ഷിറിൻ ഫോസ്ദാർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

സ്ത്രീകളുടെ അവകാശങ്ങൾക്കും ക്ഷേമത്തിനും വേണ്ടി പ്രവർത്തിച്ച ഒരു വനിതാ വിമോചന പ്രവർത്തകയായിരുന്നു ഷിറിൻ ഫോസ്ദാർ(1905–1992).

ആദ്യകാലജീവിതം[തിരുത്തുക]

1905 ൽ ബോംബൈയിൽ (ഇന്നത്തെ മുംബൈ) ഷിറിൻ ഫോസ്ദാർ ജനിച്ചു. അവരുടെ മാതാപിതാക്കളായ മെഹ്റബാൻ ഖൊദാബക്സ് ബെഹ്ജാത്ത്, ദൗലത്ത് എന്നിവർ ബഹായി മതവിശ്വാസികളായിരുന്നു [1][2]. ബഹായി മതവിശ്വാസത്തിൽ പുരുഷന്മാരും സ്ത്രീകളും തുല്യരാണ്. 17 വയസ്സായപ്പോൾ കറാച്ചിയിൽ നടന്ന ഇന്ത്യൻ ബഹായി ദേശീയ സമ്മേളനത്തിൽ സാർവ്വത്രിക വിദ്യാഭ്യാസം എന്ന വിഷയം അവതരിപ്പിച്ചു സംസാരിക്കുകയുണ്ടായി [1][3]. 1930 കളോടെ, ഓൾ ഏഷ്യൻ വുമൺസ് കോൺഫറൻസിൽ അവർ സജീവപങ്കാളിയായി. 1934 ൽ ജനീവയിൽ നടന്ന ലീഗ് ഓഫ് നേഷൻസ് കോൺഫറൻസിൽ ലിംഗസമത്വത്തെക്കുറിച്ച് ഒരു അവതരണം നടത്താൻ ഷിറിൻ നിയുക്തയായി. അവർ പരസ്യ പ്രഭാഷണങ്ങൾ നടത്തി. 1941 ൽ മഹാത്മാഗാന്ധിയുടെ അഭ്യർഥന പ്രകാരം അവർ അഹമ്മദാബാദിൽ സമാധാനത്തെ കുറിച്ച് പ്രഭാഷണം നടത്തി [2].

സിംഗപ്പൂരിൽ[തിരുത്തുക]

1950-ൽ ബഹായി വിശ്വാസത്തെ പ്രചരിപ്പിക്കാൻ അവർ ഭർത്താവുമൊത്ത് സിംഗപ്പൂരിലേക്ക് തിരിച്ചു. സിംഗപ്പൂരിൽ, വിവാഹജീവിതത്തിലെ ലൈംഗിക അസമത്വത്തിനും ബഹുഭാര്യത്വത്തിനും എതിരായി വിജയകരമായി പ്രവർത്തിച്ചു . 1952-ൽ സിംഗപ്പൂർ കൗൺസിൽ ഓഫ് വിമൻസ് എന്ന സംഘടനയുടെ സ്ഥാപനത്തിൽ അവർ പ്രധാന പങ്ക് വഹിച്ചു. ഈ സംഘടനയുടെ ജനറൽ സെക്രട്ടറിയായി തെരഞ്ഞെടുക്കപ്പെട്ട ഷിറിൻ രാഷ്ട്രീയ നേതാക്കളോടും മാധ്യമങ്ങളോടും ആശയവിനിമയം നടത്തുന്ന ചുമതല ഏറ്റെടുത്തു. രാഷ്ട്രീയപ്രവർത്തനത്തിനായുള്ള ആദ്യത്തെ വനിതാ സംഘടനയായിരുന്നു ഈ സംഘം. രണ്ടായിരത്തിലധികം അംഗങ്ങളുള്ള ഈ സംഘം അഞ്ച് ദശാബ്ദത്തോളം ഏറ്റവും വലിയ വനിതാ സംഘടനയുമായിരുന്നു[4]. ബഹുഭാര്യത്വവും വിവാഹമോചനവും മൂലം കഷ്ടതയനുഭവിച്ച വനിതകൾക്ക് നീതി ലഭിക്കുന്നതിനായി സിംഗപ്പൂർ കൗൺസിൽ ഓഫ് വിമൻസ് നടത്തിയ മുന്നേറ്റങ്ങളിലൂടെ 1955-ൽ ഈ പ്രശ്നങ്ങൾക്ക് തീർപ്പ് കല്പിക്കുവാനും അർഹതപ്പെട്ട ജീവനാംശം വിധിക്കുവാനും ഒരു ശരീഅത്ത് കോടതി സ്ഥാപിതമായി[5]. വനിതകളുടെ ചാർട്ടർ നിയമമാക്കിയെടുക്കുവാനുള്ള പരിശ്രമത്തിന് അവർ നേതൃത്വം നൽകി.

