ഷാർലറ്റ് സോഫിയ ബേൺ
ഒരു ഇംഗ്ലീഷ് എഴുത്തുകാരിയും എഡിറ്ററും ആയിരുന്നു ഷാർലറ്റ് സോഫിയ ബേൺ (ഷ്രോപ്ഷയർ, 1850-1923). കൂടാതെ ബേൺ ഫോക്ലോർ സൊസൈറ്റിയുടെ പ്രസിഡന്റായ ആദ്യ വനിതയും ആയിരുന്നു.[1]
ജീവിതം
[തിരുത്തുക]1850 മെയ് 2 ന് ഷാർലറ്റിന്റെയും സാംബ്രൂക്ക് ബേണിന്റെയും ആറ് മക്കളിൽ ആദ്യത്തെയാളായി ഷാർലറ്റ് സോഫിയ ബേൺ [2] ജനിച്ചു. വർഷങ്ങൾക്ക് ശേഷം അവരുടെ പിതാവിന് വേട്ടയാടുന്നതിനിടയിലുണ്ടായ ഒരു അപകടത്തിൽ തളർത്തുന്ന വിധത്തിലുള്ള പരിക്കുകൾ പറ്റിയതിനാൽ അദ്ദേഹത്തിന്റെ പരിചരണത്തിന്റെ ഭാഗമായി കുടുംബം 1854-ൽ ഷ്രോപ്‌ഷെയറിലെ എഡ്‌മണ്ടിലെ സമ്മർഹില്ലിലേക്ക്[2] താമസം മാറ്റി. അവധിക്കാലം ആഘോഷിക്കാൻ അവളെ മാതാപിതാക്കൾ ലോയിന്റൺ ഹാളിലേക്ക് അയച്ചു. അവിടെ പ്രധാനമായും അവിവാഹിതരായ അമ്മായിമാരായിരുന്നു താമസിച്ചിരുന്നത്. അവിടെ അവൾ അച്ചടക്കമില്ലാത്തവളാണെന്ന് അവർ റിപ്പോർട്ട് ചെയ്തു. അവളുടെ ആദ്യ കാലങ്ങളിൽ നിരവധി ഗുരുതരമായ രോഗങ്ങൾ അനുഭവപ്പെട്ടു. അനാരോഗ്യവും അമിതവണ്ണവും ജീവിതത്തിലുടനീളം അവളുടെ ശരീരസുഖത്തെ തടസ്സപ്പെടുത്തിരുന്നു.
കൃതികൾ
[തിരുത്തുക]ബേണിന്റെ കൃതികളിൽ ഷ്രോപ്ഷയർ ഫോക്ലോർ എന്ന വലിയ ശേഖരവും[2] ഫോക്ലോർ സൊസൈറ്റിസ് ഒഫിഷൽ ഹാൻഡ്ബുക്ക് ഓഫ് ഫോക്ലോറിന്റെ രണ്ടാം പതിപ്പിന്റെ തയ്യാറെടുപ്പും ഉൾപ്പെടുന്നു . കൂടാതെ അവർ അതിന്റെ ജേണലുകളിലേക്ക് എഴുപതിലധികം ലേഖനങ്ങളും അവലോകനങ്ങളും സംഭാവന ചെയ്തിട്ടുണ്ട്. അതിൽ ഏതാനും ഭാഗം പത്രങ്ങളിലും മാസികകളിലും പ്രസിദ്ധീകരിച്ചു. സൊസൈറ്റിയിലെ വിവിധ സ്ഥാനങ്ങളിലേക്കുള്ള അവരുടെ നിയമനം മുമ്പ് ആ സ്ഥാനങ്ങൾ ലണ്ടൻ അംഗങ്ങൾ കൈവശം വച്ചിരുന്നതിനാൽ പതിവില്ലാത്തതായിരുന്നു.. കൂടാതെ ആ പ്രസിദ്ധീകരണങ്ങളുടെ പ്രസിഡന്റോ എഡിറ്ററോ ആയ ആദ്യ വനിതയായിരുന്നു അവർ.
