സാവിത്രി (നടി)

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
സാവിത്രി
Savitri Actress.jpg
മായാബസാർ എന്ന സിനിമയിൽ ശശിരേഖ എന്ന കഥാപാത്രമായി സാവിത്രി.
ജനനം(1936-01-04)4 ജനുവരി 1936
Chirravuru, Guntur district, മദ്രാസ് പ്രെസിഡൻസി, ഇന്ത്യ
മരണം26 ഡിസംബർ 1981(1981-12-26) (പ്രായം 47)
മദ്രാസ്, തമിഴ് നാട്, ഇന്ത്യ
മറ്റ് പേരുകൾമഹാനടി സാവിത്രി
ജീവിത പങ്കാളി(കൾ)ജെമിനി ഗണേശൻ
(1952–1981)
കുട്ടി(കൾ)2
മാതാപിതാക്കൾസുഭദ്രാമ്മ (അമ്മ)
പുരസ്കാര(ങ്ങൾ)രാഷ്ട്രപതി അവാർഡ്
നന്ദി അവാർഡ്

പ്രമുഖ ഇന്ത്യൻ ചലച്ചിത്ര അഭിനേത്രി, പിന്നണിഗായിക, നർത്തകി, സംവിധായിക, നിർമ്മാതാവ് എന്നീ നിലകളിൽ പ്രസിദ്ധിയാർജിച്ച സാവിത്രി (4 ജനുവരി 1936 – 26 ഡിസംബർ 1981) തെലുങ്ക്, തമിഴ്, കന്നട, മലയാളം, ഹിന്ദി എന്നീ ഭാഷാചലച്ചിത്രങ്ങളിൽ അഭിനയിച്ചിട്ടുണ്ട്.[1] 30-ാമത്തെ ഇന്റർ നാഷണൽ ഫിലിംഫെസറ്റിവലിൽ സിനിമയിലെ വനിത എന്നാണ് സാവിത്രി എന്ന നടിയെ വിശേഷിപ്പിക്കപ്പെട്ടത്. കൂടാതെ മഹാനടി എന്നറിയപ്പെടുകയും ചെയ്തു.

1960 -ലെ ചിവരാകു മിഗിലെഡി എന്ന തെലുങ്കു സിനിമയിലെ അഭിനയത്തിന് രാഷ്ട്രപതി അവാർഡ് ലഭിക്കുകയുണ്ടായി. 1968-ൽ സാവിത്രി നിർമ്മാണവും സംവിധാനവും നിർവ്വഹിച്ച ചിന്നരി പപലു എന്ന തെലുങ്കു സിനിമയ്ക്ക് ഏറ്റവും നല്ല സിനിമയ്ക്കുള്ള നന്ദി അവാർഡ് ലഭിക്കുകയുണ്ടായി. 1960-നുശേഷമുള്ള ചലച്ചിത്രജീവിതത്തിൽ സാവിത്രി വലിയ സാമ്പത്തികപ്രശ്നങ്ങളിൽ ചെന്ന് വീഴുകയും മദ്യപാനത്തിന് അടിമപ്പെടുകയും ചെയ്തിരുന്നു. തുടർന്ന് അഭിനയജീവിതം തടസ്സപ്പെടുകയും ചെയ്തു.1973-ൽ ചുഴി എന്ന മലയാളം സിനിമയിൽ അഭിനയിച്ചിരുന്നു. പക്ഷെ ആ സിനിമ വിജയിച്ചിരുന്നില്ല.

അർദ്ധാംഗി[2](1955), തോടി കൊഡലു [3](1957), മായാബസാർ, [4](1957), മംഗല്യബലം [5][6](1958), ചിവരുഗു മിഗിലെഡി [7](1960), മൂഗ മനുസുലു (1963), ഡോക്ടർ ചക്രവർത്തി (1964), വരകാട്ണം [8](1968) എന്നിവ സാവിത്രിയ്ക്ക് അവാർഡ് നേടികൊടുത്ത സിനിമകളാണ്.

