ഷമാഖി

Şamaxı
City
Şamaxı
Coordinates: 40°37′49″N 48°38′29″E
Country	Azerbaijan
Rayon	Shamakhi
വിസ്തീർണ്ണം
• ആകെ	6 ച.കി.മീ. (2 ച മൈ)
ഉയരം	709 മീ (2,326 അടി)
ജനസംഖ്യ  (2010)
• ആകെ	31,704
• ജനസാന്ദ്രത	5,300/ച.കി.മീ. (14,000/ച മൈ)
സമയമേഖല	UTC+4 (AZT)
• Summer (DST)	UTC+5 (AZT)
ഏരിയ കോഡ്	+994 2026

ഷമാഖി അസർബൈജാനിലെ ഷമാഖി റയോണിന്റെ തലസ്ഥാനമാണ്. സമ്പന്നമായ ഒരു പാരമ്പര്യമുള്ള ഈ നഗരം അതിന്റെ ചരിത്രത്തിലെ രണ്ട് സഹസ്രാബ്ദങ്ങളിലുടനീളം പ്രധാന രാഷ്ട്രീയ സംഭവവികാസങ്ങൾക്ക് പശ്ചാത്തലം ഒരുക്കിയിട്ടുണ്ട്. 2010 ലെ കണക്കുകൾ പ്രകാരമുള്ള ഈ നഗരത്തിലെ ആകെ ജനസംഖ്യ 31,704 ആയിരുന്നു. ഷമാഖി നർത്തകികളുടെ പരമ്പരാഗത നൃത്തത്തിനു പേരുകേട്ട ഈ പട്ടണത്തിൽ ഉത്പാദിപ്പിക്കപ്പെടുന്ന സൌമാക് കംബളങ്ങൾ ഏറെ പ്രശസ്തമാണ്.

പതിനൊന്ന് വലിയ ഭൂകമ്പങ്ങൾ ഷമാഖിയെ പിടിച്ചുകുലുക്കിയിട്ടുണ്ടെങ്കിലും ബഹുമുഖമായ പുനർനിർമ്മാണങ്ങളിലൂടെ അത് ഷിർവാന്റെ സാമ്പത്തിക, ഭരണ തലസ്ഥാനമായും സിൽക്ക് റോഡിലെ പ്രധാന പട്ടണങ്ങളിലൊന്നായും നിലനിർത്തപ്പെട്ടു. പതിനൊന്ന് ഭൂകമ്പങ്ങളിൽ എട്ടിനേയും അതിജീവിച്ച ഒരേയൊരു കെട്ടിടമാണ് പത്താം നൂറ്റാണ്ടിൽ നിർമ്മിക്കപ്പെട്ട ഷമാഖിയിലെ ജുമാ പള്ളി.

1683 illustration of Shamakhi by Engelbert Kaempfer (published 1734)

Yeddi Gumbez Mausoleum

ചരിത്രം

പുരാതന ഗ്രീക്കോ-റോമൻ ഈജിപ്ഷ്യൻ ഭൂമിശാസ്ത്രജ്ഞൻ ക്ലോഡിയസ് ടോളമ്യൂസ് എ.ഡി 1 മുതൽ 2 വരെ നൂറ്റാണ്ടിൽ ഷമാഖിയെ ആദ്യമായി കാമാച്ചിയ എന്ന് പരാമർശിച്ചു. മധ്യകാലഘട്ടത്തിലെ ഒരു പ്രധാന പട്ടണമായിരുന്ന ഷമാഖി, എട്ടാം നൂറ്റാണ്ട് മുതൽ പതിനഞ്ചാം നൂറ്റാണ്ട് വരെയുള്ള​ കാലഘട്ടങ്ങളിൽ ഷിർവാൻഷാ രാജാധികാരത്തിന്റെ തലസ്ഥാനമായിരുന്നു.

പന്ത്രണ്ടാം നൂറ്റാണ്ടിൽ ഇന്ത്യയുമായും ചൈനയുമായും ഷമാഖി സാമ്പത്തികവും സാംസ്കാരികവുമായ ബന്ധം പുലർത്തിയിരുന്നു, മൺപാത്ര പാത്രങ്ങളുടെ ഖനനം സൂചിപ്പിക്കുന്നത് ഏതാണ്ട് അതേ സമയത്ത് തന്നെ ഷമാഖിക്ക് മധ്യേഷ്യൻ നഗരങ്ങളുമായും ബന്ധമുണ്ടായിരുന്നുവെന്ന് തെളിയിക്കുന്നു. പുരാവസ്തു ഗവേഷണത്തിനിടെ ഷമാഖിയിൽ നിന്ന് കണ്ടെത്തിയ ചെമ്പ് നാണയങ്ങൾ, ചൈനയിൽ നിർമ്മിച്ച പോർസലൈൻ പാത്രങ്ങൾ, അന്താരാഷ്ട്ര വ്യാപാരത്തിന് സേവനം നൽകുന്ന വഴിയമ്പലം എന്നിവ സിൽക്ക് റോഡിൽ പ്രാചീന ഷമാഖിക്കുണ്ടായിരുന്ന പങ്ക് തെളിയിക്കുന്നു.