ശുറെഹ്ബിൽ ഇബ്നു ഹസാന

ശുറെഹ്ബിൽ ഇബിൻ ഹസാന
മരണം	639 Amwas
സേവനം	Rashidun Caliphate (632–639)
പോരാട്ടങ്ങളും / യുദ്ധങ്ങളും	Ridda wars യമാമ യുദ്ധം (December 632) ലെവന്റെിലെ മുസ് ലീം മുന്നേറ്റം (634–639) Siege of Bosra (May 634) Battle of Ajnadayn (July 634) ഫഹ്ൽ യുദ്ധം (January 635) Siege of Baysan Conquest of northern Palestine (636) Siege of Jerusalem (636–637)
ബന്ധങ്ങൾ	Abd Allah ibn Mu'ta ibn Amr (father) Hasana (mother)

പ്രവാചകൻ മുഹമ്മദ് നബി ഇസ്ലാമതത്തിലേക്ക് ആളുകളെ ക്ഷണിച്ചപ്പോൾ ആദ്യകാലത്തു തന്നെ മതപരിവർത്തനം നടത്തിയവരിൽ ഒരാളായിരുന്നു അബു ʿഅബ്ദല്ലാഹ് ശുറെഹ്ബിൽ ഇബ്നു ഹസാന ( Arabic ) ഇസ്ലാമിക പ്രവാചകൻ മുഹമ്മദിന്റെ കൂട്ടാളിയും (സഹബ) ലെവന്റ് മുസ്ലീം കീഴടക്കിയ സമയത്ത് റാഷിദുൻ സൈന്യത്തിലെ ഒരു പ്രധാന കമാൻഡറുമായിരുന്നു. ഇദ്ദേഹം.

ആദ്യകാല ജീവിതം

ശുറെഹ്ബിലിമ്റെ പിതാവ് കിന്ദ എന്ന അറബ് ഗോത്രത്തിലെ അംഗമായ അബ്ദുല്ലാഹ് ഇബ്നു മുത്ത ഇബ്നു അംർ ആയിരുന്നു. അമ്മ ഹസനയുടെ പേരിലാണ് ശുറെഹ്ബിലിനു പേര് നൽകിയത്. അമ്മയുടെ പിന്നീടുള്ള വിവാഹങ്ങളിലൂടെ, മക്കയിലെ സുഹ്‌റയിലെയും ജുമയിലെയും ഖുറൈഷി ഗോത്രങ്ങളുമായി അദ്ദേഹം ബന്ധപ്പെട്ടു. ഇസ്ലാം മതം സ്വീകരിച്ച ആദ്യകാല വ്യക്തിയായിരുന്നു ശുറെഹ്ബിൽ. ഇസ്ലാമിക പ്രവാചകൻ മുഹമ്മദിന്റെ സഹാബുകളിൽ (കൂട്ടാളികളിൽ) കണക്കാക്കപ്പെടുന്ന ഇദ്ദേഹം ഖുറൈശികളുടെ പീഡനത്തിൽ നിന്ന് രക്ഷപ്പെടാൻ മക്കയിൽ നിന്ന് അബിസീനിയയിലേക്കുള്ള രണ്ടാമത്തെ മുസ്ലീം കുടിയേറ്റത്തിൽ പങ്കാളിയായിരുന്നു.

