വിവേകാനന്ദ സേതു

Coordinates: 22°39′11″N 88°21′12″E / 22.65319°N 88.35326°E / 22.65319; 88.35326
വിക്കിപീഡിയ, ഒരു സ്വതന്ത്ര വിജ്ഞാനകോശം.
വിവേകാനന്ദ സേതു
വിവേകാനന്ദ സേതു
Coordinates22°39′11″N 88°21′12″E / 22.65319°N 88.35326°E / 22.65319; 88.35326
CarriesRail cum Road bridge
Crossesഹൂഗ്ലി നദി
Localeബാല്ലി-ദക്ഷിണേശ്വർ
സവിശേഷതകൾ
MaterialSteel and Stone
മൊത്തം നീളം2,960 feet (900 m)
ചരിത്രം
തുറന്നത്1930

പശ്ചിമ ബംഗാളിലെ ഹൂഗ്ലി നദിക്ക് കുറുകെയുള്ള പാലമാണ് വിവേകാനന്ദ സേതു. ഇത് വില്ലിംഗ്ഡൺ ബ്രിഡ്ജ് എന്നും ബാലി ബ്രിഡ്ജ് എന്നും അറിയപ്പെടുന്നു. ഹൗറ നഗരത്തെ ഇത് ദക്ഷിണേശ്വറിൽ അതിന്റെ ഇരട്ട നഗരവുമായി ബന്ധിപ്പിക്കുന്നു. 1930 ഡിസംബർ 12-ന് നിർമ്മാണം പൂർത്തീകരിച്ച് 1930 ഡിസംബർ 28-ന് തുറന്നു നൽകപ്പെട്ട ഇത് ഒരു മൾട്ടിസ്പാൻ സ്റ്റീൽ പാലമാണ്. കൊൽക്കത്ത തുറമുഖവും അതിന്റെ ഉൾപ്രദേശവും തമ്മിൽ റോഡ്, റെയിൽ ബന്ധങ്ങൾ നൽകുന്നതിനായിട്ടാണ് വിവേകാനന്ദ സേതു നിർമ്മിക്കപ്പെട്ടത്. 2,960 feet (900 m) നീളമുള്ള പാലത്തിന് മൊത്തം 9 സ്‌പാനുകളുണ്ട്. പ്രശസ്തമായ ദക്ഷിണേശ്വർ ക്ഷേത്രം ഈ പാലത്തിനടുത്ത് ഹൂഗ്ലി നദിയുടെ തീരത്ത് സ്ഥിതി ചെയ്യുന്നു. ഹൗറയെയും കൊൽക്കത്തയെയും തമ്മിൽ ബന്ധിപ്പിക്കുന്ന 4 പാലങ്ങളിൽ ഒന്നായ ഈ പാലം പഴക്കത്തിൽ രണ്ടാം സ്ഥാനത്തുമാണ്. 2007 മുതൽ, 50 മീറ്റർ താഴെയായി നിവേദിത സേതു എന്ന പുതിയ പാലവും നിർമ്മിക്കപ്പെട്ടു.

പേരിടൽ[തിരുത്തുക]

ഇന്ത്യയുടെ വൈസ്രോയി, വില്ലിംഗ്ഡണിലെ ഒന്നാം മാർക്വേസ്, ഫ്രീമാൻ ഫ്രീമാൻ-തോമസ്, ഉദ്ഘാടനം ചെയ്തതിന്റെ പേരിലാണ് ഈ പാലത്തിന് ആദ്യം വില്ലിംഗ്ഡൺ ബ്രിഡ്ജ് എന്ന് പേരിട്ടത്. വിവേകാനന്ദ സേതു എന്നറിയപ്പെടുന്നതിന് മുമ്പ് ഇത് ബാലി ബ്രിഡ്ജ് എന്ന് പുനർനാമകരണം ചെയ്യപ്പെട്ടു.

