വെല്ലിങ്ടൺ ഐലൻഡ്
വെല്ലിങ്ടൺ ദ്വീപ് | |
|---|---|
ദ്വീപ് | |
 തുറമുഖത്തേയ്ക്കു നയിക്കുന്ന പാത | |
| Country |  ഇന്ത്യ |
| State | കേരളം |
| സ്ഥാപകൻ | Robert Bristow[1] |
| പ്രശസ്തം | ലോർഡ് വില്ലിംഗ്ഡൺ |
| സർക്കാർ | |
| • ഭരണസമിതി | കൊച്ചി മുനിസിപ്പൽ കോർപ്പറേഷൻ |
| വിസ്തീർണ്ണം | |
• ആകെ | 314 ഹെ (775 ഏക്കർ) |
| ഉയരം | 4 മീ (13 അടി) |
| ജനസംഖ്യ (2020) | |
• ആകെ | 17,224 |
| • ജനസാന്ദ്രത | 2,099/ച.കി.മീ. (5,440/ച മൈ) |
| Languages | |
| • Official | മലയാളം, ഇംഗ്ലീഷ് |
| സമയമേഖല | UTC+5:30 (IST) |
| PIN | 682003 |
| Nearest city | കൊച്ചി |
കൊച്ചി തുറമുഖം സ്ഥിതി ചെയ്യുന്ന ഇന്ത്യയിലെ ഏറ്റവും വലിയ മനുഷ്യനിർമ്മിത ദ്വീപാണ് കൊച്ചി നഗരത്തിന്റെ ഭാഗമായ വെല്ലിങ്ടൺ ഐലന്റ്. നിലവിലുള്ള വില്ലിംഗ്ഡൺ ദ്വീപിന്റെ ഭൂരിഭാഗവും വേമ്പനാട് കായലിൽ നിന്ന് നികത്തിയെടുത്തതാണ്. മുമ്പ് നിലവിലുണ്ടായിരുന്നതും എന്നാൽ തീരെ ചെറുതും പ്രകൃതിദത്തവുമായ ഒരു ദ്വീപിന് ചുറ്റും ഡ്രഡ്ജ് ചെയ്ത മണ്ണിട്ട് നികത്തിയെടുക്കുകയായിരുന്നു. കൊച്ചി തുറമുഖത്ത് വലിയ കപ്പലുകൾ വരുന്നതിനുവേണ്ടി കൊച്ചി കായലിന് ആഴം കൂട്ടാനായി എടുത്ത മണ്ണും ചെളിയും നിക്ഷേപിച്ചാണ് ഈ ദ്വീപ് ഉണ്ടാക്കിയിരിക്കുന്നത്. ഇന്ത്യയിലെ ബ്രിട്ടീഷ് വൈസ്രോയിയായിരുന്ന വില്ലിങ്ടൻ പ്രഭുവിന്റെ പേരിലാണ് ഈ ദ്വീപ് അറിയപ്പെടുന്നത്.
