സമേതി, കേരളം
കേരളസംസ്ഥാനത്ത് നടപ്പിലാക്കി വരുന്ന ആത്മ (അഗ്രികൾച്ചറൽ ടെക്നോളജി മാനേജ്മെന്റ് ഏജൻസി)പദ്ധതിയുടെ ഭാഗമായ പരിശീലന കേന്ദ്രമാണ് സമേതി. കൃഷി അനുന്ധ മേഖലയിൽ വിജ്ഞാന വ്യാപനം നൽകുന്ന കേന്ദ്രമാണ് സമേതി. [1] കേരളത്തിൽ തിരുവനന്തപുരത്ത് ആനയറയിൽ വെൺപാലവട്ടം- കഴക്കൂട്ടം- കോവളം ബൈപാസ് റോഡിലാണ് ഇത് സ്ഥിതിചെയ്യുന്നത്. കാർഷിക വകുപ്പ് സെൻട്രൽ സെക്ടർ എക്സ്ടെൻഷൻ റിഫോം സ്കീമിലുൾപ്പെടുത്തി സ്ഥാപിച്ചിരിക്കുന്ന പരിശീലനസ്ഥാപനമാണിത്. [2]12-12-201 ന് അന്നത്തെ മുഖ്യമന്ത്രിയായിരുന്ന സ. വി.എസ്. അച്യുതാനന്ദൻ കർഷകഭവനവും സമേതി കെട്ടിടവും ഉദ്ഘാടനം ചെയ്തു.
സമേതിയുടെ ലക്ഷ്യങ്ങൾ[തിരുത്തുക]
- സംസ്ഥാനതല നോഡൽ ട്രെയിനിംഗ് ഇൻസ്റ്റിറ്റ്യൂട്ട് ആയി കാർഷികമാനേജ്മെന്റ് മേഖലയിൽ പ്രവർത്തിക്കുക.
- എക്സ്റ്റെൻഷൻ മാനേജ്മെന്റിൽലും പൊതു- സ്വകാര്യ വികസനപദ്ധതികളിൽ ശേഷിപോഷണത്തിന് സഹായിക്കുകയും ചെയ്യുക.
- പദ്ധതി ആസൂത്രണം, പദ്ധതി നടപ്പാക്കൽ എന്നിവയിൽ കൺസൾട്ടൻസി സേവനം നൽകുക.
- കാർഷിക വികസന പ്രവർത്തനങ്ങളിൽ റൂട്ട്തലത്തിലും മധ്യമതലത്തിലും ആവശ്യകത അടിസ്ഥാനപ്പെടുത്തി പരിശീലനം സംഘടിപ്പിക്കുക.
- മാനേജ്മെന്റ്, കമ്മ്യൂണിക്കേഷൻ, പങ്കാളിത്ത മെത്തഡോളജി എന്നിവയിൽ മോഡ്യൂളുകൾ രൂപപ്പെടുത്തുക.
സംഘാടനരൂപം[തിരുത്തുക]
പദ്ധതിയുടെ വിജയകരമായ നടത്തിപ്പിന് ജനറൽ കൗൺസിൽ (General Council),എക്സിക്യൂട്ടീവ് കൗൺസിൽ (Executive Council), സമേതി ഡയറക്ടർ (Director SAMETI) മറ്റ് സ്റ്റാഫ് എന്നിങ്ങനെ രൂപപ്പെടുത്തിയിരിക്കുന്നു.
കോഴ്സുകൾ[തിരുത്തുക]
മറ്റ് മുഖ്യ പരിശീലന പരിപാടികൾക്കുപുറമേ ഹൈദരാബാദിലെ മാനേജ് Archived 2013-04-04 at the Wayback Machine. (MANAGE) എന്ന സംഘടനയുമായിച്ചേർന്ന് വിദൂരവിദ്യാഭ്യാപരിപാടിയായ PGDAEM ൽ പരിശീലനം നൽകുന്നു.
പരിശീലനം[തിരുത്തുക]
പങ്കാളിത്ത പരിശീലനപദ്ധതിയാക്കാണ് സമേതി മുഖ്യസ്ഥാനം നൽകുന്നത്. സന്ദർശനം, ഗ്രൂപ്പ് ചർച്ച, അനുഭവങ്ങൾ പങ്കുവയ്ക്കൽ എന്നിവയും പരിശെീലനത്തിലുൾച്ചേർത്തിട്ടുണ്ട്.
അവലംബം[തിരുത്തുക]
- ↑ "ആർക്കൈവ് പകർപ്പ്". Archived from the original on 2014-01-31. Retrieved 2013-04-09.
- ↑ "ആർക്കൈവ് പകർപ്പ്". Archived from the original on 2013-07-15. Retrieved 2013-04-09.