സംവാദം:അമൃത എക്സ്പ്രസ്സ്

കേരളത്തിലെ തീവണ്ടികളുടേയും തീവണ്ടിനിലയങ്ങളുടേയും വിശദവിവരങ്ങൾ മലയാളത്തിൽ തന്നെ ലഭ്യമാക്കുക എന്ന ലക്ഷ്യം വെച്ച് ആരംഭിക്കുന്ന ഒരു ‘മണൽ‌പ്പെട്ടി‘ ലേഖനമാണു് ഇതു്. മലയാളത്തിൽ തന്നെ കൃത്യവിവരങ്ങളോടെയുള്ള തീവണ്ടി/ ബസ്സ് സമയവിവരപ്പട്ടികകൾ ഇംഗ്ലീഷ് കട്ടിയായ സാധാരണക്കാർക്കു് വളരെ പ്രയോജനപ്രദമായിരിക്കും എന്നതു് സുവ്യക്തമാണല്ലോ. തക്കതായ ഫലകങ്ങളും പട്ടികകളും ഉപയോഗിച്ച്, പരമാവധി കൃത്യമായി യഥാകാലം പുതുക്കിക്കൊണ്ടിരിക്കാവുന്ന ഒരു സമഗ്രമായ സംഭരണമാണു ലക്ഷ്യം.

ViswaPrabha (വിശ്വപ്രഭ) 15:23, 25 സെപ്റ്റംബർ 2011 (UTC)

നല്ല ആശയം; ആ ട്രയിൽ എന്നു തുടങ്ങി; ചരിത്രപ്പരമായ കാരണങ്ങൾ എന്നിവ ഉണ്ടങ്കിൽ അതും ചേർക്കുന്നത് നല്ലതാണന്നു തോന്നുന്നു. --രാജേഷ് ഉണുപ്പള്ളി ^Talk‍ 07:31, 26 സെപ്റ്റംബർ 2011 (UTC)

തിരുവനന്തപുരത്ത് നിന്നും തീവണ്ടി 10:30നാണ് പുറപ്പെടുന്നത്. --കിരൺ ഗോപി 08:26, 26 സെപ്റ്റംബർ 2011 (UTC)

വിശ്വേട്ടാ. നല്ല ഉദ്യമം..--സുഗീഷ് 08:32, 26 സെപ്റ്റംബർ 2011 (UTC)

സമയവിവരപ്പട്ടിക

സമയവിവരപ്പട്ടികയിൽ 'ക്രമനമ്പർ' എടുത്ത് മാറ്റുന്നത് നല്ലതാണെന്ന് എനിക്ക് തോന്നുന്നു. കാരണം, ഒരു പക്ഷേ മൊത്തത്തിൽ 30 സ്റ്റേഷനുകളുള്ള ഒരു തീവണ്ടിയുടെ ആദ്യത്തെ 2-3 സ്റ്റേഷനുകൾക്കിടയിൽ ഒരു പുതിയ സ്റ്റേഷൻ വന്നാൽ, ബാക്കി 28-27 സ്റ്റേഷന്റെ ക്രമനമ്പറും മാറ്റേണം. ഇത് കുറച്ച് ബുദ്ധിമുട്ടല്ലേ? (# ഇട്ടാൽ സംഭവം നടക്കില്ലല്ലോ :( )

ഇത് നോക്കൂ, പരശുറാം എക്സ്പ്രസ്, ഇതിൽ ക്രമനമ്പറിനുപകരം ഞാൻ സ്റ്റേഷൻ കോഡ് ആണ് കൊടുത്തത്(ക്രമനമ്പറിനേക്കാൾ ഇത് മറ്റുള്ളവർക്ക് ഉപകാരപ്പെടുമെന്ന് കരുതുന്നു). നിർത്തിയിടുന്ന സമയം കൊടുത്തിട്ടില്ല. എല്ലാ തീവണ്ടികൾക്കും ഒരു പൊതുവായ സമയവിവരപ്പട്ടിക വേണം, അതിനാൽ ചോദിക്കുന്നതാണ്. --വൈശാഖ്‌ കല്ലൂർ 10:12, 26 സെപ്റ്റംബർ 2011 (UTC)

