ശൂരനാട് തെക്ക്

കൊല്ലം ജില്ലയിലെ കുന്നത്തൂർ താലൂക്കിൽ ശൂരനാട് തെക്ക് പഞ്ചായത്തിൽ സ്ഥിതി ചെയ്യുന്ന പുരാതനമായ ദേവീക്ഷേത്രമാണ് കുമരൻചിറ ദേവീക്ഷേത്രം. സൃഷ്ടിയുടെ അടിസ്ഥാനം സ്ത്രീയാണെന്ന കാഴ്ചപ്പാടിൽ നിന്നാണ് ശാക്തേയർ ഭദ്രകാളിയെ ആരാധിച്ചു തുടങ്ങുന്നത്. 14 കരകൾക്കും നാഥയായി കുടിക്കൊള്ളുന്ന കുമരൻചിറ തമ്പുരാട്ടിക്ക് ഒരു ഗ്രാമ ദേവത സങ്കല്പമാണുള്ളത്. മധ്യതിരുവിതാംകൂറിലെ ഏറ്റവും വലിയ പകൽപ്പൂരമാണ് തിരുവുത്സവത്തിന് അരങ്ങേറുന്നത്. അഞ്ച് അതിശയങ്ങൾ കൊണ്ട് വ്യത്യസ്‌തമാണ് കുമരൻചിറ ദേവീക്ഷേത്രം അഞ്ച് ഗുരുതി, ആൽത്തറകൊട്ട്, മുല്ലപ്പന്തൽ, ഓലക്കുട, പടിഞ്ഞാറെഴുന്നള്ളത്ത് എന്നീ ചടങ്ങുകൾ കുമരൻചിറ ക്ഷേത്രത്തെ വേറിട്ടതാക്കുന്നു.