സുധാംശു ചതുർവേദി

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
സുധാംശു ചതുർവേദി
സുധാംശു ചതുർവേദി
സുധാംശു ചതുർവേദി
Born (1943-02-15) 15 ഫെബ്രുവരി 1943  (79 വയസ്സ്)
മധോനഗർ, കനൗജ് ജില്ല, ഉത്തർ പ്രദേശ്
Occupationഎഴുത്തുകാരൻ, വിവർത്തകൻ, പണ്ഠിതൻ
Nationality ഇന്ത്യ
Alma materഡൽഹി സർവ്വകലാശാല, കേരള സർവ്വകലാശാല
Notable awardsകേന്ദ്ര സാഹിത്യ അക്കാദമി പുരസ്കാരം
കേരള സാഹിത്യ അക്കാദമി പുരസ്കാരം
ഇന്ത്യൻ കൗൺസിൽ ഫോർ ചൈൽഡ് എഡ്യൂക്കേഷൻ അവാർഡ്
രാംഗേയ് രാഘവ് പര്യടൻ പുരസ്കാർ
ഉത്തർ പ്രദേശ് ഹിന്ദി സൻസ്ഥാൻ സൗഹാർദ്ദ് സമ്മാൻ

ഉത്തർ‌പ്രദേശ് സ്വദേശിയായ ഒരു എഴുത്തുകാരനും, വിവർത്തകനും, ബഹുഭാഷാ പണ്ഡിതനുമാണ് സുധാംശു ചതുർവേദി. മലയാളം, ഹിന്ദി, സംസ്കൃതം, ഇംഗ്ലീഷ് ഭാഷകളിലായി 120 പുസ്തകങ്ങൾ രചിച്ചിട്ടുണ്ട്.[1] ഹിന്ദി മാതൃഭാഷയായ അദ്ദേഹം പക്ഷെ ഏറ്റവും കൂടുതൽ പുസ്തകങ്ങൾ രചിച്ചിട്ടുള്ളത് മലയാളത്തിലാണ്.[1]

പ്രതിരോധ, റെയിൽ‌വേ, നഗരവികസന, ദാരിദ്ര്യ നിർമാർജന മന്ത്രാലയങ്ങളുടെ ഔദ്യോഗിക ഭാഷാ സമിതി മുൻ അംഗമായ അദ്ദേഹം ഇപ്പോൾ നാഷണൽ ലിറ്റററി അക്കാദമി ഡയറക്ടറാണ്.[2]

ജീവിത രേഖ[തിരുത്തുക]

ഉത്തർപ്രദേശ് സംസ്ഥാനത്തെ കാൻപൂരിനടുത്തുള്ള കനൗജ് ജില്ലയിലെ മധോനഗറിൽ 1943 ഫെബ്രുവരി 15 ന് ജനനം.[3][4]

ഹിന്ദി ദേശീയ ഭാഷയാക്കണമെന്ന് ആവശ്യപ്പെട്ട് ഇന്ത്യയുടെ ആദ്യ പ്രധാനമന്ത്രിയായ ജവഹർലാൽ നെഹ്രുവിനെ കണ്ട സുധാംശുവിനോട് നെഹ്രു മലയാളം പഠിക്കാൻ ആവശ്യപ്പെടുകയാണ് ഉണ്ടായത്. നെഹ്രുവിന്റെ നിർദേശം വെല്ലുവിളിയായി ഏറ്റെടുത്ത അദ്ദേഹം ഡൽഹി സർവകലാശാലയിൽ മലയാളം എംഎ.യ്ക്ക് ചേരുകയും 1964 ൽ ബിരുദം പൂർത്തിയാക്കുകയും ചെയ്തു.[1] ഇത് കൂടാതെ അദ്ദേഹം സംസ്കൃതത്തിലും ഹിന്ദിയിലും എം.എ നേടിയിട്ടുണ്ട്.[5] മലയാളം എം.എ പൂർത്തിയാക്കിയ 1964 ൽ തന്നെ കേരളത്തിൽ എത്തിയ അദ്ദേഹം തൃശ്ശൂർ ശ്രീ കേരളവർമ കോളേജിൽ ഹിന്ദി ലക്ചററായി നിയമിതനായി.[1] അവിടെ തുടർന്ന അദ്ദേഹം വകുപ്പ് അധ്യക്ഷനും കോളേജ് പ്രിൻസിപ്പലുമായി ആണ് വിരമിച്ചത്. കേരള സർവകലാശാലയിൽനിന്ന് ഹിന്ദിയിലും മലയാളത്തിലും ഡോക്ടറേറ്റും കരസ്ഥമാക്കിയിട്ടുണ്ട്.[5] കേരള സർവ്വകലാശാലയിൽ നിന്നുള്ള ആദ്യത്തെ ഡിലിറ്റ് ബിരുദധാരിയാണ് അദ്ദേഹം.

