സംയുക്ത ലൈബ്രറി

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
സംയുക്ത ലൈബ്രറി
സംയുക്ത ലൈബ്രറി ആദ്യ കാലത്ത്.jpg
സംയുക്ത ലൈബ്രറി (ആദ്യ കാലത്ത്)
Country ഇന്ത്യ
Typeഗ്രന്ഥശാല
Locationപേരില, ഉഴമലയ്ക്കൽ,
തിരുവനന്തപുരം ജില്ല, കേരളം
Collection
Items collectedപുസ്തകങ്ങൾ, ദിനപത്രങ്ങൾ, മാസികകൾ,
Sizeപതിനായിരത്തിൽ അധികം പുസ്തകങ്ങൾ
Access and use
Access requirementsഎല്ലാവർക്കും പ്രവേശനം നല്കുന്നു
Websitewww.samyukthalibrary.org

2017ൽ തിരുവനന്തപുരം ജില്ലയിലെ നെടുമങ്ങാട് താലൂക്കിലെ മലയോര പ്രദേശമായ ഉഴമലയ്ക്കൽ പ്രദേശത്ത് ആരംഭിച്ച ലൈബ്രറിയാണ് സംയുക്ത ലൈബ്രറി. അഞ്ഞൂറിലധികം അംഗങ്ങളുള്ള ഈ വായനശാലയിൽ പതിനായിരത്തിലധികം പുസ്തകങ്ങൾ ശേഖരിക്കപ്പെട്ടിരിക്കുന്നു. കുട്ടികൾ ഇപ്പോൾ ഈ ലൈബ്രറിയെ ആശ്രയിച്ച് അവരുടെ പ്രോജക്റ്റ് വർക്കുകളും മറ്റും ചെയ്യുന്നു. [1]

ചരിത്രം[തിരുത്തുക]

നെടുമങ്ങാട് താലൂക്കിലെ പേരില ഗ്രാമത്തിൽ ഒരു ഗ്രന്ഥശാല വേണ്ടതാണ് എന്ന ജനങ്ങളുടെ ആവശ്യകതാ ബോധത്തിൽ നിന്ന് ഉത്ഭവിച്ച ഒരു സാംസ്‌കാരിക കൂട്ടായ്മയാണ് പിന്നീട് ഗ്രന്ഥശാലയായി പരിണമിച്ചത്. രണ്ടായിരാമാണ്ടോടുകൂടിയാണ് പേരില-നേടിയവേങ്കാക്കാട്‌ ഗ്രാമം കേന്ദ്രമാക്കി ഒരു വായനശാല സ്ഥാപിക്കുക എന്ന ആശയം രൂപം കൊണ്ടത്. എന്നാൽ ഇതിന്റെ ഭാഗമായി ഒരു ആർട്സ് ആൻഡ് സ്പോർട്സ് ക്ലബ് രൂപീകരിച്ചായിരുന്നു സംയുക്തയുടെ തുടക്കം. അങ്ങനെ 2003സംയുക്ത ആർട്സ് ആൻഡ് സ്പോർട്സ് ക്ലബ് എന്ന പേരിൽ ഒരു ക്ലബ് രജിസ്റ്റർ ചെയ്ത് പ്രേവർത്തനമാരംഭിച്ചു. 2007ലാണ് സംയുക്ത എന്നപേരിൽ ഈ ഗ്രന്ഥശാല പ്രവർത്തനമാരംഭിക്കുന്നത്. നാട്ടുകാരിൽ പലരും വായനശാലയുടെ മുന്നോട്ടുള്ള പ്രവർത്തനങ്ങൾക്ക് പ്രചോദനമായി. [2]

ആനുകാലികങ്ങൾ[തിരുത്തുക]

എട്ട് മലയാളം ആനുകാലികങ്ങളും, നാല് ഇംഗ്ലീഷ് ആനുകാലികങ്ങളും സ്ഥിരമായി വരുത്തുന്നു.

പത്രങ്ങൾ[തിരുത്തുക]

മലയാളത്തിലെ പ്രേമുഖമായ അഞ്ചും, മൂന്ന് ഇംഗ്ലീഷ് പത്രങ്ങളും ഗ്രന്ഥശാലയിൽ സ്ഥിരമായി വരുത്തുന്നു.

ബാല സംഘം[തിരുത്തുക]

നാല്പതോളം കുട്ടികൾ അംഗങ്ങളായ ഒരു ബാല സംഘമണ് ഇപ്പോൾ ഗ്രന്ഥശാലക്ക് കീഴിലുള്ളത്.

പുരുഷ സംഘം[തിരുത്തുക]

പ്രദേശത്തെ അൻപതോളം പേർ ഉൾപ്പെടുന്ന വിപുലമായൊരു പുരുഷ സംഘമാണ് ഗ്രന്ഥശാലക്കുള്ളത്.

വയോജന ക്ലബ്[തിരുത്തുക]

പ്രദേശത്തെ ഇരുപതോളം മുതിർന്ന പൗരന്മാരെ ഉൾപ്പെടുത്തി രൂപീകരിച്ച വയോജന ക്ലബ് മികച്ച വിജയം നേടിയ ഒരു സംരംഭമാണ്.

സൗജന്യ പി.എസ്.സി കോച്ചിങ് സെന്റർ[തിരുത്തുക]

പത്തുവർഷത്തിലേറെയായി സൗജന്യ ഒരു പി.എസ്.സി കോച്ചിങ് സെന്റർ ഗ്രന്ഥശാലക്ക് കീഴിലുണ്ട്. കുറഞ്ഞ കാലയളവിനുള്ളിൽ ഒരുപാട് പേരുടെ വിജയങ്ങൾക്ക് പിന്തുണ നൽകിയിട്ടുള്ളതാണ് ഈ കോച്ചിങ് സെന്റർ.

അവലംബം[തിരുത്തുക]

  1. https://www.janmabhumidaily.com/news654137
  2. http://moit1993.blogspot.com/2017/09/importance-of-thiruvananthapuram.html
"https://ml.wikipedia.org/w/index.php?title=സംയുക്ത_ലൈബ്രറി&oldid=3190692" എന്ന താളിൽനിന്ന് ശേഖരിച്ചത്