കളത്തൂർ കണ്ണമ്മ (1959)[9], പാസമലർ (1961)[10][11], പാവ മന്നിപ്പു [12](1961), പാർത്താൽ പസി തീരും (1962), കർപഗം (1963), കർണൻ (1963), കായി കൊടുത്ത ദൈവം നവരാത്രി (1964), തിരുവിളയാടൽ (1965) എന്നീ തമിഴ് സിനിമകളിലും അഭിനയിക്കുകയുണ്ടായി.

ജീവിതരേഖ[തിരുത്തുക]

1936 ജനുവരി 4 ന് ഇന്ന് ആന്ധ്രാപ്രദേശത്തിന്റെ ഭാഗമായ മദ്രാസ് പ്രെസിഡൻസിയിൽ ഗുണ്ടുർ ജില്ലയിലെ ചിറവുരുവിലാണ് ജനിച്ചത്. സാവിത്രിക്ക് ആറുവയസ്സുള്ളപ്പോൾ അവളുടെ അമ്മ വിധവയാകുകയും അവർ സാവിത്രിയുടെ സഹോദരൻ മാരുതിയെയും കൂട്ടി അവരുടെ സഹോദരന്റെ ആശ്രയത്തിലെത്തുകയും ചെയ്തു. സാവിത്രിയുടെ അമ്മാവൻ അവളുടെ നൃത്തത്തിലുള്ള കഴിവിനെ തിരിച്ചറിഞ്ഞ് അവളെ നൃത്തപരിപാടികൾ അവതരിപ്പിക്കാൻ അനുവദിച്ചു.[13]

1948-ൽ തമിഴ് നടനായ ജെമിനി ഗണേഷനെ സാവിത്രി ആദ്യമായി കണ്ടുമുട്ടുകയും 1952-ൽ അവർ വിവാഹം ചെയ്യുകയും ചെയ്തു. ജെമിനിഗണേഷൻ മുൻവിവാഹം ചെയ്തിട്ടുള്ളതിനാൽ ഈ വിവാഹം അവളുടെ അമ്മാവനുമായി അഭിപ്രായവ്യത്യാസം ഉണ്ടാകാനിടയായി. ജെമിനിഗണേഷന് ആദ്യവിവാഹത്തിൽ 4 കുട്ടികളുള്ളതു കൂടാതെ പുഷ്പവല്ലി എന്ന സ്ത്രീയുമായി ബന്ധവുമുണ്ടായിരുന്നു. ഒരു ഫോട്ടോഗ്രാഫിൽ സാവിത്രി ഗണേഷ് എന്നെഴുതിയതോടെ സാവിത്രിയുടെ വിവാഹം പരസ്യമാകുകയും ചെയ്തു.[14] സാവിത്രിയെ വിവാഹം കഴിച്ചതിനുശേഷമാണ് പുഷ്പവല്ലിയിൽ തനിക്ക് രണ്ട് പെൺമക്കളുണ്ടെന്ന സത്യം ഗണേഷൻ തിരിച്ചറിഞ്ഞത്.[13]

ചലച്ചിത്രരംഗം[തിരുത്തുക]

വളരെ ചെറിയ കുട്ടിയായിരിക്കുമ്പോൾ തന്നെ സാവിത്രി നൃത്തനാടകങ്ങളിൽ അഭിനയിച്ചിരുന്നു. തെലുങ്കു നടനായിരുന്ന കൊൻഗര ജഗ്ഗയ്യയുടെ നാടകകമ്പനിയിൽ ചേർന്ന് നൃത്തനാടകങ്ങൾ അവതരിപ്പിച്ചു.12 വയസ്സുള്ളപ്പോൾ മദ്രാസിലെ സിനിമാഭിനയത്തിലേർപ്പെട്ടെങ്കിലും അത്ര വിജയകരമായിരുന്നില്ല. എന്നാൽ1950 ആയപ്പോഴേയ്ക്കും സംസാരം എന്ന തെലുങ്കു സിനിമയിൽ പ്രാധാന്യമുള്ള കഥാപാത്രത്തെ ലഭിച്ചു. പക്ഷെ നിരവധി പ്രാവശ്യം അഭിനയിച്ചെങ്കിലും അവൾ വിജയിച്ചില്ല. ഒടുവിൽ ആ കഥാപാത്രം ലക്ഷ്മിരാജ്യത്തിന് നല്കി. രൂപവതി, പാതാളഭൈരവി എന്നിവയിൽ ചെറുവേഷങ്ങൾ അഭിനയിച്ചെങ്കിലും തുടർന്ന് പെല്ലി ചെസി ചൂടു എന്ന തെലുങ്കു സിനിമയിൽ അഭിനയിക്കാൻ സാധിച്ചു.

