ശ്രീലങ്കൻ തേൻ കരടി
| ശ്രീലങ്കൻ തേൻ കരടി | |
|---|---|
_male_1.jpg)
| |
| യാല നാഷണൽ പാർക്കിലെ ആൺ കരടി | |
Scientific classification 
| |
| Kingdom: | ജന്തുലോകം |
| Phylum: | Chordata |
| Class: | Mammalia |
| Order: | Carnivora |
| Suborder: | Caniformia |
| Family: | Ursidae |
| Genus: | Melursus |
| Species: | |
| Subspecies: | M. u. inornatus
|
| Trinomial name | |
| Melursus ursinus inornatus Pucheran, 1855 [2]
| |
_male_head.jpg)
ശ്രീലങ്കൻ തേൻ കരടി ( മെലർസസ് ഉർസിനസ് ഇന്നോർനാറ്റസ് ) [3] തേൻ കരടിയുടെ ഒരു ഉപജാതിയാണ്, ഇത് പ്രധാനമായും ശ്രീലങ്ക ദ്വീപിലെ താഴ്ന്ന പ്രദേശങ്ങളിലെ വരണ്ട വനങ്ങളിൽ കാണപ്പെടുന്നു. ശ്രീലങ്കൻ തേൻ കരടി ലജ്ജാശീലമുള്ള ഏകാന്ത ഇഷ്ടപ്പെടുന്ന ഒരു മൃഗമാണ്. അത് പ്രണയിക്കുന്ന സമയത്തോ (പ്രജനനം) അല്ലെങ്കിൽ ഒരു അമ്മയെയും കുഞ്ഞും ഉള്ളപ്പോൾ മാത്രമേ ജോഡികളായി അവ കാണപ്പെടുന്നുള്ളൂ. കുഞ്ഞിനെ പുറകിൽ കയറ്റുന്ന കരടി കുടുംബത്തിലെ ഏക അംഗമാണ് ശ്രീലങ്കൻ തേൻ കരടി.[4] ശ്രീലങ്കൻ തേൻ കരടിക്ക് എല്ലാ രാത്രിയിലും ദാഹം ശമിപ്പിക്കേണ്ടിവരുന്നു, കൂടാതെ വെള്ളമില്ലാതെ ദീർഘനേരം പോകാൻ കഴിയില്ല. ശ്രീലങ്കൻ തേൻ കരടികൾ പരസ്പരം ആശയവിനിമയം നടത്താൻ വൈവിധ്യമാർന്ന മുഖഭാവങ്ങളും കോളുകളും ഉപയോഗിക്കുന്നു. മുഷിഞ്ഞതും പൊടിപിടിച്ചതും വൃത്തിഹീനമായതുമായ കറുത്ത രോമങ്ങൾ ഉള്ള ശ്രീലങ്കൻ തേൻ കരടിയെ വേഗം തിരിച്ച് അറിയാൻ കഴിയും.
പരിസ്ഥിതി[തിരുത്തുക]
ശ്രീലങ്കൻ തേൻ കരടി സർവ്വവ്യാപിയായതിനാൽ, അത് കായ്കൾ, സരസഫലങ്ങൾ, വേരുകൾ എന്നിവയും മാംസം എന്നിവയും ഭക്ഷിക്കുന്നു. അതിന്റെ പ്രധാന ഭക്ഷണങ്ങളിലൊന്ന് കീടങ്ങളാണ്. ഇത് കീടങ്ങളെ ചീഞ്ഞ കുറ്റികളിൽ നിന്നും മരങ്ങളിൽ നിന്നും നീളമുള്ളതും രോമമില്ലാത്തതുമായ അതിൻ്റെ മൂക്ക് ഉപയോഗിച്ച് നീക്കംചെയ്യുന്നു. ശ്രീലങ്കൻ തേൻ കരടി മൃഗങ്ങളെ കൊല്ലുന്നത് വളരെ അപൂർവമാണ്. മടിയൻ കരടിയും പുള്ളിപ്പുലിയും ഒരേ ഭൂമിശാസ്ത്രപരമായ പരിധിയിൽ ഉണ്ടാകാറുണ്ട്. [5] [6] അത് പ്രാണികളെയും പുതിയ പഴങ്ങളെയും തേടി മൂക്ക് നിലത്തോട് അടുപ്പിച്ച് നടക്കുമ്പോൾ മുറുമുറുക്കുകയും കൂർക്കം വലിക്കുന്നതു പോലെ ഉള്ള ശബ്ദവും ഉണ്ടാക്കും. ചെറിയ പാലു പഴങ്ങളുടെ മധുരവും സമൃദ്ധിയും അതിന് ഒരുപാട് ഇഷ്ടം ഉള്ളതിനാൽ ശ്രീലങ്കൻ തേൻ കരടികൾ പഴങ്ങൾ കായ്ക്കുന്ന കാലത്ത് പാലു മരങ്ങളിൽ ഗണ്യമായ സമയം ചെലവഴിക്കുന്നു. ആറ് മുതൽ ഏഴ് മാസം വരെ നീണ്ടുനിൽക്കുന്ന ഗർഭാവസ്ഥയ്ക്ക് ശേഷം, ലങ്കൻ തേൻ കരടികൾ സാധാരണയായി ഭൂമിക്കടിയിൽ അല്ലെങ്കിൽ പാറക്കൂട്ടത്തിൽ രണ്ട് കുഞ്ഞുങ്ങളെ പ്രസവിക്കുന്നു. ശ്രീലങ്കൻ തേൻ കരടികൾക്കിടയിലെ സവിശേഷമായ ഒരു സ്വഭാവമാണ് കുഞ്ഞുങ്ങൾ പലപ്പോഴും അമ്മയുടെ പുറകിൽ സവാരി ചെയ്യുന്നത്. ശ്രീലങ്കയിലെ യല, വിൽപട്ട്, വാസ്ഗോമുവ ദേശീയോദ്യാനങ്ങളിൽ ആണ് ശ്രീലങ്കൻ തേൻ കരടികളെ കാണാൻ ഏറ്റവും പ്രചാരമുള്ള സ്ഥലങ്ങൾ.[7]