1920-കളിൽ, ദ്വീപിന്റെ രൂപവത്കരണത്തിലേയ്ക്ക് നയിച്ച തുറമുഖ വികസനത്തിന് നേതൃത്വം കൊടുത്തത് ബ്രിട്ടീഷുകാരനായ റോബർട്ട് ബ്രിസ്റ്റോ എന്ന എഞ്ചിനീയർ ആയിരുന്നു. 1929-ൽ അവസാനിച്ച മൂന്നു പ്രവൃത്തി സീസണുകളിൽ, തുറമുഖത്തെ ആഴക്കടലുമായി ബന്ധിപ്പിച്ചുകൊണ്ട് 450 അടി വീതിയിലും മൂന്നര മൈൽ നീളത്തിലും ഒരു കടല്പാത നിർമ്മിച്ചപ്പോൾ എടുത്തുമാറ്റിയ മണ്ണാണ് 780 ഏക്കർ വിസ്താരമുള്ള ദ്വീപിനു രൂപം കൊടുത്തത്. ഇതിന് നിയോഗിച്ച മണ്ണുമാന്തിക്കപ്പലുകളിൽ (Suction Dredger) ഏറ്റവും പ്രധാനമായിരുന്നത് "ലേഡി വെല്ലിംഗ്ടൻ" എന്ന കപ്പലാണ്. വേഗത്തിലും, കാര്യക്ഷമതയിലും, പ്രവർത്തനദൈർഘ്യത്തിലും അത് ഒരു ലോകറെക്കോർഡ് തന്നെ സ്ഥാപിച്ചതായി പറയപ്പെടുന്നു.[2]
കൊച്ചി ഹാർബർ ടെർമിനസ് എന്ന കൊച്ചി റെയിൽവേ സ്റ്റേഷൻ, കൊച്ചി നാവിക താവളം, ഇന്ത്യൻ നാവികസേനയുടെ ദക്ഷിണ നാവിക കമാൻഡ്, പ്ലാന്റ് ക്വാറന്റൈൻ സ്റ്റേഷൻ, കൊച്ചിയിലെ കസ്റ്റം ഹൗസ്, ഇന്ത്യൻ കൗൺസിൽ ഓഫ് അഗ്രികൾച്ചറൽ റിസർച്ചിന്റെ ഒരു ഘടകമായ സെൻട്രൽ ഇൻസ്റ്റിറ്റ്യൂട്ട് ഓഫ് ഫിഷറീസ് ടെക്നോളജി എന്നിവ ഈ ദ്വീപിലാണ് സ്ഥിതി ചെയ്യുന്നത്. ടാജ് മലബാറിന്റെ പഞ്ചനക്ഷത്ര ഹോട്ടലും ഈ ദ്വീപിൽ സ്ഥിതി ചെയ്യുന്നു. കൊച്ചി നഗരത്തെ സംബന്ധിച്ചിടത്തോളം ജനവാസം കുറഞ്ഞ ഈ ദ്വീപിൽ കൊച്ചി കസ്റ്റംസിന്റെ ഉദ്യോഗസ്ഥരുടെ ഔദ്യോഗികവസതികളും വിനോദസഞ്ചാരികൾക്കായുള്ള ഹോട്ടലുകളുമാണ് അധികമായിട്ടുള്ളത്.
ലക്ഷദ്വീപിലേയ്ക്ക് കൊച്ചിയിൽ നിന്ന് പോകുന്ന യാത്രാക്കപ്പലുകൾ പുറപ്പെടുന്നത് ഈ ദ്വീപിൽ നിന്നാണ്. ലക്ഷദ്വീപ് വിനോദസഞ്ചാരവിഭാഗമായ സ്പോർട്ട്സിന്റെ (സൊസൈറ്റി ഫോർ പ്രമോഷൻ ഓഫ് നാച്ചുർ ടൂറിസം ആന്റ് സ്പോർട്ട്സ്) [3] ഓഫീസ് ഈ ദ്വീപിലാണ് പ്രവർത്തിക്കുന്നത്.
തുറമുഖവുമായി ബന്ധപ്പെട്ട മറ്റ് സ്ഥാപനങ്ങൾക്കും ഈ ദ്വീപ് ആസ്ഥാനമാണ്, അതായത് കൊച്ചി തുറമുഖത്തെ നിയന്ത്രിക്കുന്ന കൊച്ചി പോർട്ട് ട്രസ്റ്റിന്റെ ഓഫീസ്, കസ്റ്റംസ് ഓഫീസ്, മെർക്കന്റൈൽ മറൈൻ ഡിപ്പാർട്ട്മെന്റ്, രണ്ട് ഡസനിലധികം കയറ്റുമതി-ഇറക്കുമതി ഓഫീസുകൾ, വെയർഹൗസുകൾ, ഏതാനും ഹോട്ടലുകൾ, ബിസിനസ് കേന്ദ്രങ്ങൾ എന്നിവയും കൊച്ചിൻ പോർട്ട് മാരിടൈം ഹെറിറ്റേജ് മ്യൂസിയവും ഈ ദ്വീപിലാണ് സ്ഥിതി ചെയ്യുന്നത്.[4]
ചരിത്രം
[തിരുത്തുക]കൊച്ചിയിൽ ഒരു പുതിയ തുറമുഖം വികസിപ്പിക്കുക എന്ന ആശയം ആദ്യം അവതരിപ്പിച്ചത്, അന്നത്തെ മദ്രാസ് പ്രസിഡൻസിയുടെ ഗവർണറായിരുന്ന വില്ലിംഗ്ഡൺ ആയിരുന്നു. അദ്ദേഹം ഇന്ത്യയുടെ പടിഞ്ഞാറൻ തീരത്ത് കൊച്ചിയിൽ ഒരു പുതിയ ആധുനിക തുറമുഖം സൃഷ്ടിക്കാൻ റോബർട്ട് ബ്രിസ്റ്റോവിനെ നിയമിച്ചു.