Savitri in Shanthi
A promotional poster of the film Shanthi in 1952

തെലുങ്കു സിനിമയിലെ ഏറ്റവും നല്ല അഭിനേത്രി എന്ന നിലയിലാണ് സാവിത്രി അറിയപ്പെട്ടിരുന്നത്.1952-ലെ പെല്ലി ചെസി ചൂടു എന്ന തെലുങ്കു സിനിമയിൽ പ്രാധാന്യമുള്ള കഥാപാത്രത്തെയാണ് അവതരിപ്പിച്ചത്. [15]ഇന്ത്യൻ സ്ത്രീധന വ്യവസ്ഥിതിയുടെ ചീത്തവശങ്ങളെക്കുറിച്ചുള്ളതാണ് ഈ സിനിമയിലെ പ്രമേയം. കല്യാണം പാണി പാർ എന്ന തലക്കെട്ടിൽ ഈ സിനിമ തമിഴിലും നിർമ്മിച്ചിരുന്നു. തമിഴിൽ നിർമ്മിച്ച ആദ്യത്തെ കളർ സിനിമയായിരുന്നു ഇത്.[16]

1960 -ലെ ചിവരാകു മിഗിലെഡി എന്ന തെലുങ്കു സിനിമയിലെ അഭിനയത്തിന് രാഷ്ട്രപതി അവാർഡ് ലഭിക്കുകയുണ്ടായി. ഈ സിനിമയ്ക്ക് ഫിലിം ഫെയർ അവാർഡും ലഭിച്ചിരുന്നു.[17]ഈ സിനിമ ബംഗാളി സിനിമയായ ദീപ് ജ്വാലെ ജയ് എന്ന സിനിമയുടെ പുനർനിർമ്മാണമായിരുന്നു.[18] ഈ സിനിമ വീണ്ടും ഹിന്ദിയിലേയ്ക്ക് ഖാമോഷി എന്ന പേരിൽ പുനർനിർമ്മാണം നടത്തുകയുണ്ടായി. ഇതിലെ നായിക വഹീദ റഹ്മാൻ ആയിരുന്നു. അവർ ഒരു ഇന്റർവ്യൂവിൽ സാവിത്രിയുടെ അഭിനയവുമായി താരതമ്യം ചെയ്തു സംസാരിക്കുകയുണ്ടായി. ചിവരാകു മിഗിലെഡി എന്ന തെലുങ്കു സിനിമയിലെ സാവിത്രിയുടെ അഭിനയത്തിന്റെ നിലവാരത്തിലേയ്ക്ക് തനിയ്ക്ക് എത്താൻ സാധിച്ചില്ല എന്ന് അവർ പറയുകയുണ്ടായി.[19] 1963-ലെ കർപഗം എന്ന തമിഴ് സിനിമയിൽ അമുത എന്ന കഥാപാത്രത്തെയാണ് അവതരിപ്പിച്ചത്. ഈ സിനിമയ്ക്ക് നാഷണൽ ഫിലിം ഫെയർ അവാർഡ് ലഭിച്ചിരുന്നു. ഈ സിനിമ വിഷുക്കണി എന്ന പേരിൽ മലയാളത്തിൽ പുനർനിർമ്മാണം നടത്തിയിരുന്നു.[20]

1968-ൽ സാവിത്രി നിർമ്മാണവും സംവിധാനവും നിർവ്വഹിച്ച ചിന്നരി പപലു എന്ന തെലുങ്കു സിനിമയ്ക്ക് ഏറ്റവും നല്ല സിനിമയ്ക്കുള്ള നന്ദി അവാർഡ് [21]ലഭിക്കുകയുണ്ടായി. തുടർന്ന് ഈ സിനിമ തമിഴിലും നിർമ്മിക്കുകയുണ്ടായി. വിവിധമേഖലകളിലുള്ള വനിതകൾ ഒത്തുചേർന്ന് നിർമ്മിച്ച സിനിമയായിരുന്നു ഇത്. [22]1960-നുശേഷമുള്ള ചലച്ചിത്രജീവിതത്തിൽ സാവിത്രി വലിയ സാമ്പത്തികപ്രശ്നങ്ങളിൽ ചെന്ന് വീഴുകയും മദ്യപാനത്തിന് അടിമപ്പെടുകയും ചെയ്തിരുന്നു. തുടർന്ന് അഭിനയജീവിതം തടസ്സപ്പെടുകയും ചെയ്തു.