സ്റ്റേഷൻ

സ്റ്റേഷൻ ക്ലിക്ക് ചെയ്താൽ ആ സ്റ്റേഷനിൽ നിർത്തുന്ന എല്ലാ ടെയിനുകളുടേയും വിവരങ്ങൾ കിട്ടുക ആ രീതിയിൽ അതിനു ലിങ്ക് കൊടുക്കുക.--രാജേഷ് ഉണുപ്പള്ളി ^Talk‍ 10:24, 26 സെപ്റ്റംബർ 2011 (UTC)

സമയവിവരപ്പട്ടികകൾക്കും സ്റ്റേഷനുകൾക്കും ട്രെയിനുകൾക്കു തന്നെയും പറ്റിയ ഡൈനാമിൿ ആയി എളുപ്പം മാറ്റുവാൻ പറ്റിയ ഫലകങ്ങൾ സൃഷ്ടിക്കാൻ പറ്റുമോ എന്നു് ആലോചിച്ചുകൊണ്ടിരിക്കുന്നു. ViswaPrabha (വിശ്വപ്രഭ) 15:42, 26 സെപ്റ്റംബർ 2011 (UTC)

കോച്ച് ക്രമം

കോച്ചുകളുടെ ക്രമം ദിശക്കനുസരിച്ച് തിരിയുമല്ലോ അല്ലേ? ഏതുദിശയിലാണെന്ന് കൊടുക്കുന്നത് നന്നായിരിക്കും. --Vssun (സുനിൽ) 09:42, 27 സെപ്റ്റംബർ 2011 (UTC)

കോച്ചുകളുടെ ക്രമം എല്ലാ യാത്രയിലും ഒരുപോലെ അല്ലല്ലോ? ഓരോ യാത്രയിലും മാറാറില്ലേ? --വൈശാഖ്‌ കല്ലൂർ 09:47, 27 സെപ്റ്റംബർ 2011 (UTC)

ഓരോ യാത്രയിലും സാധാരണയായി മാറാറില്ല. തിരുവനന്തപുരത്തു നിന്നും തുടങ്ങുന്ന എല്ലായാത്രകളിലും ഒരുപോലെതന്നെ ക്രമികരിക്കാറുണ്ട്. പക്ഷെ അതുപോലെതന്നെ പാലക്കാട്ടുനിന്നും കാണുമോ അതോ എതിർ ദിശയിലായിരിക്കുമോ എന്നറിയില്ല.--രാജേഷ് ഉണുപ്പള്ളി ^Talk‍ 09:50, 27 സെപ്റ്റംബർ 2011 (UTC)

കോച്ചുകളുടെ ക്രമം ഏകദേശം എല്ലായ്പ്പോഴും ഒരുപോലെത്തന്നെയാണു്. പലപ്പോഴും നാം ശ്രദ്ധിക്കാറില്ലെങ്കിലും റെയിൽവേ സർവീസിൽ പ്രധാനപ്പെട്ട ഒരു പ്രൊട്ടോക്കോളുമാണു് ഈ ക്രമം. അപൂർവ്വമായി യന്ത്രത്തകരാറുകൊണ്ടോ മറ്റോ ഈ ക്രമം മാറാറുണ്ടു്.

ഇവിടെ തൽക്കാലം എഴുതിവെച്ചിരിക്കുന്നതു് സ്വയം ഓർമ്മപ്പെടുത്താനുള്ള ഒരു വരി മാത്രമാണു്. ഇതിനുവേണ്ടി കൂടുതൽ ആകർഷകമായ സാർവ്വത്രികമായ ഒരു ഫലകം നിർമ്മിക്കാൻ ആലോചിച്ചുകൊണ്ടിരിക്കുന്നു. ViswaPrabha (വിശ്വപ്രഭ) 14:35, 27 സെപ്റ്റംബർ 2011 (UTC)