ശരണ്യ ശശി

ശരണ്യ ശശി
പൗരത്വം	ഇന്ത്യൻ
സജീവ കാലം	2003–2018
ജീവിതപങ്കാളി	ബിനു ​ (m. 2014)​
രക്ഷിതാവ്	ഗീത(അമ്മ)
ബന്ധുക്കൾ	ശോണിമ ശശി(സഹോദരി) ശരൻ(സഹോദരൻ)

മലയാളം ടെലിവിഷൻ പരമ്പരകളിലും ചലച്ചിത്രങ്ങളിലും ശ്രദ്ധേയമായ വേഷങ്ങളിൽ തിളങ്ങളിയ താരമാണ് ശരണ്യ ശശി (1986 – 2021). തമിഴ് ടെലിവിഷൻ പരമ്പരകളിലും സജീവമായിരുന്നു ശരണ്യ എന്ന മലയാളി പെൺകുട്ടി. 2021 ഓഗസ്റ്റ് 9-ന് ശരണ്യ ഈ ലോകത്തോട് വിട പറഞ്ഞു, കാൻസർ ബാധിതയായി ഏറെ നാൾ ചികിത്സയിലായിരുന്നു. ടെലിവിഷൻ സിനിമാ താരം സീമ ജി. നായർ ശരണ്യയുടെ കാൻസർ പോരാട്ടത്തിൽ അനവധിയായ സഹായങ്ങൾ ചെയ്തിട്ടുണ്ട്.

വ്യക്തി ജീവിതം

ശരണ്യ കണ്ണൂർ പഴയങ്ങാടി സ്വദേശിനിയാണ്. കണ്ണൂർ ജില്ലയിലെ ജവഹർ നവോദയ വിദ്യാലയത്തിൽ നിന്നാണ് ശരണ്യ 6 മുതൽ 8 വരെയുള്ള ക്ലാസുകൾ പൂർത്തിയാക്കിയത്.തുടർന്ന് കാലിക്കറ്റ് യൂണിവേഴ്സിറ്റിയിൽ നിന്ന് ഇംഗ്ലീഷ് സാഹിത്യത്തിൽ ബിരുദം പൂർത്തിയാക്കി. ശരണ്യ തൻ്റെ അമ്മ ഗീതയോടൊപ്പമാണ് താമസിച്ചിരുന്നത്. പഠിക്കാൻ മിടുക്കി ആയിരുന്നുവെങ്കിലും കുടുംബ പ്രാരാബ്ധങ്ങൾ മൂലം ശരണ്യ അഭിനയം തിരഞ്ഞെടുത്തു. ശരണ്യയ്ക്ക് രണ്ട് സഹോദരങ്ങളാണുള്ളത് – ശോണിമയും, ശരണും. ശോണിമ ഒരു കേന്ദ്ര സർക്കാർ ഉദ്യോഗസ്ഥയാണ്. 2014 ൻ ശരണ്യ ബിനു സേവിയർ എന്ന വ്യക്തിയെ വിവാഹം ചെയ്തു, എന്നാൽ പിന്നിട് ഇവർ ബന്ധം വേർപിരിഞ്ഞു. കാൻസർ പിടിപ്പെട്ട ശരണ്യയെ തളരാതെ കൈപിടിച്ച് നടത്തിയത് അവരുടെ അമ്മയും, നടി സീമ ജി നായരുമാണ്. കോവിഡ് കാലത്ത് തൻ്റെയും കുടുംബത്തിൻ്റെയും വിശേഷങ്ങൾ ശരണ്യ സ്വന്തം യൂട്യൂബ് ചാനൽ വഴി പങ്കുവെച്ചിരുന്നു. സീമ ജി നായരുടെയും, നല്ലവരായ പലരുടെയും സഹായത്താൽ ശരണ്യയ്ക്കും അമ്മയ്ക്കും "സ്നേഹസീമ" എന്ന കൊച്ചുവീട് ലഭിച്ചു. ശരണ്യയുടെ മരിക്കാത്ത ഓർമ്മകളുമായി അമ്മ ഗീതയും, കൊച്ചു ''സ്‌നേസീമയും'', സീമ ജി നായരും ആവശേഷിക്കുന്നു.

