സി.വി. രാമൻപിള്ള

വിക്കിപീഡിയ, ഒരു സ്വതന്ത്ര വിജ്ഞാനകോശം.
(സി.വി. രാമൻപിള്ള‍ എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search
സി.വി. രാമൻപിള്ള
CVs60thbirthday.png
ജനനംമേയ് 19 1858
മരണംമാർച്ച് 21, 1922
ദേശീയതFlag of India.svg ഭാരതീയൻ
തൊഴിൽനോവലിസ്റ്റ്, നാടകകൃത്ത്

ആദ്യകാല മലയാള നോവലിസ്റ്റുകളിൽ പ്രമുഖനായിരുന്നു സി.വി. രാമൻപിള്ള. മാർത്താണ്ഡവർമ്മ, രാമരാജബഹദൂർ, ധർമ്മരാജാ എന്നീ ചരിത്രാഖ്യായികകളുടെ രചയിതാവെന്ന നിലയിലാണ് അദ്ദേഹത്തിൻറെ പ്രശസ്തി. തിരുവിതാംകൂർ ദിവാനായിരുന്ന രാജാകേശവദാസൻ അദ്ദേഹത്തിന്റെ പിതാമഹനായിരുന്നു.[1][unreliable source][not in citation given] 1858 മെയ് 19-ന് (1033 ഇടവം 7) തിരുവനന്തപുരത്ത് കൊച്ചുകണ്ണച്ചാർ വീട്ടിൽ ജനിച്ചു. അദ്ദേഹത്തിന്റെ തറവാട് നെയ്യാറ്റിൻകരയിലാണ്[2]. അച്ഛൻ പനവിളാകത്ത് നീലകണ്ഠപ്പിള്ള. അമ്മ പാർവതിപ്പിള്ള.

ബാല്യം ജീവിതം[തിരുത്തുക]

ചെറുപ്പക്കാരനായ സി.വി.

തിരുവിതാംകൂർ രാജകൊട്ടാരത്തിൽ ജോലിക്കാരായിരുന്നു അച്ഛനും അമ്മയും. സി.വി.യുടെ വിദ്യാഭ്യാസത്തിന് സംരക്ഷണം നൽകിയത് രാജാകേശവദാസന്റെ ദൗഹിത്രീപുത്രനായ നങ്കക്കോയിക്കൽ കേശവൻതമ്പിയായിരുന്നു. 1881-ൽ ബി.എ പാസായി. ബന്ധുക്കളുടെ നിർബന്ധത്തിന് വഴങ്ങി വിവാഹം കഴിച്ചു. ഈ വിവാഹബന്ധം വിജയകരമായിരുന്നില്ല[3]. നാട് വിട്ട് ഹൈദരാബാദിലേക്ക് പോയി. ഈ യാത്ര അദ്ദേഹത്തിന് പ്രമുഖ രാജസ്ഥാനങ്ങളെ നേരിട്ട് കണ്ടു മനസ്സിലാക്കുന്നതിന് സഹായിച്ചു. 1887- ൽ 30 ആമത്തെ വയസിൽ വീണ്ടും വിവാഹിതനായി. ഭാര്യ പരുന്താനി കിഴക്കേവീട്ടിൽ ഭാഗീരഥിയമ്മയ്ക്ക് വിവാഹ സമയം 16 വയസ് പ്രായമേ ഉണ്ടായിരുന്നുള്ളു. 1904-ൽ ഭാര്യയുടെ അകാല മരണം വരെ ഈ വിവാഹം നീണ്ടുനിന്നു. പിന്നീട് അവരുടെ മൂത്തസഹോദരിയും രാജാ രവിവർമ്മയുടെ ഇളയ സഹോദരൻ സി. രാജ രാജവർമ്മയുടെ വിധവയുമായ ജാനകി അമ്മയുമായുള്ള വിവാഹമായിരുന്നു. 1922 മാർച്ച് 21 ന് 63 ആമത്തെ വയസ്സിൽ ജാനകി അമ്മയെ തനിച്ചാക്കിക്കൊണ്ട് അദ്ദേഹം ഈ ലോകത്തുനിന്ന് വിടപറഞ്ഞു.[4]

