Jump to content

സെബാസ്റ്റ്യൻ സേവ്യർ

വിക്കിപീഡിയ, ഒരു സ്വതന്ത്ര വിജ്ഞാനകോശം.

മലയാളിയായ നീന്തൽ താരമാണ് സെബാസ്റ്റ്യൻ സേവ്യേർ - Sebastian Xavier . ഒരു പതിറ്റാണ്ടിൽ ഏറെ കാലം ഇന്ത്യയിലെ ഏറ്റവും വേഗതയേറിയ നീന്തൽ താരമായിരുന്നു ഇദ്ദേഹം. 1998 മുതൽ 2009 വരെ 11 വർഷം 50 മീറ്റർ ഫ്രീസ്റ്റൈൽ നീന്തലിൽ ദേശീയ റെക്കോർഡ് ഇദ്ദേഹത്തിന്റെ പേരിലായിരുന്നു. 22.89 സെക്കന്റുമായിരുന്നു ഇദ്ദേഹത്തിന്റെ റെക്കോർഡ് സമയം.[1][2]

ജീവിത രേഖ[തിരുത്തുക]

1970 ഫെബ്രുവരി 10ന് ആലപ്പുഴ ജില്ലയിലെ എടത്വയിൽ ജനിച്ചു. എടത്വ സെന്റ് അലോഷ്യസ് ഹൈസ്‌കൂളിൽ പഠനം. സെന്റ് അലോഷ്യസ് കോളേജിൽ പഠിക്കുന്ന സമയത്ത് നീന്തൽ മത്സരങ്ങളിൽ സജീവമായി. പിന്നീട് ഇന്ത്യൻ റെയിൽവേയിൽ ജീവനക്കാരനായി. മുൻ ഇന്ത്യൻ കായിക താരം മോളി ചാക്കോയെ വിവാഹം ചെയ്തു. ഇരുവരും സതേൺ റെയിൽവേയിൽ ഉദ്യോഗസ്ഥരാണ്.[3]

നേട്ടങ്ങൾ[തിരുത്തുക]

1996ൽ അറ്റലാന്റയിൽ നടന്ന ഒളിമ്പിക് ഗെയിംസിലും[4] രണ്ട് ഏഷ്യൻ ഗെയിംസിലും നിരവധി സൗത്ത് ഏഷ്യൻ ഗെയിംസിലും പങ്കെടുത്തു. സൗത്ത് ഏഷ്യൻ ഗെയിംസ്, സൗത്ത് ഏഷ്യൻ ചാംപ്യൻഷിപ്പ്, ഏഷ്യ പസഫിക് മീറ്റ്‌സുകളിൽ നിന്നായി 36 സ്വർണ്ണ മെഡലുകൾ നേടി. 2001ൽ അർജുന അവാർഡ് നൽകി രാജ്യം ആദരിച്ചു.[5]

അവലംബം[തിരുത്തുക]

  1. "Xavier sets 50m national mark". The Tribune. Chandigarh, India. PTI. 1998-09-09. Retrieved 2014-09-12.
  2. Lal AG, Atul (2009-10-09). "Khade topples Sebastian's 11-year-old record". The New Indian Express. Chennai, India. Archived from the original on 2016-03-04. Retrieved 2014-09-12.
  3. Suryanarayan, S. R. (12 October 2001). "Xavier's enduring saga of success". The Hindu. Archived from the original on 2012-11-04. Retrieved 2009-04-12.
  4. "Sebastian Xavier Biography and Statistics - Olympics at Sports-Reference.com". Archived from the original on 2010-05-29. Retrieved 2016-09-25.
  5. "Arjuna Awardees". Ministry of Youth Affairs and Sports. Archived from the original on 2007-12-25. Retrieved 2009-09-05.
"https://ml.wikipedia.org/w/index.php?title=സെബാസ്റ്റ്യൻ_സേവ്യർ&oldid=4022031" എന്ന താളിൽനിന്ന് ശേഖരിച്ചത്