സിലന്റ്

ഇംഗ്ലീഷ് വിലാസം

https://ml.wikipedia.org/wiki/Zilant

വ്യാളിയ്ക്കും വൈവർണിനും ഇടയിലുള്ള ഒരു ഐതിഹാസിക ജീവിയാണ് സിലന്റ് (റഷ്യൻ: Зилант; ടാറ്റർ: җылан, റോമനൈസ്ഡ്: cılan/jılan, lit. 'snake') . 1730 മുതൽ ഇത് കസാന്റെ ഔദ്യോഗിക ചിഹ്നമായി ഉപയോഗിക്കുന്നു. കസാന്റെപ്രതിഷ്ഠാപനത്തെക്കുറിച്ചുള്ള ഐതിഹ്യങ്ങളിൽ ഈ ചിറകുള്ള പാമ്പിനെക്കുറിച്ച് പരാമർശിക്കുന്നുണ്ട്.

വ്യാളിയുടെ തലയും, പക്ഷിയുടെ ശരീരവും, കോഴിയുടെ കാലുകളും പാമ്പിന്റെ വാലും, നായയുടെ ചെവികളും, വവ്വാലിന്റെയോ പക്ഷിയുടെയോ ചുവന്ന ചിറകുകളും, മൂർച്ചയുള്ള പല്ലുകളും, ചാരനിറത്തിലുള്ള തൂവലുകളും ചെതുമ്പലുകളും ഇരുണ്ട-ചാരനിറത്തിലുള്ള ചർമ്മവുമുള്ള ഇരുണ്ട നിറമുള്ള ഒരു ഐതിഹാസിക ജീവിയാണ് സിലന്റ്.

നാമകരണവും പദോൽപ്പത്തിയും[തിരുത്തുക]

കസാൻ ഗവർണറേറ്റിന്റെ ചിഹ്നം (1730).

കസാന്റെ മില്ലേനിയത്തിന്റെ ഔദ്യോഗിക തമ (ചിഹ്നം) ആയിരുന്നു സിലാന്റിന്റെ പരമ്പരാഗത ചിത്രം. قازان എന്നത് നഗരത്തിന്റെ ഒരു ടാറ്റർ നാമമാണ്^[1] ISke imlâ ൽ എഴുതിയിരിക്കുന്നു.^[2]

Zilant എന്ന വാക്ക് റഷ്യൻ Зилант വാക്കിന്റെ ഇംഗ്ലീഷ് തർജ്ജമയാണ്. അത് തന്നെ ടാറ്റർഭാഷയിലെ yılan/елан എന്നവാക്കിന്റെ തർജ്ജമ ആണ്. [jɯˈlɑn] (അല്ലെങ്കിൽ ചിലപ്പോൾ [ʒʲɯˈlɑn]) എന്ന് ഉച്ചരിക്കുകയും പാമ്പ് എന്ന് അർത്ഥമാക്കുകയും ചെയ്യുന്നു.