രോഗവവും മരണവും

2012–ൽ, ശരണ്യയെ മാരകമായ ഒരു ബ്രെയിൻ ട്യൂമർ ബാധിച്ചിട്ടുണ്ടൈന് ഡോക്ടർമാർ കണ്ടെത്തി. ആരോഗ്യ പ്രശ്നങ്ങളെ തുടർന്ന് ശരണ്യയ്ക്ക് അഭിനയത്തിൽ നിന്ന് വിട്ടു നില്ക്കേണ്ടി വന്നു. 2021 മെയ് മാസത്തിൽ, കോവിഡ്-19 പിടിപെട്ട ശരണ്യയെ ആശുപത്രിയിൽ പ്രവേശിപ്പിച്ചു. ഇത് അവരുടെ ആരോഗ്യത്തെ മോശമായി ബാധിച്ചു.

2021 ഓഗസ്റ്റ് 9-ന് തിരുവനന്തപുരത്തെ ഒരു സ്വകാര്യ ആശുപത്രിയിൽ ചികിത്സയിലിരിക്കെ ശരണ്യ മരണപ്പെട്ടു. മലയാളം ടെലിവിഷൻ പ്രേഷകർക്കിടയിൽ ഒരു തീരാ നൊമ്പരമായി മാറിയിരുന്നു ശരണ്യയുടെ മരണം. താരങ്ങൾ, മാധ്യമങ്ങൾ, പ്രമുഖർ എന്നിവർ ശരണ്യയുടെ മരണത്തിൽ അനുശോചനം അറിയിച്ചിരുന്നു.

അഭിനയ ജീവിതം

2006–ൽ ബാലചന്ദ്ര മേനോൻ സംവിധാനത്തിൽ ദൂരദർശൻ സംപ്രേഷണം ചെയ്തത സൂര്യോദയം എന്ന പരമ്പരയിലൂടെയാണ് ശരണ്യ തന്റെ അഭിനയ ജീവിതം ആരംഭിച്ചത്. ചാക്കോ രണ്ടാമൻ (2006) എന്ന ചിത്രത്തിലൂടെ മലയാളത്തിലും, പച്ചൈ എങ്ങിര കാത്ത് (2012) എന്ന ചിത്രത്തിലൂടെ തമിഴിലും അരങ്ങേറ്റം നടത്തി. മലയാള ചലച്ചിത്രങ്ങളായ ഛോട്ടാ മുംബൈ (2007), അലി ഭായ് (2007), തലപ്പാവ് (2008) , ബോംബെ മാർച്ച് 12 (2011), ആൻമരിയ കലിപ്പിലാണ് (2016) എന്നിവയിൽ ശരണ്യ ഭാഗമായിട്ടുണ്ട്. സ്വാമി അയ്യപ്പൻ, കൂട്ടുകാരി, രഹസ്യം, ഹരിചന്ദനം, അവകാശങ്ങൾ, മാലാഖമാർ, കറുത്തമുത്ത് തുടങ്ങിയ ജനപ്രിയ ടെലിവിഷൻ പരമ്പരകളിലും അഭിനയിച്ചിട്ടുണ്ട്.

ചലച്ചിത്രങ്ങൾ

വർഷം	ചലച്ചിത്രം	കഥാപാത്രം	ഭാഷ	കുറിപ്പ്
2005	മാണിക്യൻ	ചന്ദ്രലേഖ	മലയാളം
2006	ചാക്കോ രണ്ടാമൻ	അന്ന
2007	ഛോട്ടാ മുംബൈ	ഷെറിൻ
	അലിഭായ്	കിങ്ങിണിയുടെ സഹോദരി
2008	തലപ്പാവ്	ബിന്ദു
2009	മുത്തു മുത്തു ഷെഹനായി	കാമുകി		ആൽബം
	ഫാത്തിമ ബീവി	മുൻനിര		ആൽബം
2011	അഴക്കടൽ	നർത്തകി
	ബോംബെ മാർച്ച് 12	ആമിന
	ദ ഹാർട്ട്	അമ്മ		ആൽബം
2012	പച്ചൈ എങ്കിറ കാത്ത്	തമിഴ്സെൽവി & മുത്തുസെൽവി	തമിഴ്	ഇരട്ട വേഷം ദേവദായ് ആയി ക്രെഡിറ്റ് ചെയ്തു
2016	രാരീരം	അമ്മ	മലയാളം	ആൽബം
	ആൻമരിയ കലിപ്പിലാണ്	ടീച്ചർ

