സി.എം.എസ്. കോളേജ്, കോട്ടയം

വിക്കിപീഡിയ, ഒരു സ്വതന്ത്ര വിജ്ഞാനകോശം.
(സി എം എസ്‌ കോളജ്, കോട്ടയം എന്ന താളിൽ നിന്നും തിരിച്ചുവിട്ടതു പ്രകാരം)
സി.എം.എസ്. കോളേജ്, കോട്ടയം
ആദർശസൂക്തംThy Word Is Truth
സ്ഥാപിതം1815; 209 years ago (1815) (1787 It was unofficially started, but discontinued in 1811)
ബന്ധപ്പെടൽസി.എസ്.ഐ.യുടെ മധ്യകേരള മഹാഇടവക
അക്കാദമിക ബന്ധം
മഹാത്മാഗാന്ധി സർവ്വകലാശാല
പ്രധാനാദ്ധ്യാപക(ൻ)Dr. Varghese C Joshua.
സ്ഥലംകോട്ടയം
വെബ്‌സൈറ്റ്cmscollege.ac.in

കേരളത്തിലെ ആദ്യ കോളേജാണ് സി.എം.എസ്. കോളേജ്. കോട്ടയം ജില്ലയിൽ സ്ഥിതിചെയ്യുന്ന മഹാത്മാഗാന്ധി സർവ്വകലാശാലയ്ക്കു കീഴിലാണ് ഈ കോളേജ്[1]. 1817-ൽ ലണ്ടനിലെ ചർച്ച് മിഷൻ സൊസൈറ്റി സ്ഥാപിച്ച ഈ കോളേജ് ദക്ഷിണേന്ത്യയിലെ തന്നെ ഏറ്റവും ആദ്യത്തെ കോളേജാണ്. കോട്ടയം നഗരാതിർത്തിയിൽ ബേക്കർ ജംഗ്ഷന് സമീപം ചാലുകുന്നിലാണ് കോളേജ് സ്ഥിതി ചെയ്യുന്നത്.

ചരിത്രം[തിരുത്തുക]

സി.എം.എസ് കോളേജ് ആരംഭിച്ച പഴയ കെട്ടിടം

കേരളത്തിൽ/തെക്കേഇന്ത്യയിൽ/ഇന്ത്യയിൽ തന്നെ ആദ്യത്തെ കോളജ് സി എം. എസ് കോളജ് കോട്ടയം ആണ് എന്ന് കര‍ുതപ്പെട‍ുന്ന‍ു. ഇക്കാര്യത്തിൽ തർക്കങ്ങൾ ഇപ്പോഴ‍ും നിലനിൽക്ക‍ുന്ന‍ു എന്നാണ് മനസിലാക്ക‍ുവാൻ സാധിക്ക‍ുന്നത്. ചർച്ച് മിഷൻ സൊസൈറ്റിയാണ് കോളേജിന്റെ സ്ഥാപകർ. മിഷനറി പ്രവർത്തനങ്ങൾക്ക് ഭാഷ ഒര‍ു വെല്ല‍ുവിളി ആയ സാഹചര്യത്തിലാണ് ചർച്ച് മിഷൻ സൊസൈറ്റി ആദ്യമായി ഒര‍ു വിദ്യാഭ്യാസ സ്ഥാപനത്തെക്ക‍ുറിച്ച് ആലോചിച്ചത‍ും അതിന്റെ അടിസ്ഥാനത്തിൽ സ്വദേശവാസികളായവരെ മിഷൻ പ്രവർത്തനത്തിന് സജ്ജരാക്ക‍ുന്നതിന് വേണ്ടി ഇംഗ്ലീഷ് ഭാഷ പരിശീലിപ്പിക്ക‍ുക എന്ന ഉദ്ദേശത്തോടെ ഇപ്പോഴത്തെ സി എം എസ് കോളജ് ഗ്രേറ്റ് ഹോളിന‍ു പിന്നിലെ കെട്ടിടത്തിൽ ഗ്രാമർ സ്ക‍ൂൾ സ്ഥാപിച്ച‍ു എന്നാണ് മ‍ുതിർന്നവർ പറഞ്ഞ് കേൾക്ക‍ുന്നത്. പിന്നീട് 1813-ൽ കോളേജ് കെട്ടിടത്തിന്റെ പണിതുടങ്ങി. മൂന്ന് വർഷം കഴിഞ്ഞ് 1816 ൽ 25 വിദ്യാർത്ഥികളുമായി പ്രവർത്തനം ആരംഭിച്ചെങ്കിലും ഔദ്യോഗികരേഖകളിൽ 1817 ൽ സ്ഥാപിക്കപ്പെട്ടതായാണ് കാണ‍ുവാൻ സാധിക്ക‍ുന്നത്. പിന്നീട് സ്ഥലപരിമിതി മ‍ൂലം ഗ്രാമർ സ്ക‍ൂൾ കോളജ് കാമ്പസിന‍ു പ‍ുറത്തേക്ക് മാറ്റിസ്ഥാപിക്ക‍ുകയുണ്ടായി. ഗ്രാമർസ്ക‍ൂൾ രണ്ടായി വിഭജിച്ച് പ്രൈമറി വിഭാഗം സി എം എസ് കോളജ് എൽ പി സ്ക‍ൂൾ ( ചെട്ടിത്തെര‍ുവ് സ്ക‍ൂൾ ) എന്ന പേരിൽ കോളജിൽ നിന്ന‍ും സി എസ് ഐ ഹോളി ട്രിനിറ്റി കത്തീഡ്രലിലേക്ക് പോക‍ുന്ന ചെട്ടിത്തെര‍ുവ് റോഡിലെ ചാല‍ുക‍ുന്നിൽ സി എസ് ഐ ബിഷപ്പ് ബംംഗ്ലാവ‍ും, മഹായിടവക ഓഫീസ‍ും സ്ഥിതി ചെയ്യ‍ുന്ന കാമ്പസിലേക്ക‍ും, യ‍ു പി വിഭാഗം സി എം എസ് കോളജ് ഹൈസ്ക‍ൂൾ എന്ന പേരിൽ ച‍ുങ്കത്തെ ബെയ്ലി ബംഗ്ലാവിലേക്ക‍ും മാറ്റി സ്ഥാപിക്കപ്പെട്ട‍ു എന്നാണ് ചരിത്രം. കൽക്കത്താ പ്രസിഡൻസി കോളേജിനു മുമ്പ് പ്രവർത്തനം ആരംഭിച്ച കലാലയമാണിത്. ബെഞ്ചമിൻ ബെയ്​ലിയാണ് ആദ്യത്തെ പ്രിൻസിപ്പൽ.