സൈനിക ജീവിതം

പലസ്തീനിലെ ഷുറഹ്ബിലിന്റെ സൈന്യത്തിന്റെ പാത

മുഹമ്മദിന്റെ ജീവിതകാലത്തെ യുദ്ധങ്ങളും റിദ്ദ യുദ്ധങ്ങളും

മുഹമ്മദിന്റെ ജീവിതകാലത്ത് പുറജാതീയ അറബികൾക്കെതിരായ റെയ്ഡുകളിൽ ശുറെഹ്ബിൽ പങ്കെടുത്തു. 632-ൽ മുഹമ്മദ് നബി മരിച്ചതിനുശേഷം, ഇസ്ലാം സ്വീകരിച്ച നിരവധി അറബ് ഗോത്രങ്ങൾ വിശ്വാസം ഉപേക്ഷിച്ച് ഭ്രൂണ മുസ്ലീം രാഷ്ട്രത്തിൽ നിന്ന് വേർപിരിഞ്ഞു. തുടർന്ന് ഖലീഫ അബൂബക്കർ ( വാഴ്ച.  632–634 അറേബ്യയിലുടനീളം റിദ്ദ യുദ്ധങ്ങൾ ആരംഭിച്ചു. ആ യുദ്ധങ്ങളിൽ, മധ്യ നജ്ദിലെ അഖ്‌റബയിലോ അൽ-യമാമയിലോ നടന്ന സൈനിക നീക്കത്തിൽ ഖാലിദ് ഇബ്‌നു അൽ-വലീദിന്റെ ഡെപ്യൂട്ടി കമാൻഡറായി ശുറെഹ്ബിൽ മുസ്ലീം പക്ഷത്തിനു വേണ്ടി പോരാടി.

ലെവന്റ് കീഴടക്കൽ

ജോർദാനിലെ ഷുറഹ്ബിൽ ഇബ്ൻ ഹസനയുടെ ദേവാലയം

റിദ്ദ യുദ്ധങ്ങളിലെ മുസ്ലീം വിജയത്തിനുശേഷം, ബൈസന്റൈൻ സാമ്രാജ്യത്തിൽ നിന്നും അതിന്റെ അറബ് ക്രിസ്ത്യൻ സഖ്യകക്ഷികളിൽ നിന്നും ലെവന്റ് കീഴടക്കാൻ അയച്ച നാല് മുസ്ലീം സൈന്യങ്ങളിൽ ഒന്നിന്റെ കമാൻഡറായി ശുറെഹ്ബിലിനെ നിയമിച്ചു. 7,000 പേരുണ്ടായിരുന്നു ശുറെഹ്ബിലിന്റെ സൈന്യത്തിൽ .അവരുടെ പ്രവർത്തന മേഖല പാലസ്റ്റീന സെക്കുണ്ടയുടെ പ്രദേശവുമായി പൊരുത്തപ്പെടുന്നതായിരുന്നു.അതെസമയം ശുറെഹ്ബിലിന്റെ സൈന്യത്തിൽ പ്രചാരണങ്ങളെക്കുറിച്ച് വളരെക്കുറച്ച് വിവരങ്ങളേ ഉള്ളൂ. മദീന ആസ്ഥാനമായുള്ള പുതിയ മുസ്ലീം രാഷ്ട്രവുമായി മുൻ വർഷങ്ങളിൽ ഭാഗമാവുകയും, തകർക്കുകയും, അനുരഞ്ജനം നടത്തുകയും ചെയ്ത ഖുദാ ഗോത്രങ്ങളെ നിയന്ത്രിക്കുക എന്നതായിരുന്നു അദ്ദേഹത്തിന്റെ പ്രാരംഭ ചുമതല. എട്ടാം നൂറ്റാണ്ടിലെ ഇബ്നു ഇസ്ഹാഖിന്റെയും അൽ-വഖിദിയുടെയും ചരിത്രങ്ങൾ അനുസരിച്ച്, 634 മെയ് മാസത്തിൽ ഖാലിദ് ഇബ്നു അൽ-വലീദിന്റെ നേതൃത്വത്തിൽ ബോസ്ര ഉപരോധസമയത്ത് ശുറെഹ്ബിൽ സന്നിഹിതനായിരുന്നു. മുസ്ലീങ്ങൾ കീഴടക്കിയ ആദ്യത്തെ പ്രധാന സിറിയൻ നഗരമായിരുന്നു അത്.

