വേൾഡ് ഫ്ലോറ ഓൺ‌ലൈൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
വേൾഡ് ഫ്ലോറ ഓൺ‌ലൈൻ
പ്രമാണം:WorldFloraOnline.png
വിഭാഗം
വിജ്ഞാനകോശം
ലഭ്യമായ ഭാഷകൾഇംഗ്ലീഷ്
സൃഷ്ടാവ്(ക്കൾ)ക്യൂ ഗാർഡൻസും മിസ്സൗറി ബൊട്ടാണിക്കൽ ഗാർഡനും
യുആർഎൽWorld Flora Online
ആരംഭിച്ചത്ഒക്ടോബർ 2012

ലോകത്തിലെ സസ്യജാലങ്ങളുടെ ഒരു ഇന്റർനെറ്റ് അധിഷ്ഠിത സമാഹാരമാണ് വേൾഡ് ഫ്ലോറ ഓൺ‌ലൈൻ.

വിവരണം[തിരുത്തുക]

2020 ഓടെ അറിയപ്പെടുന്ന എല്ലാ സസ്യങ്ങളുടെയും ഒരു ഓൺലൈൻ ഡാറ്റാബേസ് പ്രസിദ്ധീകരിക്കുകയെന്ന ലക്ഷ്യത്തോടെ പ്ലാന്റ് ലിസ്റ്റിലേക്കുള്ള തുടർപദ്ധതിയായി 2012 ഒക്ടോബറിൽ ആരംഭിച്ച ഓപ്പൺ ആക്സസ് ഡാറ്റാബേസാണ് വേൾഡ് ഫ്ലോറ ഓൺ‌ലൈൻ (WFO).[1] ഇത് 2020 ഓടെ ലോകമെമ്പാടുമുള്ള സസ്യജാലങ്ങളുടെ നഷ്ടം തടയുകയെന്ന ലക്ഷ്യത്തോടെയുള്ള ഐക്യരാഷ്ട്രസഭയുടെ ജൈവ വൈവിധ്യ കൺവെൻഷന്റെ ഒരു പദ്ധതിയാണ്. 2011-2020 ലെ ഗ്ലോബൽ സ്ട്രാറ്റജി ഫോർ പ്ലാന്റ് കൺസർവേഷൻ (GSPC) അപ്‌ഡേറ്റ് ചെയ്ത ടാർഗെറ്റ് 1: “അറിയപ്പെടുന്ന എല്ലാ സസ്യങ്ങളുടെയും ഓൺലൈൻ ഡാറ്റാബേസ്” നിർമ്മിക്കുന്നതിനായി ലോകമെമ്പാടുമുള്ള ഒരു കൂട്ടം സ്ഥാപനങ്ങളാണ് ഇത് വികസിപ്പിച്ചിരിക്കുന്നത്.

അറിയപ്പെടുന്ന എല്ലാ സസ്യജാലങ്ങളുടെയും ആക്സസ് ചെയ്യാവുന്ന ഡാറ്റാബേസ് സസ്യസംരക്ഷണത്തിന്റെ അടിസ്ഥാന ആവശ്യമായി കണക്കാക്കിക്കൊണ്ടാണ് ഇത് നിർമ്മിക്കുന്നത്. ഇതിന്റെ മറ്റുലക്ഷ്യങ്ങൾ കൈവരിക്കുന്നതിനും നിരീക്ഷിക്കുന്നതിനും ഇത് ഒരു അടിസ്ഥാനം നൽകുന്നു. 2010 ൽ ദി പ്ലാന്റ് ലിസ്റ്റ് നിർമ്മിച്ചതോടെ ജി‌എസ്‌പി‌സിയുടെ മുമ്പത്തെ ലക്ഷ്യം നേടി.[2][3] മിസോറി ബൊട്ടാണിക്കൽ ഗാർഡൻ, ന്യൂയോർക്ക് ബൊട്ടാണിക്കൽ ഗാർഡൻ, റോയൽ ബൊട്ടാണിക്കൽ ഗാർഡൻ എഡിൻബർഗ്, റോയൽ ബൊട്ടാണിക്കൽ ഗാർഡൻ, ക്യൂ തുടങ്ങിയ നാല് സ്ഥാപനങ്ങളുടെ പ്രാരംഭസംഘം 2012 ൽ ഡബ്ല്യുഎഫ്ഒ ആവിഷ്കരിച്ചു.[4] ഇതിന്റെ നിർമ്മാണത്തിൽ 36 സ്ഥാപനങ്ങൾ ഏർപ്പെട്ടിരിക്കുന്നു.[3]

അവലംബം[തിരുത്തുക]

ഗ്രന്ഥസൂചി[തിരുത്തുക]

  • Miller, Chuck; Ulate, William (23 August 2017). "World Flora Online Project: An online flora of all known plants". Proceedings of Taxonomic Databases Working Group (TDWG). 1: e20529. doi:10.3897/tdwgproceedings.1.20529.
  • "World Flora Online: An international initiative of the Global Partnership for Plant Conservation". The World Flora Online Consortium. Retrieved 6 November 2019.
  • "World Flora Online". Plant Science. Missouri Botanical Garden. Retrieved 6 November 2019.
  • "The Plant List". Royal Botanic Gardens, Kew; Missouri Botanical Garden. 2013. Archived from the original on 2019-05-23. Retrieved 6 November 2019., see also The Plant List
"https://ml.wikipedia.org/w/index.php?title=വേൾഡ്_ഫ്ലോറ_ഓൺ‌ലൈൻ&oldid=3986200" എന്ന താളിൽനിന്ന് ശേഖരിച്ചത്