സിക്കന്ദർ ലോധിയുടെ ശവകുടീരം

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
സിക്കന്ദർ ലോധിയുടെ ശവകുടീരം
Native name
ഹിന്ദി: सिकंदर लोधी का मक़बरा
Sikandar Lodi's tomb.JPG
സിക്കന്ദർ ലോധിയുടെ ശവകുടീരം സ്ഥിതിചെയ്യുന്ന ലോധി ഗാർഡൻസ്.
Typeചരിത്ര സ്മാരകം
& ശവകുടീരം
Locationലോധി ഗാർഡൻസ്
Built1517-1518 CE
Architectural style(s)ഇസ്ലാമിക വാസ്തുവിദ്യ & ഹൈന്ദവ ക്ഷേത്ര വാസ്തുവിദ്യ
Governing bodyആർക്കിയോളജിക്കൽ സർവേ ഓഫ് ഇന്ത്യ
& ന്യൂഡെൽഹി മുൻസിപ്പൽ കൗൺസിൽ
Ownerഡെൽഹി സർക്കാർ
Invalid designation
Official name: സിക്കന്ദർ ലോധിയുടെ ശവകുടീരം
Designated1936 ഏപ്രിൽ 9
Reference no.N-DL-75
സിക്കന്ദർ ലോധിയുടെ ശവകുടീരം is located in Delhi
സിക്കന്ദർ ലോധിയുടെ ശവകുടീരം
Location of സിക്കന്ദർ ലോധിയുടെ ശവകുടീരം in Delhi

ലോധി രാജവംശത്തിലെ രണ്ടാമത്തെ ഭരണാധികാരിയായ സിക്കന്ദർ ലോധിയുടെ ശവകുടീരം (ഹിന്ദിയിൽ :सिकंदर लोधी का मक़बरा) ഡെൽഹിയിലെ ലോധി ഉദ്യാനത്തിൽ സ്ഥിതിചെയ്യുന്നു.[1] സിക്കന്ദർ ലോധിയുടെ മകൻ ഇബ്രാഹിം ലോധി 1517-1518 കാലഘട്ടത്തിൽ പണികഴിപ്പിച്ചതാണ് ഈ ശവകുടീരം.[2] ബഡാ ഗുംപാദിൽ നിന്ന് 100 മീറ്റർ അകലെ ശവകുടീരം സ്ഥിതിചെയ്യുന്ന സ്ഥലം മുമ്പ് ഖൈർപൂർ (Khairpur) എന്നറിയപ്പെട്ടിരുന്നു.[1]

ചരിത്രം[തിരുത്തുക]

1489 മുതൽ 1517 വരെ ഡെൽഹിയിലെ സുൽത്താനായിരുന്നു സിക്കന്ദർ ലോധി (യഥാർത്ഥ പേര്-നിസാം ഖാൻ). ഇദ്ദേഹത്തിന്റെ പിതാവ് ബാഹ്‌ലുൽ ലോധി 1489-ൽ അന്തരിച്ചു. അതിനുശേഷം ഡെൽഹിയിലെ ഭരണം ഏറ്റെടുത്ത സിക്കന്ദർ ലോധി 1517-ൽ തന്റെ മരണം വരെയും ഭരണം നടത്തിയിരുന്നു. സിക്കന്ദർ ലോധിയുടെ മരണത്തെ തുടർന്ന് മകൻ ഇബ്രാഹിം ലോധിയാണ് ശവകുടീരം നിർമ്മിച്ചത്.[3]

നിർമ്മാണം[തിരുത്തുക]

ഇന്തോ-ഇസ്ലാമിക് വാസ്തുവിദ്യാ ശൈലിയിൽ നിർമ്മിക്കപ്പെട്ട ഈ ശവകുടീരത്തിന് അഷ്ടഭുജാകൃതി (Octagonal)യാണുള്ളത്. ഏറെ പുരാതനമായ ഈ ശവകുടീരം ഇന്ത്യൻ ഉപഭൂഖണ്ഡത്തിലെ തന്നെ ആദ്യത്തെ ഉദ്യാന-ശവകുടീരമാണ്.[4] ലോധി ഉദ്യാനത്തിൽ തന്നെ സ്ഥിതിചെയ്യുന്ന മുഹമ്മദ് ഷാ സയ്യിദിന്റെ ശവകുടീരത്തിലെ ചില നിർമ്മിതികൾ സിക്കന്ദർ ലോധിയുടെ ശവകുടീരത്തിലും‍ ഉൾപ്പെടുത്തിയിട്ടുണ്ട്.[5]