43 വർഷം കേരളത്തിൽ ചിലവഴിച്ച സുധാംശു, വിരമിച്ച ശേഷം ഡൽഹിയിൽ സ്ഥിരതാമസമാക്കിയിരിക്കുകയാണ്.[5]

സാഹിത്യ സംഭാവനകൾ[തിരുത്തുക]

സംസ്കൃതത്തിൽ നിന്നും ഇംഗ്ലീഷിലേക്ക് പരിഭാഷ ചെയ്തവ[തിരുത്തുക]

  • കാളിദാസ സാഹിത്യസർവ്വസ്വം - Complete works of Kalidasa[1]
  • ഭാസ നാടക സർവ്വസ്വം -Complete works of Bhasa[1]

സംസ്കൃതത്തിൽ നിന്നും മലയാളത്തിലേക്ക് പരിഭാഷ ചെയ്തവ[തിരുത്തുക]

  • കാളിദാസ സാഹിത്യസർവ്വസ്വം -കാളിദാസൻ്റെ സമ്പൂർണ്ണ കൃതികൾ[1]
  • ഭാസ നാടക സർവ്വസ്വം - ഭാസയുടെ സമ്പൂർണ്ണ നാടക കൃതികൾ[1]
  • ശ്രീമദ് വാൽമീകി രാമായണം (4 വാല്യം) പദാനുപദ തർജ്ജമ[1]

ഹിന്ദിയിൽ നിന്നും മലയാളത്തിലേക്ക് തർജ്ജമ ചെയ്തവ[തിരുത്തുക]

  • അകന്നുപോയ ചിത്രങ്ങൾ, അരദിവസം, അമൃതവും വിഷവും എന്നിവയുൾപ്പടെ നിരവധി കൃതികൾ ഹിന്ദിയിൽ നിന്നും മലയാളത്തിലേക്ക് തർജ്ജമ ചെയ്തിട്ടുണ്ട്.[1][5]

മലയാളത്തിൽ നിന്നും ഹിന്ദിയിലേക്ക് തർജ്ജമ ചെയ്തവ[തിരുത്തുക]

ചിന്താവിഷ്ടയായ സീത (കുമാരനാശാൻ), സന്ധ്യ, ബാല്യകാലസഖി (ബഷീർ), ഓടയിൽനിന്ന് (പി. കേശവദേവ്), അയൽക്കാർ (പി. കേശവദേവ്), ഹിമഗിരിവിഹാരം (തപോവനസ്വാമികൾ), ഏണിപ്പടികൾ (തകഴി), സുന്ദരികളും സുന്ദരന്മാരും (ഉറൂബ്), പ്രൊഫസർ, കന്യക, കാഞ്ചനസീത ( സി.എൻ. നീലകണ്ഠൻ നായർ), ഇന്ദുലേഖ (ചന്തുമേനോൻ), അഗ്‌നിസാക്ഷി (ലളിതാംബിക അന്തർജ്ജനം), കയർ (തകഴി), തത്ത്വമസി (അഴീക്കോട്), മയ്യഴിപ്പുഴയുടെ തീരങ്ങളിൽ (എം. മുകുന്ദൻ) എന്നിവയുൾപ്പടെ മലയാളത്തിലെ മികച്ച നാൽപ്പതോളം കൃതികൾ ഹിന്ദിയിലേക്ക് തർജ്ജമ ചെയ്തിട്ടുണ്ട്.[1][5]

മറ്റ് കൃതികൾ[തിരുത്തുക]