സംരക്ഷണ നില[തിരുത്തുക]
ശ്രീലങ്കൻ തേൻ കരടി വംശ നാശ ഭീഷണി നേരിടുന്നു. അതിൻ്റെ ജനസംഖ്യ അനുദിനം കുറയുകയാണ്. ഒറ്റപ്പെട്ട പല സ്ഥലങ്ങളിലും അതിൻ്റെ ജനസംഖ്യ 1000-ൽ താഴെ ആണ്. (ഒരു പക്ഷേ വന്യ ജനസംഖ്യ 500 ൽ താഴെയായിരിക്കാം). പ്രകൃതിദത്തമായ ഡ്രൈ സോൺ സ്വാഭാവിക വനങ്ങളുടെ നാശമാണ് അത് നേരിടുന്ന പ്രധാന ഭീഷണി. കാരണം മറ്റ് വലിയ ശ്രീലങ്കൻ മൃഗങ്ങളിൽ നിന്ന് വ്യത്യസ്തമായി, ശ്രീലങ്കൻ തേൻ കരടി അതിന്റെ ഭക്ഷണ സ്രോതസ്സിനായി പ്രകൃതിദത്ത വനങ്ങളെ വളരെയധികം ആശ്രയിക്കുന്നു. തേൻ കരടി-മനുഷ്യ ഇടപഴകലിന്റെ വർദ്ധനവ് പല സംഘട്ടനങ്ങൾക്കും കാരണമായി. [8] ഈ സംഘട്ടനങ്ങളിൽ കന്നുകാലികളുടെ നഷ്ടം, വസ്തുവകകൾക്കുള്ള നാശം, മനുഷ്യർക്കുണ്ടാകുന്ന മരണവും പരിക്കും ഉൾപ്പെടുന്നു. മനുഷ്യർക്ക് കരടികളോടുള്ള ഭയം മൂലം പ്രതികാരമായി കരടികളെ കൊല്ലുന്നത് സാധാരണയായി. [9]
സാംസ്കാരിക പ്രാധാന്യം[തിരുത്തുക]
ജന്മദേശമായ ശ്രീലങ്കയിൽ ഈ കരടിയെ സിംഹളത്തിൽ വലാഹ എന്നും തമിഴിൽ കരടി എന്നും വിളിക്കുന്നു . [10] രണ്ട് പദങ്ങളും ഇംഗ്ലീഷിൽ " ബെയർ " എന്ന് വിവർത്തനം ചെയ്യുന്നു.
ഇതും കാണുക[തിരുത്തുക]
റഫറൻസുകൾ[തിരുത്തുക]
- ↑ "Sri Lankan Red List of 2012" (PDF). cea.lk.
- ↑ Revue et Magasin de Zoologie [1855] 7 (3): 392 (J. Pucheran)
- ↑ Pucheran, J., Revue et Magasin de Zoologie (ഭാഷ: ഫ്രഞ്ച്), വാള്യം. 7, പുറം. 392
- ↑ "Sri Lankan Sloth Bear | Mammals in Sri Lanka | Dilmah Conservation". ശേഖരിച്ചത് 2022-11-28.
- ↑ Barbara Hadley (2008-12-21), The Sloth Bear (PDF), Bear Specialist Group, മൂലതാളിൽ (PDF) നിന്നും 2008-12-21-ന് ആർക്കൈവ് ചെയ്തത്
- ↑ Brown, G. (1993). The Great Bear Almanac. Lyons & Burford. ISBN 1558212108.
- ↑ https://www.cinnamonnaturetrails.com/the-wildlife/sloth-bear.html
- ↑ Ratnayeke, Shyamala; Manen, Frank T. van; Pieris, Rohan; Pragash, V. S. J. (November 2007). "Landscape Characteristics of Sloth Bear Range in Sri Lanka". Ursus. 18 (2): 189–202. doi:10.2192/1537-6176(2007)18[189:LCOSBR]2.0.CO;2. ISSN 1537-6176.
- ↑ Debata, Subrat; Swain, Kedar Kumar; Sahu, Hemanta Kumar; Palei, Himanshu Shekhar (January 2017). "Human–sloth bear conflict in a human-dominated landscape of northern Odisha, India". Ursus. 27 (2): 90–98. doi:10.2192/URSUS-D-16-00007.1. ISSN 1537-6176.
- ↑ "International Animal Rescue: Saving animals from suffering around the world" (PDF). International Animal Rescue. മൂലതാളിൽ (PDF) നിന്നും 2009-12-22-ന് ആർക്കൈവ് ചെയ്തത്. ശേഖരിച്ചത് 2009-11-28.