കേരള പേട്രിയറ്റ് എന്നൊരു പത്രം കുറച്ചു കാലം നടത്തിയിരുന്നു. ഹൈക്കോടതിയിൽ ചെറിയൊരു ജോലി കിട്ടിയതിനെ തുടർന്ന് നിയമപഠനത്തിന് ലോ കോളേജിൽ ചേർന്നു. അതും പ്ലീഡർ പരീക്ഷയും ഒന്നും പൂർത്തിയാക്കാൻ അദ്ദേഹത്തിന് കഴിഞ്ഞില്ല. ഹൈക്കോടതിയിൽ ശിരസ്തദാറായി ഉയരുകയും പിന്നീട് 1905-ൽ ഗവണ്മെന്റ് പ്രസ്സിൽ സൂപ്രണ്ടായി ജോലിയിൽ നിന്ന് വിരമിക്കുകയും ചെയ്തു. 1918-ൽ സി.വി. തിരുവിതാംകൂർ ടെക്സ്റ്റ് ബുക്ക് കമ്മിറ്റി അദ്ധ്യക്ഷനായി. പരീക്ഷാ ബോർഡ് മെമ്പറായി കുറച്ചു കാലം ജോലി ചെയ്തു. മലയാളിസഭയിൽ പ്രവർത്തിച്ചു. മലയാളി, മിതഭാഷി, വഞ്ചിരാജ് എന്നീ പത്രികകളുടെ പിന്നിലും പ്രവർത്തിച്ചു. ജന്മി-കുടിയാൻ പ്രശ്നം, വിവാഹ ബിൽ എന്നിവയെപ്പറ്റി ലേഖനങ്ങൾ എഴുതിയിട്ടുണ്ട്. മലയാളീ മെമ്മോറിയലിനു പിന്നിൽ പ്രവർത്തിച്ച ബുദ്ധികളിലൊന്ന് സി.വിയുടേതായിരുന്നു. 1922 മാർച്ച് 21-ന് അന്തരിച്ച ഇദ്ദേഹം കേരള സ്കോട്ട് എന്നറിയപ്പെടുന്നു.

സി.വി. യുടെ ചരിത്രാഖ്യായികകൾ[തിരുത്തുക]

സി.വി. യുടെ മാർത്താണ്ഡവർമ്മ, ധർമ്മരാജാ, രാമരാജ ബഹദൂർ എന്നീ നോവലുകളെ ചേർത്ത് സി.വി.യുടെ ചരിത്രാഖ്യായികകൾ എന്ന് വിളിക്കുന്നു. മാർത്താണ്ഡവർമ്മ മലയാളത്തിലെത്തന്നെ ആദ്യത്തെ ചരിത്രാഖ്യായികയാണ്‌. അനിഴം തിരുനാൾ മാർത്താണ്ഡവർമ്മ തിരുവിതാംകൂർ രാജാവാകുന്നതാണ്‌ 1891-ൽ പുറത്തിറങ്ങിയ ഈ നോവലിന്റെ ഇതിവൃത്തം. ധർമ്മരാജായിൽ രാജ്യദ്രോഹമാണ് മുഖ്യപ്രമേയം. മാർത്താണ്ഡവർമ്മയുടെ അനന്തരവനായ കാർത്തികത്തിരുനാളിന് രാജ്യത്തിനകത്തുനിന്നും പുറത്തുനിന്നും നേരിടേണ്ടിവരുന്ന ഉപജാപങ്ങളും അവയുടെ പരാജയങ്ങളുമാണ് പ്രതിപാദ്യം. രാമരാജാബഹദൂറിലും ഭരണാധിപൻ ധർമ്മരാജാവുതന്നെ. രാജ്യത്തിനകത്തുനിന്നുള്ളതിനെക്കാൾ പുറത്ത് മൈസൂരിൽ നിന്നാണ് ഇക്കാലയളവിൽ കൂടുതൽ പ്രശ്നങ്ങൾ നേരിടേണ്ടിവന്നത്. ഒടുവിൽ രാജശക്തി തന്നെ ജയിക്കുന്നു.

