻ ഉപയോഗിക്കുന്ന ഉപകരണമാണ് സോണ്ടെ അഥവാ സി.റ്റി.ഡി.(CTD).[1][2]. വിവിധ തരം സെൻസറുകൾ ഒരുമിച്ചു ചേർത്തു് നിസ്കിൻ കുപ്പികൾ അഥവാ നാൻസൻ കുപ്പികൾ എന്നറിയപ്പെടുന്ന പ്രത്യേകതരം കവചിതപേടകങ്ങളിൽ അടക്കം ചെയ്തു് ഒരു ശ്രേണിയായാണു് സോണ്ടെ രൂപപ്പെടുത്തുന്നതു്. നിശ്ചിത ആഴങ്ങളിൽ ഈ കുപ്പികൾ യന്ത്രസഹായത്തോടെയോ കായികമായോ സമയനിയന്ത്രിതമായോ തുറക്കുകയും അതതുമേഖലകളിലെ സമുദ്രജലത്തിന്റെ സാമ്പിളുകൾ ശേഖരിക്കുകയും ചെയ്യുന്നു. ഇത്തരം സാമ്പിളുകൾ ഉടനെത്തന്നെയോ സമുദ്രനിരപ്പിനു മുകളിലെത്തിച്ചോ അവയിൽനിന്നും ആവശ്യമുള്ള ഭൗതികശാസ്ത്ര-ജീവശാസ്ത്രവിവരങ്ങൾ ശേഖരിക്കുന്നു. മറ്റു സാമുദ്രികനിരീക്ഷണോപകരണങ്ങളുടെ സെൻസറുകൾ പുനഃക്രമീകരിക്കാനും (calibrate) ഇത്തരം സോണ്ടേകൾ പ്രയോജനപ്പെടാറുണ്ടു്.
അവലംബം[തിരുത്തുക]
- ↑ "CTD (Sonde) Profiling Instruments". Archived from the original on 2011-10-02. Retrieved 2016-03-30.
- ↑ "CTD Instrument and Water Sampler". Alfred-Wegener-Institute for Polar- and Marine Research. Retrieved 19 September 2012.
പുറത്തേക്കുള്ള കണ്ണികൾ[തിരുത്തുക]
- Baker D. J. 1981 "Ocean instruments and experiment design" Chapter 14 pp 416–418, available at http://ocw.mit.edu/resources/res-12-000-evolution-of-physical-oceanography-spring-2007/part-3/wunsch_chapter14.pdf
- Pickard George L. and William J. Emery "Descriptive Physical Oceanography, An introduction" 5th ed., Butterworth-Heineman (Elsevier Science): 1990
|
ഈ ലേഖനം അപൂർണ്ണമാണ്‌. ഇതു പൂർത്തിയാക്കുവാൻ സഹകരിക്കുക. |