സെന്റർ ഫോർ ഡെവലപ്മെന്റ് ഓഫ് അഡ്വാൻസ്ഡ് കമ്പ്യൂട്ടിങ്ങ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
(സി-ഡാക്ക് എന്ന താളിൽ നിന്നും തിരിച്ചുവിട്ടതു പ്രകാരം)
സെന്റർ ഫോർ ഡെവലപ്മെന്റ് ഓഫ് അഡ്വാൻസ്ഡ് കമ്പ്യൂട്ടിങ്ങ്
സി-ഡാക് മുദ്ര
സ്ഥാപിതമായത് 1988
ഗവേഷണമേഖല അതിവേഗ കമ്പ്യൂട്ടിങ്ങ്
നടത്തിപ്പുകാരൻ രജത് മൂണ
വിലാസം പുണെ യൂണിവേർസിറ്റി കാമ്പസ്,
ഗണേഷ് ഖിന്ദ്,
പുണെ- 411 007,
മഹാരാഷ്ട്ര
സ്ഥലം പുണെ ഇൻഡ്യ
ടെലിഫോൺ +91-20-2570-4100
മറ്റ് പേരുകൾ സി-ഡാക്
നടത്തിക്കൊണ്ടുപോകുന്ന സ്ഥാപനം വിവരസാങ്കേതിക മന്ത്രാലയം, ഭാരത സർക്കാർ
വെബ്‌സൈറ്റ് http://www.cdac.in/

ഭാരത സർക്കാരിന്റെ വിവരസാങ്കേതിക മന്ത്രാലയത്തിനു കീഴിൽ പ്രവർത്തിക്കുന്ന ഗവേഷണ-വികസന സംഘടനയാണ് സെന്റർ ഫോർ ഡെവലപ്മെന്റ് ഓഫ് അഡ്വാൻസ്ഡ് കമ്പ്യൂട്ടിങ്ങ്(സി-ഡാക്). അതിവേഗ കമ്പ്യൂട്ടിങ്ങ് വിഷയത്തിൽ ഗവേഷണം നടത്താനും ഭാരതത്തിനു സ്വന്തമായി സൂപ്പർ കമ്പ്യൂട്ടർ വികസിപ്പിക്കാനും ലക്ഷ്യം വെച്ചാണ് സി-ഡാക് സ്ഥാപിതമായത്. ഭാരതത്തിന്റെ തനതായ സൂപ്പർ കമ്പ്യൂട്ടർ ശ്രേണി 'പരം' 1991ൽ വികസിപ്പിച്ചത് സി-ഡാക് ആണ്. പ്രൊഫസ്സർ രജത് മൂണ ആണ് സി-ഡാകിന്റെ ഇപ്പോഴത്തെ ഡയറക്ടർ ജനറൽ.

ചരിത്രം[തിരുത്തുക]

1988 ഇലാണ് സി-ഡാക് സ്ഥാപിതമായത്. ഭാരതം പൊഖ്രാൻ ആണവ പരീക്ഷണം നടത്തിയതിനെ തുടർന്നുണ്ടായ ഉപരോധത്തിന്റെ ഭാഗമായി അമേരിക്ക ഭാരതത്തിലേക്കുള്ള സൂപ്പർ കമ്പ്യൂട്ടറിന്റെ കയറ്റുമതി നിരോധിച്ചു. ഇതാണ് സൂപ്പർ കമ്പ്യൂട്ടിങ്ങ് മേഖലയിൽ സ്വയം പര്യാപ്തത കൈവരിക്കാനും തനതായി സൂപ്പർ കമ്പ്യൂട്ടർ നിർമ്മിക്കാനുമുള്ള ഭാരതത്തിന്റെ ശ്രമങ്ങൾക്ക് വിത്തുപാകിയത്. ഈ ലക്ഷ്യം കൈവരിക്കാൻ ഭാരത സർക്കാരിന്റെ വിവരസാങ്കേതിക വകുപ്പിനു കീഴിൽ സ്വയംഭരണാവകാശമുള്ള സംഘടനയായി സെന്റർ ഫോർ ഡെവലപ്മെന്റ് ഓഫ് അഡ്വാൻസ്ഡ് കമ്പ്യൂട്ടിങ്ങ് പുണെയിൽ സ്ഥാപിതമായി. വിജയ് ഭട്കർ ആയിരുന്നു ആദ്യ ഡയറക്ടർ.

