സിഗ്നേച്ചർ ബ്രിഡ്ജ്
Signature Bridge सिग्नेचर ब्रिज | |
|---|---|
The Signature Bridge during construction phase | |
| Coordinates | 28°42′19″N 77°14′02″E / 28.7053°N 77.2340°E |
| Crosses | Yamuna river |
| Locale | Delhi, India |
| Official name | Signature Bridge |
| Characteristics | |
| Design | Cantilever spar cable-stayed bridge |
| Material | Steel and Concrete |
| Total length | 675 metres (2,215 ft) |
| Width | 35.2 metres (115 ft) |
| Height | 165 metres (541 ft) |
| Longest span | 251 metres (823 ft) |
| History | |
| Architect | Ratan J. Batliboi - Architects Pvt Ltd, Mumbai (Architectural Advisor) |
| Engineering design by | Schlaich Bergermann Partner, Tensa India, Construma Consultancy (Structural Design) Wacker Neuson (Wind Tunnel Study) IIT Roorkee (Seismic Design) |
| Constructed by | DTTDC (Contractors:Gammon India and Construtora Cidade) |
| Construction start | 2010 |
| Opened | 4 November 2018 [1] |
| Location | |
![]() | |
വസീറാബാദിനെ കിഴക്കൻ ദില്ലിയുമായി ബന്ധിപ്പിക്കുന്ന, യമുന നദിക്ക് കുറുകെയുള്ള ഒരു കാന്റിലിവർ സ്പാർ കേബിൾ-സ്റ്റേയ്ഡ് പാലമാണ് സിഗ്നേച്ചർ ബ്രിഡ്ജ്. ഇന്ത്യയിലെ ആദ്യത്തെ അസമമായ കേബിൾ-സ്റ്റേയ്ഡ് പാലമാണിത്. സിഗ്നേച്ചർ ബ്രിഡ്ജിന്റെ ഗോപുരം ദില്ലിയിലെ ഏറ്റവും ഉയരം കൂടിയ നിർമ്മിതിയാണ്. 154 മീറ്റർ ഉയരത്തിൽ ഒരു വീക്ഷണ അറയുള്ള ഈ ഗോപുരത്തിന് ഖുത്ബ് മിനാറിന്റെ ഇരട്ടി ഉയരമുണ്ട്. സന്ദർശകർക്ക് സെൽഫി എടുക്കാനുള്ള ഇടം കൂടിയാണിത്.[2] വടക്കൻ ദില്ലിക്കും വടക്കുകിഴക്കൻ ദില്ലിക്കും ഇടയിലുള്ള യാത്രാസമയം കുറയ്ക്കാൻ ഈ പാലം സഹായിക്കുന്നു.[3]
പശ്ചാത്തലവും ചരിത്രവും
[തിരുത്തുക]
1997-ൽ ഇടുങ്ങിയ വസീറാബാദ് പാലത്തിലുണ്ടായ ഒരു അപകടത്തിൽ 28 സ്കൂൾ വിദ്യാർത്ഥികൾ മരിച്ചു. ഗതാഗതക്കുരുക്ക് പരിഹരിക്കുന്നതിനായി സമാന്തരമായി വീതിയേറിയ മറ്റൊരു പാലം പണിയാൻ ദില്ലി സർക്കാരിനെ പ്രേരിപ്പിച്ചത് ഈ സംഭവമാണ്. 1998 അവസാനത്തോടെ ദില്ലി സർക്കാർ ഈ പാലത്തിന്റെ കരട് പദ്ധതിക്ക് അന്തിമരൂപം നൽകി. എന്നാൽ പല കാരണങ്ങളാൽ പാലത്തിന്റെ നിർമ്മാണം വൈകി. വിദഗ്ദ്ധ തൊഴിലാളികളുടെ അഭാവവും സാമ്പത്തിക ബുദ്ധിമുട്ടുകളുമായിരുന്നു പ്രധാന കാരണങ്ങൾ. പദ്ധതിച്ചെലവ് 1518.37 കോടി രൂപയായിരുന്നു. 2010-ലാണ് പാലത്തിന്റെ പണി തുടങ്ങിയത്. ദില്ലി മുഖ്യമന്ത്രി അരവിന്ദ് കെജ്രിവാൾ 2018 നവംബർ 4-ന് പാലം ഉദ്ഘാടനം ചെയ്തു.
