സെന്റലോണ
കാഴ്ചയില്ലാത്തവർക്ക് സാങ്കേതികവിദ്യയുടെ ഗുണഫലങ്ങൾ, കമ്പ്യൂട്ടർ, മൊബൈൽ അപ്ലിക്കേഷനുകൾ പ്രാപ്യമാക്കുക (accessible) എന്നത് ലക്ഷ്യത്തോടെ പ്രവർത്തിക്കുന്ന ഒരു സന്നദ്ധ സംഘടനയാണ് സെന്റലോണ[1]. കാഴ്ചയില്ലായ്മ സൃഷ്ടിക്കുന്ന പരിമിതികൾ മറികടക്കുന്നതിന് കമ്പ്യൂട്ടറുകളുടെ സാധ്യതകൾ സ്വതന്ത്രസോഫ്റ്റ്വെയർ അടിസ്ഥാനമാക്കി, ഭാഷാ കമ്പ്യൂട്ടിങ്ങ് സങ്കേതങ്ങൾ അനുകൂലമാക്കി നിർമ്മിച്ച് കാഴ്ചയില്ലാത്തവരുടെ സമൂഹത്തിന്റെ സാമൂഹ്യപിന്തുണയോടെ ഇവർ പ്രശ്നപരിഹാരത്തിനായി ശ്രമിച്ചുവരുന്നു[2][3][4]. വളരെ എളുപ്പം ആറു കീകൾ(keys) മാത്രം ഉപയോഗിച്ച് അതിവേഗത്തിൽ നൂറോളം ഭാഷയിൽ എഴുതാൻ സഹായിക്കുന്ന ശാരദ-ബ്രെയിൽ-റൈറ്റർ(SBW)[5][6], നൂറിലേറെ ഭാഷകളിലുള്ള പ്രിന്റഡ് പുസ്തകങ്ങൾ ഒരു സ്കാനറിന്റെ സഹായത്തോടെ വായിക്കാൻ സഹായിക്കുന്ന ലിയോസ്(LIOS) തുടങ്ങിയ സോഫ്റ്റുവേറുകൾ സെന്റലോണ വികസിപ്പിച്ചു കഴിഞ്ഞിട്ടുണ്ട്. ആക്സസിബിൾ കോക്കനറ്റ് എന്ന ഗ്നു/ലിനക്സ് അടിസ്ഥാനമാക്കി പ്രവർത്തിക്കുന്ന ഒരു ഓപ്പറേറ്റിങ്ങ് സിസ്റ്റം സെന്റലോണ പരിപാലിച്ചു വരുന്നു[7][8]. പത്തുവയസിൽ കാഴ്ച നഷ്ടമായ പാലക്കാട് സ്വദേശിയായ തോട്ടര കുന്നത്തുവീട്ടിൽ കെ. സത്യശീലൻ ആണ് കാഴ്ചയില്ലാത്തവർക്ക് എഴുത്തും വായനയും പഠിപ്പിക്കാനായുള്ള സംഘടനയ്ക്ക് തുടക്കമിട്ടത്. [9] ഗൂഗിൾ സമ്മർ ഓഫ് കോഡ് 2024 ൽ സെന്റലോണ മെന്ററിങ്ങ് ഓർഗനൈസേഷൻ ആയിരുന്നു[10].[11]
അവലംബം
[തിരുത്തുക]- ↑ "Zendalona _ Vision Beyond Sight". zendalona.com.
- ↑ Varrier, Gopika (2025-01-20). "From Sharada Braille to digi games, Zendalona sparks tech inclusivity in Kerala" (in ഇംഗ്ലീഷ്). Retrieved 2025-10-03.
- ↑ വെളിച്ചമായ് സെൻ്റലോണ; വിക്കിയിലും എഴുതാം- സി. എ. പ്രേമചന്ദ്രൻ- ദേശാഭിമാനി -01 ജനുവരി 2025
- ↑ "കാഴ്ചപരിമിതർക്ക് എഴുതാം, വായിക്കാം; വഴി തുറന്ന് സത്യശീലനും മകനും". മാതൃഭൂമി (പാലക്കാട് എഡിഷൻ). 12 ഒക്ടോബർ 2024. p. 6.
- ↑ "Training for blind school teachers in typing software". The Times of India. 22 മേയ് 2017.
- ↑ Emms, Steve (26 ഒക്ടോബർ 2023). "Sharada Braille Writer - text editor with braille input". LinuxLinks.
- ↑ "Distribution Release: Accessible-Coconut 22.04.3". distrowatch.com. Retrieved 23 ഡിസംബർ 2024.
- ↑ "Accessible Coconut". MIT SOLVE (in ഇംഗ്ലീഷ്). Retrieved 23 ഡിസംബർ 2024.
- ↑ ജോർജ്, ടോം (6 ഒക്ടോബർ 2024). "സെന്റലോണ: കാഴ്ചയില്ലാത്തവർക്ക് ലോകവുമായി സംവദിക്കാനൊരു സോഫ്റ്റ്വെയർ, സത്യൻമാഷിന്റെ ഉൾക്കാഴ്ച". The Fourth. Archived from the original on 2024-11-27. Retrieved 2024-12-23.
- ↑ "Google Summer of Code". summerofcode.withgoogle.com (in ഇംഗ്ലീഷ്).
- ↑ Poikayil, George (8 ഒക്ടോബർ 2014). "Coding Champion, Blind Father Parse Braille; Make Typing Easy". The New Indian Express (in ഇംഗ്ലീഷ്).