ഹിന്ദി ചലച്ചിത്രരംഗം[തിരുത്തുക]

ബഹുത് ദിൻ ഹുവേ (1954), ഖർ ബസ്കെ ദേഖോ[23] (1963), ബാലറാം ശ്രീകൃഷ്ണ (1968), ഗംഗാ കി ലഹരെൻ (1964) എന്നീ ഹിന്ദി ചലച്ചിത്രങ്ങളിൽ സാവിത്രി അഭിനയിച്ചിരുന്നു.

കന്നട ചലച്ചിത്രരംഗം[തിരുത്തുക]

തായിഗെ തക്ക മഗ (1978), രവിചന്ദ്ര (1980), ചന്ദനഡ ഗൊംബെ(1979) എന്നീ കന്നട ചലച്ചിത്രങ്ങളിൽ സാവിത്രി അഭിനയിച്ചിരുന്നു.

ഗായിക[തിരുത്തുക]

സാവിത്രി അറിയപ്പെടുന്ന പിന്നണിഗായികയായിരുന്നു. മായാബസാർ (1957) എന്ന ചലച്ചിത്രത്തിലെ സുന്ദരി നീവൻടി എന്നു തുടങ്ങുന്ന ഗാനം, നവരാത്രി (1966) എന്ന ചലച്ചിത്രത്തിലെ രൻഗു രൻഗു സില എന്നു തുടങ്ങുന്ന ഗാനം, അന്നപൂർണ്ണ (1960) എന്ന ചലച്ചിത്രത്തിലെ നീവേവരോ എന്നു തുടങ്ങുന്ന ഗാനം എന്നിവ പാടിയത് സാവിത്രിയായിരുന്നു. ഇൗ സിനിമകളിൽ നടി ഗിരിജയ്ക്ക് ശബ്ദവും നൽകിയിരുന്നു.

സംവിധാനം[തിരുത്തുക]

സാവിത്രി ചിന്നരി പപലു (1968), ചിരഞ്ജീവി, മാതൃദേവത, വിന്ത സംസാരം, കുഴന്തൈ ഉള്ളം, പ്രാപ്തം എന്നീ ചലച്ചിത്രങ്ങൾ സംവിധാനം ചെയ്തിട്ടുണ്ട്.

മരണം[തിരുത്തുക]

1969-ൽ മദ്യപാനം ആരംഭിച്ച സാവിത്രി വർഷങ്ങളോളം മദ്യത്തിനടിമയായിരുന്നു. പ്രമേഹവും ഉയർന്ന രക്തസമ്മർദ്ദത്തിന്റെയും ഫലമായി 45-ാമത്തെ വയസ്സിൽ 18 മാസം (ഒന്നര വർഷം) കോമാ സ്റ്റേജിൽ കിടന്നു. തുടർന്ന് 1981ഡിസംബർ 26-ന് സാവിത്രി എന്ന മഹാനടി കാലയവനികയ്ക്കുള്ളിൽ മറഞ്ഞു. [13][24]

മഹാനടി[തിരുത്തുക]

2018 മേയ് 10-ന് റിലീസ് ചെയ്ത തമിഴ്, തെലുങ്ക്, മലയാളം, ഹിന്ദി എന്നീ ഭാഷകളിൽ നിർമ്മിച്ച മഹാനടി എന്ന ചലച്ചിത്രം സാവിത്രിയുടെ ജീവിതത്തെ അടിസ്ഥാനപ്പെടുത്തി നിർമ്മിച്ചതാണ്.[25][26] [27]

അവാർഡുകൾ[തിരുത്തുക]

അവലംബം[തിരുത്തുക]