സി.എം.എസ് കോളേജിന്റെ ദ്വിശതാബ്ദിയോടനുബന്ധിച്ച് ഇന്ത്യൻ തപാൽ വകുപ്പ് പുറത്തിറക്കിയ പ്രത്യേക കവർ

ബെഞ്ചമിൻ ബെയ്‌ലി മ്യൂസിയം[തിരുത്തുക]

2018-ൽ ബെഞ്ചമിൻ ബെയ്‌ലി മ്യൂസിയം ആൻഡ് സ്റ്റഡി സെന്റർ സി.എം.എസ്. കോളേജിൽ തുറന്നു. പ്രിൻസിപ്പൽ ബംഗ്ലാവിനു സമീപമാണ് മ്യൂസിയം. ബെയ്‌ലി അച്ചടിക്കായി 200 വർഷം മുൻപ് ഉപയോഗിച്ച തടികൊണ്ടുള്ള പ്രസിന്റെ ഒരു മാതൃക സൃഷ്ടിച്ച് മ്യൂസിയത്തിൽ സ്ഥാപിച്ചിട്ടുണ്ട്. കാലുകൊണ്ടു ചവിട്ടിയുപയോഗിക്കാവുന്ന അച്ചടിയന്ത്രമായ ട്രെഡിൽ, കൊളംബിയൻ പ്രസ്, അൽബിയോൺ പ്രസ്, മിനി ഓഫ്‌സെറ്റ് പ്രിന്റിങ് പ്രസ്, കംപ്യൂട്ടർ ഉപയോഗിച്ചുള്ള പുതിയ പ്രിന്റിങ് സംവിധാനം, തടിയിലും ഈയത്തിലും കൊത്തിയ അച്ചുകൾ തുടങ്ങിയവയും മ്യൂസിയത്തിൽ ഉണ്ട്. മ്യൂസിയത്തിനുമുമ്പിൽ ബെഞ്ചമിൻ ബെയ്‌ലിയുടെ ശില്പവും സ്ഥാപിച്ചിട്ടുണ്ട്.[2]

അവലംബം[തിരുത്തുക]

  1. "ആർക്കൈവ് പകർപ്പ്". Archived from the original on 2009-02-10. Retrieved 2009-02-07.
  2. "അച്ചടിയുടെ ചരിത്രം പറയും ബെഞ്ചമിൻ ബെയ്‌ലി മ്യൂസിയം". Archived from the original on 2018-03-24. Retrieved 2 ഡിസംബർ 2020.

പുറത്തേക്കുള്ള കണ്ണികൾ[തിരുത്തുക]