പിന്നീട്, ജൂലൈയിൽ, റംലയ്ക്കും ബൈത്ത് ജിബ്രിനും ഇടയിൽ നടന്ന അജ്നദൈൻ യുദ്ധത്തിൽ ബൈസന്റൈൻസിനെതിരെ നേടിയ നിർണായക വിജയത്തിൽ ഷുറഹ്ബിൽ അമർ ഇബ്നു അൽ-ആസിന്റെ ഡെപ്യൂട്ടി ആയി സേവനമനുഷ്ഠിച്ചു, ഈ യുദ്ധത്തിൽ മുസ്ലീംകൾക്ക് കാര്യമായ നഷ്ടങ്ങൾ സംഭവിച്ചു. മുസ്ലീങ്ങൾ ബൈസന്റൈൻസിനെ വടക്കോട്ട് പിന്തുടർന്ന് 634 ഡിസംബർ/635 ജനുവരിയിൽ നടന്ന ഫാൽ യുദ്ധത്തിൽ അവരെ പരാജയപ്പെടുത്തി, അവിടെ ശുറെഹ്ബിൽ ഒരു ഡെപ്യൂട്ടി കമാൻഡറും ആയിരുന്നു. എട്ടാം നൂറ്റാണ്ടിലെ ചരിത്രകാരനായ സെയ്ഫ് ഇബ്നു ഉമറിന്റെ അഭിപ്രായത്തിൽ, അബു ഉബൈദ ഇബ്നു അൽ-ജർറ ഷുറഹ്ബിലിനെയും അംറിനെയും ഫഹലിന്റെ (പെല്ല) ചുമതല ഏൽപ്പിച്ചു, അവർ ബയ്‌സാൻ ഉപരോധിക്കാൻ തുടങ്ങി, നിരവധി ദിവസങ്ങൾ നീണ്ടുനിന്ന ചെറിയ ഏറ്റുമുട്ടലുകൾക്ക് ശേഷം അവർ കീഴടങ്ങി. 634 ന്റെ അവസാനത്തിനും 635 ന്റെ തുടക്കത്തിനും ഇടയിൽ ഗെരാസ (ജെറാഷ്) യും ഗോലാൻ പ്രദേശവും മുസ്ലീം പിടിച്ചടക്കുന്നതിൽ ശുറെഹ്ബിൽ ഒരു പ്രധാന പങ്ക് വഹിച്ചിരിക്കാമെന്നാണ് കരുതുന്നത്.

യർമൂക്ക് യുദ്ധത്തിൽ ഹെരാക്ലിയസ് ചക്രവർത്തിയുടെ കീഴിലുള്ള ബൈസന്റൈൻ സൈന്യം പരാജയപ്പെട്ടതിനുശേഷം, വടക്കൻ പലസ്തീൻ കീഴടക്കാനുള്ള ചുമതല ശുറെഹ്ബിലിനെ ഏൽപ്പിച്ചു. വർഷങ്ങളോളം നീണ്ട ഉപരോധത്തിനുശേഷം മറ്റ് മുസ്ലീം ജനറൽമാർ പിന്നീട് പിടിച്ചെടുത്ത സിസേറിയ ഒഴികെ അദ്ദേഹം ഇത് നേടി.

മരണം

639-ൽ മധ്യ പലസ്തീനിലെ അംവാസ് പ്ലേഗിൽ ഷുറഹ്ബിൽ നാല് പ്രധാന മുസ്ലീം കമാൻഡർമാരിൽ ഒരാളായ യാസിദ് ഇബ്നു അബി സുഫ്യാനോടൊപ്പം മരിച്ചു. 9-ാം നൂറ്റാണ്ടിലെ ചരിത്രകാരനായ അൽ-ബലദുരിയുടെ അഭിപ്രായത്തിൽ, അദ്ദേഹത്തിന് 69 വയസ്സായിരുന്നു, അതേസമയം 13-ാം നൂറ്റാണ്ടിലെ ചരിത്രകാരനായ ഇബ്നു അൽ-അതിർ 67-ാം വയസ്സിലാണ് മരിച്ചതെന്നാണ് എഴുതിയത്..

ഇതും കാണുക

• ഏഴാം നൂറ്റാണ്ടിൽ ലബനോൻ സന്ദർശിച്ച സഹാബികൾ

ഗ്രന്ഥസൂചി

• Bosworth, C. E. (1997). "Shuraḥbīl b. Ḥaṣana". In Bosworth, C. E.; van Donzel, E.; Heinrichs, W. P.; Lecomte, G. (eds.). The Encyclopaedia of Islam, New Edition, Volume IX: San–Sze. Leiden: E. J. Brill. ISBN 90-04-10422-4. {{cite encyclopedia}}: Invalid |ref=harv (help)
• Donner, Fred M. (1981). The Early Islamic Conquests. Princeton: Princeton University Press. ISBN 978-1-4008-4787-7.
• Perlman, Yaara (April 2020). "The Tribal Affiliations of Shuraḥbīl ibn Ḥasana". Journal of Near Eastern Studies. 79 (1): 113–124. doi:10.1086/707614. S2CID 216474831.