വിശദാംശങ്ങൾ
[തിരുത്തുക]ഒരു കാന്റിലിവർ സ്പാർ കേബിൾ-സ്റ്റേയ്ഡ് പാലമാണിത്.[4] പാലത്തിന് 675 മീറ്റർ നീളവും 35.2 മീറ്റർ വീതിയുമുണ്ട്. യമുന നദിക്ക് കുറുകെ നിർമ്മിച്ച ഈ പാലം കിഴക്കൻ ദില്ലിയെ വസീറാബാദുമായി ബന്ധിപ്പിക്കുന്നു. ഇടുങ്ങിയതും തകർന്നതുമായ പഴയ വസീറാബാദ് പാലത്തിലെ ഗതാഗതത്തിരക്ക് ഗണ്യമായി കുറയ്ക്കുക എന്ന ഉദ്ദേശ്യത്തോടെയാണ് ഈ പാലം രൂപകൽപ്പന ചെയ്തിരിക്കുന്നത്.[5] ഫ്രാൻസിലെ ഈഫൽ ഗോപുരത്തിലെന്നപോലെ, 154 മീറ്റർ ഉയരമുള്ള പ്രധാന സ്തംഭത്തിന്റെ മുകളിലേക്ക് സഞ്ചാരികളെ എത്തിക്കാനുള്ള സൗകര്യം സിഗ്നേച്ചർ ബ്രിഡ്ജിലുണ്ട്; അവിടെനിന്ന് വടക്കൻ ദില്ലിയുടെ വിദൂരദൃശ്യങ്ങൾ കാണാൻ കഴിയും.[6]
- പ്രധാന സ്പാൻ: 251 മീറ്റർ
- പൈലോണിന്റെ ഉയരം: 165 മീറ്റർ
- അടിസ്ഥാനസൗകര്യ പദ്ധതിയുടെ ആകെ ദൈർഘ്യം: 6 കിലോമീറ്റർ (ഏകദേശം)
- പാതകൾ: 2 x 4
- ഡെക്കിന്റെ ഉപരിതല വിസ്തീർണ്ണം: 25,000 m2
- പാലത്തിന്റെ ആകെ നീളം: 675 മീറ്റർ
- വശങ്ങളിലെ സ്പാനുകൾ: 36 മീറ്റർ
- പൈലോണിലെ ഘടനാ ഉരുക്ക്: 5800 ടൺ
- ഡെക്കിലെ ഘടനാ ഉരുക്ക്: 7400 ടൺ
- തുറന്ന അടിത്തറകൾ: 6 എണ്ണം
- അടഞ്ഞ അടിത്തറകൾ: 16 എണ്ണം
അവലംബം
[തിരുത്തുക]- ↑ "New deadline, Signature Bridge style..." Times of India. 4 July 2018. Retrieved 7 July 2018.
- ↑ "154-metre high viewing box, selfie points: Delhi's Signature Bridge opens today".
- ↑ "As Delhi's Signature Bridge opens, rush to ease on Ring Road and National Highway-9".
- ↑ T.K. Bandyopadhyay; Alok Baishya (2000). P. Dayaratnam; G.P. Garg; G.V. Ratnam; R.N. Raghavan (eds.). International Conference on Suspension, Cable Supported, and Cable Stayed Bridges: November 19–21, 1999, Hyderabad. Universities Press (India). pp. 282, 373. ISBN 978-81-7371-271-5.
- ↑ "Signature Bridge: A ray of hope over the Yamuna".
- ↑ "'Delhi's Eiffel Tower': Signature Bridge inaugurated, opens to public tomorrow".