ലിംഗപരവും പ്രാദേശികവുമായ അതിർവരമ്പുകൾ ഭേദിച്ച്, നാൽപ്പത് വർഷക്കാലം സമൂഹത്തെ സേവിച്ചിട്ടും, ചരിത്രത്തിന്റെ രേഖപ്പെടുത്തപ്പെട്ട ഒരു കാലഘട്ടത്തിൽ, അവരുടെ ജീവിതത്തിന്റെയും കൃതികളുടെയും വിശദാംശങ്ങൾ വേണ്ടത്ര ശ്രദ്ധിക്കപ്പെട്ടിരുന്നില്ല.. പ്രമുഖ അംഗങ്ങളായ ആലീസ് ബെർത്ത, ജി. ലോറൻസ് ഗോമെ എന്നിവരുമായി ബേണിന്റെ ചില കത്തിടപാടുകൾ സൊസൈറ്റിയുടെ ആർക്കൈവുകളിൽ ഉണ്ട്. എന്നാൽ അവരുടെ സ്വകാര്യ രേഖകൾ നശിപ്പിക്കപ്പെട്ടതായി തോന്നുന്നു. റിച്ചാർഡ് ഡോർസന്റെ ബ്രിട്ടീഷ് ഫോക്ക്‌ലോറിസ്റ്റുകളുടെ ചരിത്രത്തിൽ (1968) അവരെക്കുറിച്ചുള്ള പരാമർശങ്ങളിൽ അവരുടെ ജീവിതത്തെയും കൃതികളെയും കുറിച്ചുള്ള അവ്യക്തവും കൃത്യമല്ലാത്തതുമായ ഒരു ചിത്രം നൽകിയിട്ടുണ്ട്. 1975-ൽ പ്രസിദ്ധീകരിച്ച ഒരു "നയപരമായ ജീവചരിത്രത്തിനായി" അവരുടെ മരുമകനായ ജെ. സി. ബേൺ, അവരുടെ കുടുംബത്തിന്റെ കത്തുകളും ഓർമ്മകളും ഉപയോഗിച്ചു. ഇ. സിഡ്നി ഹാർട്ട്ലാൻഡ് ആയിരുന്നു അവരുടെ മരണവാർത്ത പ്രസിദ്ധീകരിച്ചത്.
ചരിത്രത്തിലും പുരാവസ്തുക്കളിലും പിന്നീട് നാടോടിക്കഥകളിലും ബേണിന്റെ താൽപ്പര്യം ഒരുപക്ഷേ അവരുടെ അമ്മ വളർത്തിയെടുത്തതായിരിക്കാം. മിൽഡ്‌മേ കുടുംബത്തിന്റെ വംശാവലി ചരിത്രം സമാഹരിക്കാൻ കുടുംബവുമായി ബന്ധപ്പെട്ടവർ അവളെ പ്രേരിപ്പിച്ചു. ഇതിനുള്ള അവരുടെ ആദ്യ കൈയെഴുത്തുപ്രതി ഇപ്പോഴും നിലവിലുണ്ട്. കൂടാതെ കവി റിച്ചാർഡ് ബാൺഫീൽഡിന്റെ എഡിറ്റിംഗും. ഒരു എഡിറ്റർ എന്ന നിലയിലുള്ള അവരുടെ കഴിവുകൾ ആദ്യം തിരിച്ചറിഞ്ഞത് R. W. Eyton ന്റെ ഡൂംസ്‌ഡേ സ്റ്റഡീസിലെ മറുപടികളിലും തുടർന്നുള്ള ഒരു പ്രാദേശിക പത്രത്തിൽ ലഭിച്ച അഭിനന്ദനങ്ങളിലുമാണ്.
ഷ്രോപ്ഷയർ വേഡ് ബുക്ക് (1879) നും അതിന്റെ സഹകൃതിയായ "ഫോക്ക്-ലോർ ഗ്ലീനിംഗ്സ്" എന്ന പുസ്തകത്തിന്റെ താൽക്കാലിക തലക്കെട്ടിനും വേണ്ടിയുള്ള വസ്തുതകൾ ശേഖരിച്ചുകൊണ്ടിരുന്ന ബേൺ ജോർജിന ഫ്രെഡറിക്ക ജാക്സണുമായി 1875-ൽ സൗഹൃദത്തിലായി. ജാക്സന്റെ മരണശേഷം ബേൺ അവരുടെ കൃതികൾ ഏറ്റെടുക്കാൻ തുടങ്ങി. സ്വന്തം കഥകളുടെ ശേഖരം കൂടി ചേർത്ത് ഷ്രോപ്ഷയർ ഫോക്ക്-ലോർ: എ ഷീഫ് ഓഫ് ഗ്ലീനിംഗ്സ് എന്ന അവരുടെ ആദ്യത്തെ പ്രധാന കൃതി പുറത്തിറക്കി. ഈ സമഗ്ര ശേഖരം നന്നായി സ്വീകരിക്കപ്പെടുകയും ഇപ്പോഴും അനുകൂലമായി വീക്ഷിക്കപ്പെടുകയും ചെയ്യുന്നു, അവരുടെ മരണവാർത്തയിൽ "ഒരു കൗണ്ടിയുടെ നാടോടിക്കഥ ആദ്യമായി പ്രസിദ്ധീകരിച്ചത് - ഏതു രീതിയിലും ഇത്രയും പൂർണ്ണവും ശാസ്ത്രീയവുമായ രൂപത്തിൽ" (ഹാർട്ട്ലാൻഡ്, 1923) എന്ന് പരാമർശിക്കുകയുണ്ടായി. പിന്നീട് നാടോടിക്കഥകാരിയായ കാതറിൻ ബ്രിഗ്സ് ഇതിനെ "നമ്മുടെ കൈവശമുള്ള ഏറ്റവും മികച്ച കൗണ്ടി നാടോടിക്കഥയും ഏറ്റവും സ്മാരകവുമായ പുസ്തകം" എന്ന് വിശേഷിപ്പിച്ചു.