ഗവേഷണ വിഭാഗങ്ങൾ[തിരുത്തുക]

  • അതിവേഗ കമ്പ്യൂട്ടിങ്ങ്
  • ഗ്രിഡ് കമ്പ്യൂട്ടിങ്ങ്
  • ക്ലൗഡ് കമ്പ്യൂട്ടിങ്ങ്
  • വിവിധഭാഷാ കമ്പ്യൂട്ടിങ്ങ്
  • ഇലക്ട്രോണിക്സ്
  • സോഫ്റ്റ് വേർ വികസനം
  • സൈബർ സെക്യൂരിറ്റി
  • ഹെൽത്ത് ഇൻഫർമാറ്റിക്സ്
  • യുബിക്യുറ്റസ് കമ്പ്യുട്ടിങ്ങ്

ശാഖകൾ[തിരുത്തുക]

ഭാരതത്തിലൊട്ടാകെ പതിമൂന്ന് ശാഖകളാണ് സി-ഡാക്കിനുള്ളത്

  1. സി-ഡാക് പുണെ
  2. സി-ഡാക് തിരുവനന്തപുരം
  3. സി-ഡാക് മൊഹാലി
  4. സി-ഡാക് മുംബൈ
  5. സി-ഡാക് ഡൽഹി
  6. സി-ഡാക് ചെന്നൈ
  7. സി-ഡാക് ഹൈദരാബാദ്
  8. സി-ഡാക് കൊൽക്കൊത്ത
  9. സി-ഡാക് നോയ്ഡ
  10. സി-ഡാക് ബെംഗളൂരു
  11. സി-ഡാക് ട്രെയിനിങ്ങ് സ്കൂൾ
  12. സി-ഡാക് ഇന്റർനാഷ്ണലൈസ്ഡ് ഡൊമൈൻ നേംസ്
  13. സി-ഡാക് ഇന്ത്യൻ ലാഗ്വേജ് കമ്പ്യൂട്ടിങ്ങ്

ഉല്പന്നങ്ങൾ[തിരുത്തുക]

ഇന്ത്യാ ഡവലപ്മെന്റ് ഗേറ്റ് വേ[തിരുത്തുക]

ഗ്രാമീണ ഭാരതത്തെ ശക്തിപ്പെടുത്തുന്നതിന്, ദേശീയതല മുൻകയ്യെടുക്കലിൻറെ ഭാഗമായി ഗവണ്മെന്റ് നിയന്ത്രണത്തിൽ പ്രവർത്തിക്കുന്ന ഒരു വെബ്‌പോർട്ടൽ ആണ് 'ഇന്ത്യാ ഡവലപ്മെൻറ് ഗേറ്റ് വേ' (ഐഎൻഡിജി: InDG). 'ഐഎൻഡിജി ഇനിഷ്യേറ്റിവ്' എന്ന ഈ സംരംഭം വികസിപ്പിച്ചിരിക്കുന്നത് ഇൻഫർമേഷൻ ടെക്നോളജി വകുപ്പ്, വാർത്താ വിനിമയ- വിവരസാങ്കേതിക വിദ്യ മന്ത്രാലയം, ഭാരത സർക്കാർ എന്നിവയുടെ പിന്തുണയോടെ ഹൈദരാബാദിലെ സെൻറർ ഫോർ അഡ്വാൻസ്ഡ് കംപ്യൂട്ടിംഗ് (സി-ഡാക്) കേന്ദ്രമാണ് .

അവലംബം[തിരുത്തുക]