വിർജീനിയ മായോ

വിർജീനിയ മായോ
Mayo in the 1950s
ജനനം	വിർജീനിയ ക്ലാര ജോൺസ് (1920-11-30)നവംബർ 30, 1920 സെൻറ്. ലൂയിസ്, മിസോറി, യു.എസ്.
മരണം	ജനുവരി 17, 2005(2005-01-17) (പ്രായം 84) ലോസ് ആഞ്ചലസ്, കാലിഫോർണിയ, യു.എസ്.
അന്ത്യ വിശ്രമം	വാലി ഓക്സ് മെമ്മോറിയൽ പാർക്ക്
തൊഴിൽ	നടി, നർത്തകി
സജീവ കാലം	1937–1997
രാഷ്ട്രീയ കക്ഷി	റിപ്പബ്ലിക്കൻ
ജീവിതപങ്കാളി(കൾ)	Michael O'Shea ​ ​ (m. 1947; died 1973)​
കുട്ടികൾ	1

വിർജീനിയ മായോ (ജനനം: വിർജീനിയ ക്ലാര ജോൺസ്; നവംബർ 30, 1920 - ജനുവരി 17, 2005) ഒരു അമേരിക്കൻ നടിയും നർത്തകിയുമായിരുന്നു. ഡാനി കെയ്‌ക്കൊപ്പം കോമഡി ചിത്രങ്ങളുടെ ഒരു പരമ്പരയിൽത്തന്നെ അഭിനയിച്ച അവർ 1940-കളുടെ അവസാനത്തിൽ വാർണർ ബ്രദേഴ്‌സിന്റെ ഏറ്റവും വലിയ ബോക്‌സ് ഓഫീസ് ധനാഗമ മാർഗ്ഗമായിരുന്നു. 1946-ൽ ഓസ്‌കാർ അവാർഡ് നേടിയ ദി ബെസ്റ്റ് ഇയേഴ്‌സ് ഓഫ് ഔർ ലൈവ്‌സ്, വൈറ്റ് ഹീറ്റ് (1949) എന്നീ സിനിമകളിലും അവർ അഭിനയിച്ചു.

ആദ്യകാലം

മിസോറിയിലെ സെന്റ് ലൂയിസിൽ വിർജീനിയ ക്ലാര ജോൺസ് എന്ന പേരിൽ ജനിച്ച അവർ പത്ര റിപ്പോർട്ടർ ലൂക്കിന്റെയും അദ്ദേഹത്തിൻറ ഭാര്യ മാർത്ത ഹെൻറിയറ്റ (മുമ്പ്, റൗട്ടെൻസ്ട്രാച്ച്) ജോൺസിന്റെയും മകളായിരുന്നു. 1797-ൽ ഇല്ലിനോയിയിലെ ഈസ്റ്റ് സെന്റ് ലൂയിസ് സ്ഥാപിച്ച മുതുമുത്തച്ഛൻ ക്യാപ്റ്റൻ ജെയിംസ് പിഗ്ഗോട്ട് ഉൾപ്പെടെ, സെന്റ് ലൂയിസിന്റെ ആദ്യകാലങ്ങളിലും അവരുടെ കുടുംബത്തിന് വേരുകളുണ്ടായിരുന്നു. ബാല്യകാലത്ത് വിർജീനിയയുടെ അമ്മായി സെന്റ് ലൂയിസ് ഏരിയയിൽ നടത്തിയിരുന്ന ഒരു നാട്യ വിദ്യാലയത്തിൽ ആറാം വയസ്സിൽ വിർജീനിയ പങ്കെടുക്കാൻ തുടങ്ങി. അവരുടെ അമ്മായിയുടെ നാട്യ വിദ്യാലയത്തിലെ നൃത്ത പരിശീലകരുടെ ഒരു പരമ്പര അവർക്ക് പരിശീലനം നൽകി.