  • നദിസമുദ്രത്തിലേക്കു തന്നെ[3]
  • തീരഭൂമി[3]
  • ജന്മാന്തരം (നോവൽ)[3]
  • നവഭാരത ശില്പികൾ[3]
  • ഭാരതീയ പ്രതിഭകൾ[3]
  • കർമ്മ ധീരന്റെ കാല്പാടുകൾ[3]

പുരസ്കാരങ്ങൾ[തിരുത്തുക]

  • കേന്ദ്ര സാഹിത്യ അക്കാദമി പുരസ്കാരം[1]
  • രാംഗേയ് രാഘവ് പര്യടൻ പുരസ്കാർ[1]
  • വൈഞ്ജാനിക സാഹിത്യത്തിനുള്ള കേരള സാഹിത്യ അക്കാദമി അവാർഡ്[1]
  • ഡോ.ഗാർഗി ഗുപ്ത അനുവാദ് ശ്രീ അവാർഡ്- പരിഭാഷാ രംഗത്തെ സമഗ്ര സംഭാവനയ്ക്ക്[2]
  • ഇന്ത്യൻ കൗൺസിൽ ഫോർ ചൈൾഡ് എഡ്യൂക്കേഷൻ അവാർഡ്‌[2]
  • ഉത്തർപ്രദേശ് ഹിന്ദി സംസ്ഥാൻ സൗഹാർദ്ദ് സമ്മാൻ[2]
  • വചസ്പതി അവാർഡ്[2]
  • രാഷ്ട്രഭാഷാ രത്ന രാഷ്ട്രീയ സമ്മാൻ[2]
  • മനുമിത്ര അവാർഡ്‌[2]
  • സാഹിത്യ രത്നം[3]

നിളയിലേക്കൊഴുകിയ ഗംഗ[തിരുത്തുക]

ഇ. ജയചന്ദ്രൻ എഴുതി കേരള ഭാഷാ ഇൻസ്റ്റിറ്റ്യൂട്ട് പ്രസിദ്ധീകരിച്ച ഡോ. സുധാംശു ചതുർവേദിയുടെ ജീവചരിത്രമാണ് നിളയിലേക്കൊഴുകിയ ഗംഗ.[6]

പരാമർശം[തിരുത്തുക]

  1. 1.00 1.01 1.02 1.03 1.04 1.05 1.06 1.07 1.08 1.09 1.10 1.11 1.12 1.13 "അപൂർവ 'മലയാളി' | | social issue". 2020-12-28. ശേഖരിച്ചത് 2020-12-28.
  2. 2.0 2.1 2.2 2.3 2.4 2.5 2.6 "Malayalam scholar S. Chaturvedi receives Anuvadshri Award - Oneindia News". 2020-12-28. ശേഖരിച്ചത് 2020-12-28.
  3. 3.0 3.1 3.2 3.3 3.4 3.5 3.6 3.7 "സുധാംശു ചതുർവേദി - Keralaliterature.com". 2020-12-28. ശേഖരിച്ചത് 2020-12-28.
  4. "The Sunday Tribune - Books". 2020-05-07. ശേഖരിച്ചത് 2020-12-28.
  5. 5.0 5.1 5.2 5.3 5.4 "ഹിന്ദി ദേശീയ ഭാഷയാക്കണമെന്നു ശഠിച്ച ഉത്തരേന്ത്യക്കാരനെ നെഹ്‌റു തനിമലയാളിയാക്കിയ കഥ | the story of nehru making sudhanshu chaturvedi the hindi fanatic learn malayalam". 2020-12-28. ശേഖരിച്ചത് 2020-12-28.
  6. "ബുക്ക്സ്". Mathrubhumi.

7. നിളയിലേക്കൊഴുകിയ ഗംഗ : Review by .Dr.P.R.Jayaseelan https://epaper.deshabhimani.com/m5/3165384/Deshabhimani-Varika/Kozhikode-18th-July-2021#dual/80/1

"https://ml.wikipedia.org/w/index.php?title=സുധാംശു_ചതുർവേദി&oldid=3697867" എന്ന താളിൽനിന്ന് ശേഖരിച്ചത്