നിർമ്മാണം
[തിരുത്തുക]1936-ൽ ആധുനിക തുറമുഖത്തിന്റെ നിർമ്മാണ വേളയിലാണ് ഈ ദ്വീപ് സൃഷ്ടിക്കപ്പെട്ടത്. പുതിയ തുറമുഖം സ്ഥാപിക്കുന്നതിനായി വേമ്പനാട് തടാകത്തിന്റെ ആഴം കൂട്ടുന്നതിനിടയിൽ നീക്കം ചെയ് മണ്ണുകൊണ്ടാണ് ഇത് സൃഷ്ടിക്കപ്പെട്ടത്. പദ്ധതി കമ്മീഷൻ ചെയ്ത അന്നത്തെ ഇന്ത്യയിലെ വൈസ്രോയിയായിരുന്ന വില്ലിംഗ്ഡണിലെ ഒന്നാം പ്രഭുവിന്റെ പേരിലാണ് ഇത് അറിയപ്പെടുന്നത്. പദ്ധതിയുടെ മുഖ്യ നായകനും എഞ്ചിനീയറുമായ റോബർട്ട് ബ്രിസ്റ്റോവിന്റെ ഉടമസ്ഥതയിലായിരുന്നു ദ്വീപിലെ ആദ്യത്തെ കെട്ടിടം.
ബിബി ലൈൻ ഷിപ്പിംഗ് കമ്പനിയുടെ ഉടമസ്ഥതിയിലുള്ള ആദ്യ യാത്രാക്കപ്പൽ 1935 മാർച്ച് 9 ന് വെല്ലിങ്ടൺ ദ്വീപിൽ എത്തി. ദ്വീപിൽ വിശ്രമിക്കാൻ ആഗ്രഹിച്ച യാത്രക്കാർക്കായി മലബാർ ഹോട്ടൽ എന്ന പേരിൽ ഒരു തുറമുഖ ഹോസ്റ്റൽ നിർമ്മിക്കപ്പെട്ടു.
മുൻകൂട്ടി ആസൂത്രണം ചെയ്ത എല്ലാ അടിസ്ഥാന തുറമുഖ ഘടനയും രണ്ടാം ലോക മഹായുദ്ധത്തിന് തൊട്ടുമുമ്പ് 1939 ൽ പൂർത്തിയായി. ആഴത്തിലുള്ള ഒരു തുറമുഖം, ഒരു റെയിൽപ്പാലം, പ്രധാന കരയിലേക്ക് നയിക്കുന്ന ഒരു റോഡ് പാലം എന്നിവയുൾപ്പെടെ പ്രാദേശിക യുദ്ധ ശ്രമങ്ങൾക്ക് വിലപ്പെട്ട അടിസ്ഥാന സൗകര്യങ്ങൾ ഇവിടെ നിർമ്മിക്കപ്പെട്ടു.[5] തെക്ക് തൊട്ടടുത്തുള്ള വെണ്ടുരുത്തി ദ്വീപിൽ ഒരു നാവിക പ്രവർനങ്ങൾക്കുള്ള താവളവും നിർമ്മിക്കപ്പെട്ടു. യുദ്ധാവസാനത്തോടെ, ജപ്പാന്റെ അധിനിവേശത്തിനായി ബ്രിട്ടൻ തിരക്കിട്ട് ഒരു ലാൻഡിംഗ് ക്രാഫ്റ്റും നിർമ്മിച്ചു. 1940-ൽ ഹോട്ടലിനോട് ചേർന്ന് ഒരു പാസഞ്ചർ ജെട്ടിയും കസ്റ്റംസ് ഹൗസും ഒരു പാസഞ്ചർ പ്ലാറ്റ്ഫോമും റെയിൽ സൈഡിംഗും ഉൾപ്പെടെ നിർമ്മിക്കപ്പെട്ടു.