നല്ല ഉയരമുള്ള സംരക്ഷണ ഭിത്തികളാൽ ചുറ്റപ്പെട്ട ലോധി ഉദ്യാനത്തിന്റെ വടക്കുഭാഗത്തായാണ് ശവകുടീരം സ്ഥിതിചെയ്യുന്നത്. ശവക്കല്ലറ ഉൾപ്പെടുന്ന സ്മാരകത്തിന്റെ പ്രധാന കവാടം ദക്ഷിണ ദിശയെ അഭിമുഖീകരിക്കുന്നു. പ്രധാന കവാടത്തിന്റെ മുകൾ ഭാഗത്തായി അർദ്ധവൃത്താകൃതിയിലുള്ള രണ്ടു നെടുമ്പുരകൾ ഉണ്ട്.[6][7] ഇവയിൽ നീലനിറത്തിലുള്ള കല്ലുകൾ പാകിയിരിക്കുന്നു.[8] വിവിധ നിറങ്ങളിലുള്ള കല്ലുകൾ കൊണ്ട് കല്ലറ അലങ്കരിച്ചിരിക്കുന്നു. കല്ലറയ്ക്കു ചുറ്റും വിശാലമായ വരാന്തയുണ്ട്‌. ചിത്രപ്പണികൾ കൊണ്ടു നിറഞ്‌ഞ തൂണുകളാണ് സ്മാരകത്തിനുള്ളത്. [5][9] മുഗൾ വാസ്തുവിദ്യാശൈലിയിലാണ് കല്ലറയുടെ ചുവരുകൾ നിർമ്മിച്ചിരിക്കുന്നത്. അവയിൽ ചില വിദേശഭാഷകളും ആലേഖനം ചെയ്തിട്ടുണ്ട്‌.[10]

സ്ഥാനം[തിരുത്തുക]

സിക്കന്ദർ ലോധിയുടെ ശവകുടീരം ഡെൽഹിയിലെ ലോധി ഉദ്യാനത്തിന്റെ വടക്കു ഭാഗത്തായാണ് നിലകൊള്ളുന്നത്. ഉദ്യാനത്തിന്റെ പടിഞ്ഞാറു ഭാഗത്ത് അമൃത ഷേർഗിൽ മാർഗും കിഴക്കു ഭാഗത്ത് മാക്സ് മുള്ളെർ മാർഗും തെക്കുഭാഗത്ത് ലോധി റോഡും സ്ഥിതിചെയ്യുന്നു. തെക്കു-പടിഞ്ഞാറ് ദിശയിൽ സഫ്ദർജങ് ശവകുടീരവുമുണ്ട്.[11]

ചിത്രശാല[തിരുത്തുക]

ശവക്കല്ലറ
ശവകുടീരത്തിന്റെ സംരക്ഷണ ഭിത്തികൾ
പ്രധാന അറയ്ക്കുള്ളിലെ ജാലകം
ശവകുടീരത്തിൽ കല്ലുകൾ പാകിയിരിക്കുന്നു.
സിക്കന്ദർ ലോധിയുടെ ശവകുടീരം ഒരു സൂര്യാസ്തമയ സമയത്ത്

അവലംബം[തിരുത്തുക]

  1. 1.0 1.1 "Alphabetical List of Monuments in Delhi". Archaeological Survey of India. Retrieved Nov 2015. Check date values in: |accessdate= (help)
  2. "Lodhi Tomb". delhicapital.com. Retrieved Nov 2015. Check date values in: |accessdate= (help)
  3. Sen, Sailendra (Nov 2015). A Textbook of Medieval Indian History. Primus Books. pp. 122–125. ISBN 978-9-38060-734-4.
  4. "Tombs, Domes & a bridge". thedelhiwalla.com. Retrieved Nov 2015. Check date values in: |accessdate= (help)
  5. 5.0 5.1 "Mausoleum of Sikandar Lodi". farbound.net. Retrieved Nov 2015. Check date values in: |accessdate= (help)
  6. "South gateway". bharatonline.com. Retrieved Nov 2015. Check date values in: |accessdate= (help)
  7. "Tomb of Sikandar Lodi". Important India. Retrieved Nov 2015. Check date values in: |accessdate= (help)
  8. "Some Interesting Facts". Mystery of Lesser Known History. Retrieved Nov 2015. Check date values in: |accessdate= (help)
  9. "Sikandar Lodhi's Tomb". Competent authority Delhi. Retrieved Nov 2015. Check date values in: |accessdate= (help)
  10. "Lodhi Tombin Delhi". Delhi Online. Retrieved Nov 2015. Check date values in: |accessdate= (help)
  11. "Location". Google Maps. Retrieved Nov 2015. Check date values in: |accessdate= (help)