സയ്യിദ് അഹ്മദ് സുൽത്താൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.

12ആം നൂറ്റാണ്ടിൽ പഞ്ചാബിൽ ജീവിച്ചിരുന്ന ഒരു സൂഫീ വര്യനായിരുന്നു ഹസ്രത്ത് സയ്യിദ് അഹമ്മദ് സുൽത്താൻ. സഖി സർവ്വർ എന്ന പേരിലാണ് ഇദ്ദേഹം അറിയപ്പെടുന്നത്.[1]

സയ്യിദ് അഹമ്മദ് സുൽത്താന്റെ ജലന്ധറിലുള്ള ശവകുടീരം

സുൽത്താൻ (രാജാവ്), ലഖ്ദാത്ത( ദശലക്ഷക്കണക്കിന് ആളുകളുടെ സംരക്ഷകൻ) ലാലൻവാല (മാണിക്യങ്ങളുടെ യജമാനൻ), നിഗാഹിയ പീർ, റോഹിയാൻ വാല എന്നീ സ്ഥാനപേരുകളിലും ഇദ്ദേഹം അറിയപ്പെടുന്നു. ഇദ്ദേഹത്തിന്റെ അനുയായികളെ സുൽത്താനിയാസ് എന്നും സർവാരിയാസ് എന്നും അറിയപ്പെടുന്നു. [2]

ജനനം[തിരുത്തുക]

സൗദി അറേബ്യയിലെ മദീനയിൽ നിന്ന് പഞ്ചാബിലെ ഷാകോട്ട് ഗ്രാമത്തിലേക്ക് കുടിയേറിയ സയ്യിദ് സഖി സൈനുൽ ആബിദീന്റേയും[1] ഗ്രാമത്തലവനായിരുന്ന [2] പിറയുടെ [1] മകളായ ആയിശയുടെയും പുത്രനായാണ് ജനനം.

ജീവിതം[തിരുത്തുക]

പിതാവിന്റെ മരണ ശേഷം ബന്ധുക്കളുടെ ശകാരം ഏൽക്കേണ്ടി വന്ന സഖി സർവ്വർ ബഗ്ദാദിലേക്ക് പോവുകയും അവിടെ നിന്ന് പ്രമുഖ സൂഫികളായ ഗൗസുൽ അഅ്‌സം, ശൈഖ് ശാബുദ്ദീൻ സുഹ്‌റവർദി, ഖാജാ മൗദൂദ് ചിശ്തി എന്നിവർ ഖിലാഫത്ത് സ്ഥാനം നൽകി. [1] അതിന് ശേഷം ഇന്ത്യയിൽ തിരിച്ചെത്തിയ അദ്ദേഹം ഇന്നത്തെ പാകിസ്താന്റെ ഭാഗമായ ഗുജ്‌റൻവാല ജില്ലയിലെ ധാനുകൽ പ്രദേശത്താണ് ആദ്യം താമസം ആരംഭിച്ചത്. പിന്നീട് ഷാൻകോട്ടിലേക്ക് താവളം മാറ്റി. അത്ഭുത ശക്തികൾ കാണിക്കാൻ തുടങ്ങിയ ഇദ്ദേഹം താമസിയാതെ പ്രശസ്താനാവുകയായിരുന്നു.[2]

അവലംബം[തിരുത്തുക]

  1. 1.0 1.1 1.2 1.3 Folk Religion Change and Continuity by H S Bhatti Rawat Publications ISBN 81-7033-608-2
  2. 2.0 2.1 2.2 http://www.thesikhencyclopedia.com/biographies/muslims-rulers-and-sufi-saints/sakhi-sarwar