അവസാനകാലം[തിരുത്തുക]

1958-ൽ അവരുടെ ഭർത്താവ് മരിച്ചു. 1961-ൽ ഫോസ്ദാർ ഗ്രാമീണ തായ്ലൻഡിലേക്ക് താമസം മാറി. വേശ്യാവൃത്തിക്ക് നിർബന്ധിക്കപ്പെടുന്നതിൽ നിന്നും സ്ത്രീകളെ രക്ഷിക്കുക, അവരെ ശാക്തീകരിക്കുക എന്ന ലക്ഷ്യത്തോടെ പെൺകുട്ടികൾക്കായി ഒരു സ്കൂൾ സ്ഥാപിച്ചു. സിംഗപ്പൂരിൽ മടങ്ങിയെത്തുന്നതിനു മുൻപ് അവൾ 14 വർഷത്തോളം തായ്ലൻഡിൽ ചെലവിട്ടു[6]. വിവിധ രാജ്യങ്ങളിൽ യാത്ര ചെയ്ത് ബഹായി വിശ്വാസത്തെക്കുറിച്ചും സ്ത്രീകളുടെ അവകാശങ്ങളെക്കുറിച്ചും പ്രഭാഷണങ്ങൾ നടത്തുകയും ചെയ്തു. 1992 ഫെബ്രുവരി രണ്ടിനാണ് ഷിറിൻ ഫോസ്ദാർ കാൻസർ ബാധിച്ച് മരണമടഞ്ഞത്. ഇവർക്ക് മൂന്ന് ആൺമക്കളും രണ്ട് പെണ്മക്കളുമുണ്ടായിരുന്നു.

അവലംബം[തിരുത്തുക]

  1. 1.0 1.1 Fong, Lee-Khoo Guan (2007). "Shirin Fozdar". Singapore Infopedia. National Library Board. ശേഖരിച്ചത് 24 December 2015.
  2. 2.0 2.1 Chew, Phyllis Ghim Lian (24 August 2009). "The Singapore Council of Women and the Women's Movement" (PDF). Journal of Southeast Asian Studies. 25 (1): 112–140. doi:10.1017/S0022463400006706. ശേഖരിച്ചത് 24 December 2015.
  3. Chua, Alvin (11 December 2012). ""One man one wife" and the happiest woman on earth Shirin Fozdar (born 1905 – died 1992)". Singapore Memory Project. ശേഖരിച്ചത് 24 December 2015.
  4. Soin, Kanwaljit; Thomas, Margaret, eds. (2015). Our Lives to Live: Putting a Woman's Face to Change in Singapore. Singapore: World Scientific. pp. 50–52. ISBN 978-9814641999.
  5. "Shirin Fozdar". Singapore Women's Hall of Fame. Singapore Council of Women's Organisations. ശേഖരിച്ചത് 24 December 2015.
  6. "A Tribute to Mrs Shirin Fozdar" (PDF). The Women's Times. 19 September 2000. ശേഖരിച്ചത് 24 December 2015. Archived in Singapore & I.R.O., p. 35.
"https://ml.wikipedia.org/w/index.php?title=ഷിറിൻ_ഫോസ്ദാർ&oldid=3101632" എന്ന താളിൽനിന്ന് ശേഖരിച്ചത്