  1. Biography of Savitri at Idlebrain.com
  2. "3rd National Film Awards" (PDF). Directorate of Film Festivals. Archived from the original (PDF) on 5 November 2013. Retrieved 1 September 2011.
  3. "5th National Film Awards" (PDF). Directorate of Film Festivals. Retrieved 2 September 2011.
  4. "Child and the Man". The Hindu. 23 May 2008. Archived from the original on 2 December 2015. Retrieved 2 December 2015.
  5. "6th National Film Awards". International Film Festival of India. Retrieved 3 September 2011.
  6. The Times of India directory and year book including who's who. Times of India Press. 1984
  7. The Times of India directory and year book including who's who. Times of India Press. 1960
  8. http://dff.nic.in/2011/16th_nff_1970.pdf
  9. Bali, Karan (28 August 2016). "Lost in remaking? A Bhimsingh's films found new fans in Hindi but are better viewed in Tamil". Scroll.in. Archived from the original on 23 November 2016. Retrieved 29 August 2016.
  10. Karan Bali. "Lost in remaking? A Bhimsingh's films found new fans in Hindi but are better viewed in Tamil". Scroll.in. Retrieved 30 August 2016.
  11. "9th National Film Awards". International Film Festival of India. Retrieved 8 September 2011.
  12. "9th National Film Awards" (PDF). Directorate of Film Festivals. 21 April 1962. pp. 6–8. Archived from the original on 2 December 2016. Retrieved 2 December 2016.
  13. 13.0 13.1 13.2 13.3 "Drama In Real Life". The Hans India.
  14. "Star and a versatile actor". Chennai, India: The Hindu. 15 August 2003. ശേഖരിച്ചത് 11 July 2011.
  15. Narasimham, M. L. (21 July 2013). "Pelli Chesi Choodu (1952)". The Hindu. Archived from the original on 8 November 2015. Retrieved 8 November 2015.
  16. "தமிழின் முதல் வண்ணப்படம்!" [The first colour film in Tamil!]. Kungumam (in Tamil). 3 November 2017. Archived from the original on 20 January 2018. Retrieved 20 January 2018.
  17. The Times of India directory and year book including who's who. Times of India Press. 1960
  18. http://www.imdb.com/title/tt0302410/fullcredits?ref_=tt_ov_st_sm
  19. http://www.thehindu.com/features/friday-review/blast-from-the-past-chivaraku-migiledi-1960/article8158309.ece
  20. http://oldmalayalam.blogspot.in/2010/12/original-tamil-malayalam-remake-nalla.html
  21. "Nandi Awards - 1964 - Winners & Nominees".
  22. Telugu Tera, S. V. Rama Rao, Kinnera Publications, Hyderabad, 3rd edition, 2004, pp. 197-8.
  23. V. R. Murthy; V. Soma Raju (2009). A Legendary Actress Mahanati Savitri. Upstate Harbor Publishers. ISBN 978-0-615-28096-7. Retrieved 10 March 2015.
  24. Adivi, Sashidhar (26 April 2017). "I never watched amma's films: Vijaya Chamundeswari". Deccan Chronicle. ശേഖരിച്ചത് 2018-03-01.
  25. Vyjayanthi Network (2017-12-06), #Mahanati Logo - Special Surprise - Keerthy Suresh | Dulquer Salmaan | Samantha | Nag Ashwin, retrieved 2017-12-07
  26. "Nag Ashwin plans biopic on the legendary actress Savitri". The News Minute. 2016-05-28. Retrieved 2017-09-14.
  27. "Nag Ashwin's next a biopic on legendary actress Savitri". The Indian Express. 2016-05-27. Retrieved 2017-09-14.
  28. "Nandi Awards - 1964 - Winners & Nominees".

കൂടുതൽ വായനയ്ക്ക്[തിരുത്തുക]

Biographies

  • Vendithera Vishaada Raagaalu by Pasupuleti Rama Rao
  • Mahanati Savitri Vendithera Samaragni by Pallavi
  • A Legendary Actress Mahanati Savitri by V. R. Murthy

പുറത്തേയ്ക്കുള്ള കണ്ണികൾ[തിരുത്തുക]

"https://ml.wikipedia.org/w/index.php?title=സാവിത്രി_(നടി)&oldid=3068528" എന്ന താളിൽനിന്ന് ശേഖരിച്ചത്