ബ്രിട്ടീഷ് സൈനിക ഉപയോഗം
[തിരുത്തുക]സൗകര്യപ്രദമായി സ്ഥിതി ചെയ്യുന്ന ഈ അചുംബിത പ്രദേശത്തിന്റെ പരന്ന വിസ്തൃതിയ്ക്ക് പെട്ടെന്ന് ഒരു ഉപയോഗം കണ്ടെത്തിയ റോയൽ എയർഫോഴ്സ് ഇവിടെ ഒരു വലിയ വ്യോമതാവളം നിർമ്മിച്ചു.[6] അങ്ങനെ ആ കൃത്രിമ ദ്വീപ് ഒരു അഭിവൃദ്ധി പ്രാപിച്ച സൈനിക താവളമായി മാറി. യുദ്ധകാലത്തെ എല്ലാ ജീവനക്കാർക്കും ക്വാർട്ടേഴ്സ് നൽകിത്തുടങ്ങിയ മലബാർ ഹോട്ടൽ, അതിനടുത്തായി ഒരു പുതിയ അഡ്മിനിസ്ട്രേറ്റീവ് ബ്ലോക്ക് സ്ഥാപിച്ചു. 1942 ഒക്ടോബർ 1-ന് റോയൽ നേവി ഇത് RAF-ൽ നിന്ന് ഏറ്റെടുക്കുകയും HMS ഗരുഡ എന്ന പേരിൽ വീണ്ടും കമ്മീഷൻ ചെയ്യുകയും ചെയ്തു. 1946 ഏപ്രിൽ 1-ന് ഡീകമ്മീഷൻ ചെയ്യുന്നതുവരെ 180 വിമാനങ്ങളെ ഉൾക്കൊള്ളാൻ ശേഷിയുള്ള ഒരു റോയൽ നേവി എയർക്രാഫ്റ്റ് റിപ്പയർ യാർഡായിരുന്നു ഇത്.[7] പുതിയ പോസ്റ്റ് ഓഫീസ്, ഹോട്ടലിനും ഓഫീസുകൾക്കുമിടയിൽ ഒരു ഓപ്പൺ എയർ നീന്തൽക്കുളം, രണ്ടിനോടും ചേർന്നുള്ള ഒരു ബ്രാഞ്ച് ബാങ്ക് എന്നീ സൗകര്യങ്ങളും പൂർത്തിയാക്കി.
