വി.വി. അബ്ദുല്ല സാഹിബ്
 | വിക്കിപീഡിയയുടെ ഗുണനിലവാരത്തിലും, മാനദണ്ഡത്തിലും എത്തിച്ചേരാൻ ഈ ലേഖനം വൃത്തിയാക്കി എടുക്കേണ്ടതുണ്ട്. ഈ ലേഖനത്തെക്കുറിച്ച് കൂടുതൽ വിശദീകരണങ്ങൾ നൽകാനാഗ്രഹിക്കുന്നെങ്കിൽ ദയവായി സംവാദം താൾ കാണുക. ലേഖനങ്ങളിൽ ഈ ഫലകം ചേർക്കുന്നവർ, ഈ താൾ വൃത്തിയാക്കാനുള്ള നിർദ്ദേശങ്ങൾ കൂടി ലേഖനത്തിന്റെ സംവാദത്താളിൽ പങ്കുവെക്കാൻ അഭ്യർത്ഥിക്കുന്നു. |
വി.വി. അബ്ദുല്ല സാഹിബ് | |
|---|---|
 വി.വി. അബ്ദുല്ല സാഹിബ് | |
| Genre | ഗവേഷണ പഠനം |
| വിഷയം | ഗോളശാസ്ത്രം, ഗണിതശാസ്ത്രം, സാമൂഹ്യം, തത്വ ശാസ്ത്രം, മതം, ഭൗതികശാസ്ത്രം, ബഹുഭാഷാ വിദഗ്ദ്ധൻ |
ഗോളശാസ്ത്രം, ഗണിതശാസ്ത്രം, സാമൂഹ്യം, തത്വ ശാസ്ത്രം, മതം, ഭൗതികശാസ്ത്രം, തുടങ്ങിയ വിഷയങ്ങളിൽ നിരവധി ഗ്രന്ഥങ്ങൾ രചിച്ച എഴുത്തുകാരനാണ് വി. വി. അബ്ദുല്ല സാഹിബ്.[1]
ജീവിത രേഖ[തിരുത്തുക]
വലിയകത്ത് വീരാവു - ഹലീമ ദമ്പതികളുടെ മകൻ. ജനനം, 1920 ജൂൺ 20 ന് തൃശൂർ ജില്ലയിലെ പെരിഞ്ഞനത്ത്. ഹൈസ്കൂൾ - കോളേജ് വിദ്യാഭ്യാസം തൃശ്ശൂരിൽ പത്താം തരം പൊതു പരീക്ഷയിൽ മലയാള ഭാഷയിലെ ഉയർന്ന മാർക്കിന് സ്വർണ്ണ മെഡൽ പുരസ്‌കാരം ലഭിച്ചിരുന്നു.[2] മലയാളം, ഇംഗ്ലീഷ്, അറബിക്, ഉറുദു, തെലുങ്കു, കന്നഡ, സംസ്‌കൃതം, ഹിന്ദി എന്നി ഭാഷകള് അനായാസം കൈകാര്യം ചെയ്യുകയും അനേകം പുസ്തകങ്ങൾ പ്രസിദ്ധീകരിച്ചിട്ടും ഉണ്ട്. 2008 ഏപ്രിൽ 15 ന് അന്തരിച്ചു. അന്ത്യവിശ്രമം പെരിഞ്ഞനം ജമുഅത്ത്‌ പളളി ഖബർസ്ഥാനിൽ
പ്രവർത്തന മേഖലകൾ[തിരുത്തുക]
ഗോള ശാസ്ത്രം, ഗണിത ശാസ്ത്രം, മതം, സമൂഹം, തത്വ ശാസ്ത്രം, ഭൗതിക ശാസ്ത്രം, തുടങ്ങിയ വൈവിധ്യ മാർന്ന വിഷയങ്ങളിൽ നാല്പതോളം ഗ്രന്ഥങ്ങൾ പ്രസിദ്ധീകരിച്ചിട്ടുണ്ട് അറുനൂറിലധികം പുറങ്ങൾ വരുന്ന വിസ്തൃത ഗോളശാസ്ത്രം ഈ വിഷയത്തിൽ മലയാളത്തിൽ പ്രസിദ്ധീകരിക്കപ്പെടുന്ന ആദ്യത്തെ ആധികാരിക ഗ്രന്ഥമാണ്. [3] ആനുകാലികങ്ങളിൽ നിരവധി ലേഖനങ്ങളും പ്രസിദ്ധീകരിച്ചിട്ടുണ്ട്. ഇനിയും പ്രസിദ്ധീകരി ക്കപ്പെടാത്ത കൈയെഴുത്തു കൃതികൾ ഏറെയാണ്. കൂടാതെ ഒട്ടനവധി അറബി കവിതകളും, തമിഴിൽ നിന്നും തിരുക്കുറളും മലയാളത്തിലേക്ക് പദ്യ രൂപത്തിൽ പരിഭാഷ പെടുത്തിയിട്ടുണ്ട്. പുസ്തക പ്രസാധനത്തിന് കേരള / തമിഴ് നാട് സർക്കാരുകളുടെ ധനസഹായം ലഭിച്ചിരുന്നു[അവലംബം ആവശ്യമാണ്]. അറിയപ്പെടുന്ന പ്രഭാഷകനും ആയിരുന്നു. "സാഗര മേള" എന്ന നോവൽ രചിചിട്ടുണ്ട്. കേരളത്തിലെ മത - ശാസ്ത്ര വൈജ്ഞാനിക സംവാദ രംഗത്തെ സജീവമായിരുന്നു. ഖുർആൻ - ശാസ്ത്ര സെമിനാറുകളിൽ വളരെക്കാലം ക്ഷണിതാവായിരുന്നു.
ഗ്രന്ഥങ്ങൾ[തിരുത്തുക]
- അറിവില്ലാത്തവൻ ഭാഗ്യവാൻ
- ചരിത്രവും കർമ്മശാസ്ത്രവും മദ്ഹബും
- താബിഈ കേരളത്തിൽ
- പറയപ്പെടാത്ത വസ്തുതകൾ
- പരിവർത്തനം - ധർമ്മോപദേശ കഥ
- ദിവ്യാഗമനത്തിന്റെ മണിനാദം
- മതം മയക്കുന്നു മനുഷ്യൻ മയങ്ങുന്നില്ല
- നിസ്കാരം
- പുരാതന അറബി രാജ്യ ഭരണം
- സഞ്ചാരി യാത്ര 6
- സഞ്ചാരി യാത്ര 3
പുറത്തേക്കുള്ള കണ്ണികൾ[തിരുത്തുക]
Media related to Category:V. V. Abdulla Sahib at Wikimedia Commons- https://archive.org/search?query=creator%3A%22V.+V.+Abdulla+Sahib%22
- https://abdullasahib.info/