1890 കളുടെ തുടക്കത്തിൽ അവർ വടക്കൻ സ്റ്റാഫോർഡ്ഷെയറിലെ എക്ലെഷാളിലെ പൈബിർച്ചിൽ താമസിച്ചു. അവിടെ അവർ സ്റ്റോക്ക്-ഓൺ-ട്രെന്റിലെ പ്രാദേശിക നാടോടി എഴുത്തുകാരിയും നാടോടി ഗാന ശേഖരണിയുമായ മിസ് ആലീസ് ആനി കെയറിയുടെ സഹകരണത്തോടെ പ്രവർത്തിച്ചു. 1890-1893 കാലഘട്ടത്തിൽ അവർ മൂന്ന് വർഷം വടക്കൻ സ്റ്റാഫോർഡ്ഷെയറിൽ പ്രാദേശികമായി വസ്തുതകൾ ശേഖരിച്ചു. നിരവധി സംയുക്ത പ്രബന്ധങ്ങൾ പ്രസിദ്ധീകരിച്ചെങ്കിലും, ബേൺ 1894-ൽ ചെൽട്ടൻഹാമിലേക്ക് താമസം മാറി, പദ്ധതി പുസ്തക രൂപത്തിൽ യാഥാർത്ഥ്യമാക്കുന്നതിൽ പരാജയപ്പെട്ടു.
നാടോടിക്കഥകളുടെ ചിട്ടയായ ശേഖരണത്തോടുള്ള ബേണിന്റെ സമീപനം നാടോടിക്കഥകളുടെ വർഗ്ഗീകരണത്തിനും അത് കരസ്ഥമാക്കുന്നതിനുള്ള മാർഗ്ഗങ്ങൾക്കും പ്രാധാന്യം നൽകി. ശേഖരണത്തെക്കുറിച്ച് അവർ രണ്ട് ഉപന്യാസങ്ങൾ എഴുതി, ഫീൽഡ് വർക്കിനെക്കുറിച്ചുള്ള തുടർച്ചയായ ഒരു പ്രഭാഷണത്തിന് അവർ സംഭാവന നൽകി. കഥകളുടെ ചരിത്രപരവും പ്രാദേശികവുമായ സന്ദർഭം രേഖപ്പെടുത്തുന്നതിന്റെയും അവയിൽ കഥാപാത്രങ്ങളിലും സംഭവങ്ങളിലും വരുത്തിയ മാറ്റങ്ങൾ രേഖപ്പെടുത്തേണ്ടതിന്റെ പ്രാധാന്യവും അവർ പ്രോത്സാഹിപ്പിച്ചു. സാമ്പത്തികവും, പ്രാദേശികവും, വ്യക്തിപരവുമായ ഘടകങ്ങളുടെ സ്വാധീനം അവരുടെ ആദ്യകാല കൃതികളിൽ സൂചിപ്പിക്കുകയും പിന്നീടുള്ള ലേഖനങ്ങളിലും ഉപന്യാസങ്ങളിലും അവ വിപുലീകരിക്കുകയും ചെയ്തു.
അവലംബം
[തിരുത്തുക]
- ↑ Ashman, Gordon & Bennett, Gillian (April 2000). "Charlotte Sophia Burne: Shropshire Folklorist, First Woman President of the Folklore Society, and First Woman Editor of Folklore. Part 1: A Life and Appreciation". Folklore. 111 (1): 1–21. doi:10.1080/001558700360861. S2CID 162184807.
- ↑ 2.0 2.1 2.2 Dickins, Gordon (1987). An Illustrated Literary Guide to Shropshire. Shropshire Libraries, Shrewsbury. p. 12. ISBN 0-903802-37-6.
പുറംകണ്ണികൾ
[തിരുത്തുക]| International | |
|---|---|
| National | |
| Academics | |