1947 മുതൽ
[തിരുത്തുക]1947-ൽ ബ്രിട്ടീഷ് സാമ്രാജ്യം സ്വാതന്ത്ര്യം നേടിയപ്പോൾ ഗതാഗത കേന്ദ്രത്തിന്റെ നിയന്ത്രണം ഇന്ത്യയിലേക്ക് മാറ്റി.[8] അതിന്റെ ഹ്രസ്വമായ കൊളോണിയൽ ഭരണകാലത്ത് ദ്വീപ് പരമാവധി ഒരു ദശലക്ഷം ടൺ ചരക്ക് കൈകാര്യം ചെയ്യുകയും, 1960 ആയപ്പോഴേക്കും ഇത് ഇരട്ടിയായിത്തീരുകയും ചെയ്തു. ദ്വീപ് വിമാനത്താവളം വിപുലമായി വികസിപ്പിക്കപ്പെടുകയും നഗരത്തിലെ ആധുനിക സൈനിക-സിവിലിയൻ വിമാനത്താവളമായി മാറുകയും ചെയ്തു. കൊച്ചി നഗരത്തിന് 25 കിലോമീറ്റർ (16 മൈൽ) വടക്കുകിഴക്കായി നെടുമ്പാശ്ശേരിയിൽ[9] ഒരു അന്താരാഷ്ട്ര വിമാനത്താവളം നിർമ്മിക്കപ്പെട്ടപ്പോൾ, ദ്വീപ് വിമാനത്താവളത്തിന്റെ സിവിലിയൻ എൻക്ലേവ് അടച്ചുപൂട്ടി. വിമാനത്താവളം നാവിക വ്യോമതാവളമായ ഐഎൻഎസ് ഗരുഡയായി തുടരുന്നു. ദ്വീപിലെ ശേഷിച്ച സ്ഥലം 1950-കളിൽ വേഗത്തിൽ ഉപയോഗപ്പെടുത്തുകയും ബ്രിട്ടീഷുകാർ പൂർത്തീകരിച്ചയുടൻ തന്നെ ഉപേക്ഷിച്ചുപോയ ഇത് മനോഹരവും പുരാതന നഗരവുമായ കൊച്ചിയുടെ അസ്വാഭാവികമായ ഒരു അനുബന്ധമായിരിക്കുന്നതിനുപകരം, പുരാതന കൊച്ചി മഹാനഗരത്തിന്റെ ഒരു വാണിജ്യ ഹൃദയമായി മാറി.
എത്തിച്ചേരാൻ
[തിരുത്തുക]മട്ടാഞ്ചേരി, ഫോർട്ട് കൊച്ചി, വൈപ്പിൻ, മറൈൻ ഡ്രൈവ് എന്നിവിടങ്ങളിൽ നിന്നും എറണാകുളം ഹൈക്കോടതിയ്ക്കു സമീപമുള്ള ബോട്ട് ജട്ടിയിൽനിന്നും ഈ ദ്വീപിലേയ്ക്ക് ധാരാളം യാത്രാബോട്ടുകൾ മെട്രോ ബോട്ടുകളും ദിവസവും സർവീസ് നടത്തുന്നു. കൂടാതെ ഈ ദ്വീപിലേയ്ക്ക് ദേശീയപാതകളിൽ ഏറ്റവും ചെറിയ പാത എന്നറിയപ്പെടുന്ന ദേശീയപാത 47A (കുണ്ടന്നൂർ - വെല്ലിങ്ടൺ ഐലന്റ്) വഴിയും എത്തിച്ചേരാം. [10]
ചിത്രശാല
[തിരുത്തുക]
View from Willingdon Island.
Entry of Malabar Road at embarkation jetty of Willingdon Island
.jpg)
അവലംബം
[തിരുത്തുക]
- ↑ "Willingdon Island". www.keralatourism.org.
- ↑ കൊച്ചിയുടെ ഇതിഹാസവും റോബർട്ട് ബ്രിസ്റ്റോയും, കേരള ചരിത്രവും അതിന്റെ സ്രഷ്ടാക്കളും, എ.ശ്രീധരമേനോൻ (അദ്ധ്യായം 36 - പുറങ്ങൾ 236-41)
- ↑ "Society for Promotion of Nature Tourism and Sports - Lakshadweep Tourism". Archived from the original on 2009-03-03. Retrieved 2009-11-09.
- ↑ Chatterji, Adhar Kumar (1985). Naval aviation: a world history. Allied. p. 151.
- ↑ "Willingdon Island". Archived from the original on 2010-03-17. Retrieved 2017-05-08.
- ↑ "Willingdon Island". Archived from the original on 2010-03-17. Retrieved 2017-05-08.
- ↑ Chatterji, Adhar Kumar (1985). Naval aviation: a world history. Allied. p. 151.
- ↑ "Willingdon Island". Archived from the original on 2010-03-17. Retrieved 2017-05-08.
- ↑ cial.aero/
- ↑ "ആർക്കൈവ് പകർപ്പ്". Archived from the original on 2018-04-07. Retrieved 2009-11-12.