സുചിത്ര സെൻ

ഇംഗ്ലീഷ് വിലാസം

https://ml.wikipedia.org/wiki/Suchitra_Sen

സുചിത്ര സെൻ
Suchitra Sen as Paro in Bimal Roy's Devdas (1955)
ജനനം	രമ ദാസ്ഗുപ്ത (1931-04-06)6 ഏപ്രിൽ 1931 പബ്ന, ബംഗാൾ പ്രസിഡൻസി, ബ്രിട്ടീഷ് ഇന്ത്യ (ഇപ്പേൾ ബംഗ്ലാദേശ്)
മരണം	17 ജനുവരി 2014(2014-01-17) (പ്രായം 82) കൊൽക്കത്ത, വെസ്റ്റ് ബംഗാൾ, ഇന്ത്യ
ദേശീയത	ഇന്ത്യൻ
സജീവ കാലം	1952–79
ജീവിതപങ്കാളി(കൾ)	ദിബനാഥ് സെൻ
കുട്ടികൾ	മൂൺ മൂൺ സെൻ
പുരസ്കാരങ്ങൾ	പത്മശ്രീ, ബംഗ ബിഭൂഷൺ

സുചിത്ര സെൻ എന്ന രമ ദാസ്ഗുപ്ത ബംഗാളി ചലച്ചിത്ര നടിയായിരുന്നു (6 ഏപ്രിൽ 1931 - 17 ജനുവരി 2014). 1963-ൽ മോസ്കോ ചലച്ചിത്ര ഉത്സവത്തിൽ സുചിത്ര വെള്ളി പുരസ്ക്കാരം നേടിയപ്പോൾ അന്താരഷ്ട്ര ചലച്ചിത്ര പുരസ്കാരം ലഭിക്കുന്ന ആദ്യ ഇന്ത്യൻ അഭിനേത്രി എന്ന നേട്ടവും കൈവരിച്ചു. 1972-ൽ ഇന്ത്യൻ സർക്കാർ പത്മശ്രീയും 2012-ൽ ബംഗാൾ സർക്കാർ ബംഗ ബിഭൂഷണും നൽകി ആദരിച്ചു.

ജീവിതരേഖ

1931 ഏപ്രിൽ 6 ബംഗാൾ പ്രസിഡൻസിയിലെ പബ്നയിൽ (ഇപ്പോളത്തെ ബംഗ്ലാദേശ്) ജനിച്ചു. സ്കൂൾ അദ്ധ്യാപകനായ പിതാവ് കരുണാമയ് ദാസ്ഗുപ്തയുടയും കുടുംബിനിയായ അമ്മ ഇന്ദിര ദേവിയുടയും അഞ്ചാമത്തെ കുഞ്ഞായിരുന്നു സുചിത്ര. തന്റെ പതിനാറാം വയസിൽ 1947-ൽ കൊൽക്കത്തയിൽ നിന്നുള്ള ദിബനാഥ് സെന്നിനെ വിവാഹം കഴിച്ചു. ബംഗാളി നടി മൂൺ മൂൺ സെൻ ഇവരുടെ പുത്രിയാണ്. റൈമ സെൻ റിയ സെൻ എന്നിവർ പേരക്കുട്ടികൾ ആണ്.

ചലച്ചിത്ര ജീവിതം

1953-ൽ പുറത്തിറങ്ങിയ സാരേ ചൗട്ടോർ എന്ന ബംഗാളി ചലച്ചിത്രമാണ് ആദ്യം പുറത്തിറങ്ങിയ ചലച്ചിത്രം. 1955-ൽ പുറത്തിറങ്ങിയ ബിമൽ റോയിയുടെ ദേവദാസിൽ പാർവതി എന്ന നായിക കഥാപാത്രം അവതരിപ്പിച്ചു.

പുരസ്ക്കാരങ്ങൾ

വർഷം	പുരസ്ക്കാരം	കുറിപ്പ്	ചലച്ചിത്രം
1963	3-ആമത് മോസ്കോ അന്താരാഷ്ട്ര ചലച്ചിത്ര ഉത്സവം – മികച്ച നടി - വെള്ളി	ലഭിച്ചു	സാത് പാക്കെ ബന്ധ
1963	മികച്ച നടിക്കുള്ള ഫിലിംഫെയർ പുരസ്ക്കാരം	നാമനിർദ്ദേശം	മമത
1972	പത്മശ്രീ	ലഭിച്ചു	For notable contribution in Arts
1976	മികച്ച നടിക്കുള്ള ഫിലിംഫെയർ പുരസ്ക്കാരം	നാമനിർദ്ദേശം	ആന്ധി
2012	ബംഗ ബിഭൂഷൺ	ലഭിച്ചു	Lifetime Achievement in Film acting

• ദാദാ സാഹിബ് ഫാൽക്കെ പുരസ്കാരം സുചിത്ര സെന്നിന് പ്രഖ്യാപിക്കപ്പെട്ടെങ്കിലും, ഡെൽഹി വരെ യാത്ര ചെയ്യാനുള്ള വൈമുഖ്യം മൂലം പുരസ്കാരം വാങ്ങിയില്ല എന്നു പറയപ്പെടുന്നു.