ടെലിവിഷൻ

വർഷം	പരിപാടി	ചാനൽ	കഥാപാത്രം	ഭാഷ	കുറിപ്പ്
2003	സൂര്യോദയം	ദൂരദർശൻ		മലയാളം	ആദ്യ മലയാള പരമ്പര
	അഗ്നിസാക്ഷി
2004	മൈഥിലി		മൈഥിലി	തമിഴ്	ആദ്യ തമിഴ് പരമ്പര
2005	ഈ തണലിൽ	സൂര്യ ടിവി		മലയാളം
	രാധാമാധവം
2006	മന്ത്രകോടി	ഏഷ്യാനെറ്റ്
	സ്വാമി അയ്യപ്പൻ		വേദവതി
2006 – 2007	കായംകുളം കൊച്ചുണ്ണി	സൂര്യ ടിവി
2008	ശ്രീ മഹാഭാഗവതം	ഏഷ്യാനെറ്റ്	അവന്തിക
	കാണാക്കുയിൽ		സിന്ധൂരി
2008– 2009	കൂട്ടുകാരി	സൂര്യ ടിവി	സൂര്യ
2009	ഭാമിനി തോല്ക്കാറില്ല	ഏഷ്യാനെറ്റ്	രേണു
2009 – 2010	രഹസ്യം		ഭാമ
2010 – 2012	ഹരിചന്ദനം		ഭാമ മഹാദേവൻ
2010	സ്വാമി അയ്യപ്പൻ ശരണം		മഹാറാണി ഗൗരി
	ഭദ്ര	സൂര്യ ടിവി	ആൻമേരി
2011	സ്വാമിയേ ശരണമയ്യപ്പ
	സരിഗമ	ഏഷ്യാനെറ്റ്	മത്സരാർത്ഥി
2011–12	അവകാശികൾ	സൂര്യ ടിവി	അഞ്ജലി
2012	കനൽപ്പൂവ്	ജീവൻ ടിവി	അമൃത
	മാലാഖാമർ	മഴവിൽ മനോരമ
	സ്വാതി	ജെമിനി ടിവി	സ്വാതി	തെലുങ്ക്	ആദ്യ തെലുങ്ക് പരമ്പര
2013	ദൈവം തന്ത വീട്	സ്റ്റാർ വിജയ്	സീത റാം ചക്രവർത്തി	തമിഴ്
	വാർത്താപ്രഭാതം	ഏഷ്യാനെറ്റ് ന്യൂസ്	അതിഥി	മലയാളം
	ഇതലുകൾ രൂപി		അതിഥി
2014–15	കറുത്തമുത്ത്	ഏഷ്യാനെറ്റ്	കന്യ
2015 - 2016	മാനസ മൈന	കൈരളി ടിവി	മാനസ
2016	മിഴിനീർപൂക്കൾ
	സ്മാർട്ട് ഷോ	ഫ്‌ളവേഴ്‌സ് ടിവി	മത്സരാർത്ഥി
2017	മലയാളി ദർബാർ	അമൃത ടിവി	അതിഥി
2018	സൂപ്പർ ജോഡി	സൂര്യ ടിവി	മത്സരാർത്ഥി		റിയാലിറ്റി ഷോ
	സീത	ഫ്ളവേഴ്സ് ടിവി	വൈദേഹി
2020	പുലർവേള	മനോരമ ന്യൂസ്	അതിഥി
2021	സിറ്റിലൈറ്റ്സ് - ശരണ്യാസ് വ്ലോഗ്	യൂട്യൂബ്	അവതാരക