നിർമ്മാണം[തിരുത്തുക]

സൂര്യാസ്തമയ സമയത്ത് വിവേകാനന്ദ സേതു

റെയിൽവേ കരാറുകാരനും വ്യവസായിയുമായ റായ് ബഹാദൂർ ജഗ്മൽ രാജയാണ് പാലത്തിന്റെ നിർമ്മാണവും കൈസോണിംഗും നടത്തിയത്. പാലത്തിന്റെ ഗർഡറുകളിൽ അദ്ദേഹത്തിന്റെ നെയിംപ്ലേറ്റ് ഇപ്പോഴും കാണാം. പാലത്തിന്റെ നിർമ്മാണം 1926 ൽ ആരംഭിക്കുകയും 1932 ൽ പൂർത്തീകരിക്കുകയും ചെയ്തു.

300 അടി വീതം അകലെയുള്ള എട്ട് സ്പാനുകൾ ഉപയോഗിച്ചാണ് പാലം നിർമ്മിച്ചത്. പാലത്തിന്റെ നീളം ഏതാണ്ട് അര മൈലാണ്. ഇരുവശത്തും 10 കിലോമീറ്റർ വീതം സമീപനറോഡുകളുമുണ്ട്. ഇന്ത്യയിലെ റെയിൽ‌വേയുടെ ചരിത്രത്തിലും ഈ റെയിൽ‌വേ പാലം പ്രധാനമാണ്, കാരണം റെയിൽ‌വേ ആദ്യമായി ഹൂഗ്ലി നദി കടന്ന് കൽക്കത്തയിലെ സിയാൽ‌ഡ ടെർമിനസിൽ എത്തിയത് ഇതിലൂടെയാണ്. അക്കാലത്ത് ഒരുകോടി രൂപ ചെലവഴിച്ചാണ് പാലം നിർമ്മാണം നടത്തിയത്. [1]

റായ് ബഹദൂർ ജഗ്മൽ രാജയുടെ നേട്ടം അംഗീകരിച്ചുകൊണ്ട് ബ്രിട്ടീഷുകാർ, ഈ പാലത്തിലൂടെ ആത്യമായി കടന്നുപോയ തീവണ്ടിക്ക് ജഗ്മൽ രാജ ഹൗറ എക്സ്പ്രസ് എന്ന് പേരിട്ടിരുന്നു.

ഉപയോഗം[തിരുത്തുക]

വിവേകാനന്ദ സേതുവിന്റെ മുൻവശം

റോഡിനും റെയിലിനും പാലം സേവനം നൽകുന്നു

ഈ പാലം അടുത്തിടെ 24,000 വാഹനങ്ങളുടെ പ്രതിദിന ഗതാഗതം കൈകാര്യം ചെയ്തിട്ടുണ്ട്. [2]

വിവേകാനന്ദ സേതു കാലപ്പഴക്കത്താൽ ദുർബലമായിത്തീർന്ന അവസ്ഥയിലാവുകയും കനത്ത ട്രാഫിക്കുള്ളതിനാൽ അറ്റകുറ്റപ്പണികൾ പോലും നടത്താൻ സാധിക്കാതെവരികയും ചെയ്തതിനാൽ, രണ്ടാമതൊരു പാലത്തിന്റെ ആവശ്യമുണ്ടായിരുന്നു. അക്കാരണത്താൽ, ഇതിന് സമാന്തരമായി 50 മാറ്റർ താഴെയായിനിവേദിത സേതു നിർമ്മിച്ചുു. 2007 ൽ ഇത് ഗതാഗതത്തിനായി തുറന്നു. വിവേകാനന്ദ സേതു ബാലി മുതൽ കൊൽക്കത്ത വരെ ഗതാഗതം അനുവദിക്കുമ്പോൾ നിവേദിത സേതു കൊൽക്കത്തയിൽ നിന്ന് ബാലിയിലേക്ക് താഴേയ്ക്കുള്ള ഗതാഗതത്തെ സഹായിക്കുന്നു.

ഇതും കാണുക[തിരുത്തുക]

അവലംബം[തിരുത്തുക]

  1. Conditions and Prospects of United Kingdom Trade in India: (with a Brief Account of the Trade of Burma).Great Britain. Dept. of Overseas Trade ;H.M. Stationery Office, 1928 - India pp:136.
  2. "Famous Bridges of India – Vivekananda Setu". India Travel News. Retrieved 6 July 2011.[പ്രവർത്തിക്കാത്ത കണ്ണി]
"https://ml.wikipedia.org/w/index.php?title=വിവേകാനന്ദ_സേതു&oldid=3645278" എന്ന താളിൽനിന്ന് ശേഖരിച്ചത്