കൃതികൾ[തിരുത്തുക]

ചരിത്രനോവലുകൾ[തിരുത്തുക]

പ്രസ്തുത നോവലുകളെ ചരിത്രാഖ്യായിക (Historical Narrative), കാല്പനിക ചരിത്രാഖ്യായിക (Historical Romance), ആഖ്യായിക (Narrative) എന്നീ വിഭാഗങ്ങളിലും പരാമർശിച്ചു കാണാറുണ്ട്.[5][6][7]

സാമൂഹ്യനോവൽ[തിരുത്തുക]

ഹാസ്യ നാടകങ്ങൾ (പ്രഹസനങ്ങൾ)[തിരുത്തുക]

  • ചന്ദ്രമുഖീവിലാസം (1884[8], അപ്രകാശിതം‍)
  • മത്തവിലാസം (അപ്രകാശിതം)
  • കുറുപ്പില്ലാക്കളരി (1909)
  • തെന്തനാംകോട്ട് ഹരിശ്ചന്ദ്രൻ (1914)
  • ഡോക്ടർക്കു കിട്ടിയ മിച്ചം (1916)
  • പണ്ടത്തെ പാച്ചൻ (1918)
  • കൈമളശ്ശൻറെ കടശ്ശിക്കളി (1915)
  • ചെറതേൻ കൊളംബസ് (1917)
  • പാപിചെല്ലണടം പാതാളം (1919)
  • കുറുപ്പിൻറെ തിരിപ്പ് (1920)
  • ബട്ട്ലർ പപ്പൻ ‍(1921)

ലേഖനപരമ്പര[തിരുത്തുക]

വിദേശീയ മേധാവിത്വം (1922)

അപൂർണ്ണ കൃതികൾ[തിരുത്തുക]

  • ദിഷ്ടദംഷ്ട്രം (നോവൽ)
  • പ്രേമാരിഷ്ടം(ആത്മകഥ)

അവലംബം[തിരുത്തുക]

  1. http://books.google.co.in/books?id=_mXvwvuKlXQC&pg=PT199&dq=ummini&hl=en&sa=X&ei=rwNyUvKTNYmk4gTkroBw&ved=0CC4Q6AEwAA#v=onepage&q=ummini&f=false
  2. ജീവചരിത്രക്കുറിപ്പ്.പുറം.313, പ്രേമാമൃതം(2004), സി. വി. രാമൻപിള്ള, ഡി സി ബുക്സ് കോട്ടയം
  3. വിശ്വവിജ്ഞാനകോശം(1990)പുറം :714-15 എസ്. പി സി എസ് കോട്ടയം
  4. "Biography on Kerala Sahitya Akademi portal". Kerala Sahitya Akademi. 2019-01-29.
  5. Dr. Geroge Onakkoor (2008). "സി. വി. സാഹിത്യദർശനം". സി. വി. സാഹിത്യം : വിമർശനവും ദർശനവും. കോട്ടയം: സാഹിത്യപ്രവർത്തക സഹകരണസംഘം. p. 7. ISBN 978-81-906647-0-7.
  6. K.S.കൃഷ്ണൻ (1988). സിവി - ചരിത്രാഖ്യായികകളിലൂടെ (1991 ed.). കോട്ടയം: സാഹിത്യപ്രവർത്തക സഹകരണസംഘം.
  7. Dr. K.രാഘവൻപിള്ള (2007). "സി വിയുടെ ചരിത്രാഖ്യായികകൾക്ക് ഒരാമുഖം". മാർത്താണ്ഡവർമ്മ (ശതാബ്ദി 2009 ed.). കോട്ടയം: D.C.Books. p. 28. ISBN 81-7130-130-4.
  8. G.ശങ്കരപ്പിള്ള (2008) [1973]. "പ്രഹസനമാല". സി. വി. സാഹിത്യം : വിമർശനവും ദർശനവും. കോട്ടയം: സാഹിത്യപ്രവർത്തക സഹകരണസംഘം. p. 153. ISBN 978-81-906647-0-7.


"https://ml.wikipedia.org/w/index.php?title=സി.വി._രാമൻപിള്ള&oldid=3449649" എന്ന താളിൽനിന്ന് ശേഖരിച്ചത്