സദനം കെ. ഹരികുമാരൻ
കഥകളി നടനും സംഗീതജ്ഞനും ചിത്രകാരനും ശില്പിയുമാണ് ഡോ. സദനം കെ. ഹരികുമാരൻ(ജനനം : 8 ഫെബ്രുവരി 1958). 2014 ൽ കഥകളിക്കുളള കേരള സംഗീതനാടക അക്കാദമിയുടെ കലാശ്രീ പുരസ്‌കാരം ലഭിച്ചു.
ജീവിതരേഖ[തിരുത്തുക]
ഗാന്ധി സേവാ സദനത്തിന്റെ സ്ഥാപകനും സ്വാതന്ത്ര്യ സമര സേനാനിയുമായിരുന്ന കെ. കുമാരന്റെയും ജാനകിയമ്മയുടെയും മകനാണ്. അഞ്ചു വർഷത്തോളം വിശ്വ ഭാരതി സർവകലാശാലയിൽ പ്രൊഫസറായിരുന്നു. അക്കാലത്ത് ശില്പകലയിൽ തത്പരനായ ഇദ്ദേഹം ശിൽപ്പ പ്രദർശനവും ചിത്ര പ്രദർശനവും നടത്തിയിട്ടുണ്ട്.[1] പിന്നീട് സദനത്തിന്റെ പ്രിൻസിപ്പാളായി. കീഴ്പാടമാണ് പ്രധാന ഗുരു. കലാമണ്ഡലം ലീലാമ്മയുടെ പക്കൽ ഭരതനാട്യവും മോഹിനിയാട്ടവും പഠിച്ചിട്ടുണ്ട്. ഷേക്‌സ്പിയറുടെ ജൂലിയസ് സീസർ നാടകം കഥകളി രൂപത്തിൽ അവതരിപ്പിച്ചിട്ടുണ്ട്.[2]
പുരസ്കാരങ്ങൾ[തിരുത്തുക]
- കേരള സംഗീതനാടക അക്കാദമിയുടെ കലാശ്രീ പുരസ്‌കാരം (2014)[3]
അവലംബം[തിരുത്തുക]
- ↑ http://www.thehindu.com/todays-paper/tp-features/tp-metroplus/article3186923.ece
- ↑ http://www.mathrubhumi.com/nri/php/print.php?id=77239[പ്രവർത്തിക്കാത്ത കണ്ണി]
- ↑ "കേരള സംഗീതനാടക അക്കാദമിയുടെ കലാശ്രീ പുരസ്കാരങ്ങൾ പ്രഖ്യാപിച്ചു". www.mathrubhumi.com. Archived from the original on 2014-11-30. Retrieved 30 നവംബർ 2014.